Գիտնականները պարզել են, որ աշխատանքային կանոնավոր սթրեսը հանգեցնում է անձի փոփոխության
6331
Գիտնականները պարզել են, որ աշխատանքային կանոնավոր սթրեսը հանգեցնում է անձի փոփոխության
Աշխատանքի մեջ քրոնիկ սթրեսը ի վիճակի է հանգեցնելու ինքնության փոփոխությունների, եւ, իհարկե, ոչ դեպի լավը: Եթե անընդհատ սթրեսային եք, ապա դառնում եք ավելի նևրոտիկ, ինչը ձեզ զգայուն է դարձնում սթրեսի նկատմամբ: Արդյունքում՝ անընդհատ ունեք հոգնածություն ու անհանգստություն և, որպես կանոն, ատում եք ձեր աշխատանքը:
Բարեբախտաբար, ոչ բոլոր տեսակի սթրեսներն են նման բացասական ազդեցություն ունենում մարդկանց վրա: Սթրեսային իրավիճակները կարելի է բաժանել 2 խմբի՝ մարտահրավեր և սպառնալիք: Առաջին տարբերակը ենթադրում է, որ դժվարությունը հաղթահարելու դեպքում կունենաք հաճելի արդյունք: Օրինակ, եթե ձեզ հանձնարարում են կատարել դժվար առաջադրանք, և դրա դիմաց ստանալ պարգևատրում, ապա այն շատ ավելի հեշտ է հաղթահարել:
Իսկ սթրես-սպառնալիքը իսկապես կարող է հանգեցնել նևրոզի: Եվ զարմանալի չէ, քանի որ այս տարբերակը ենթադրում է մշտական լարվածություն՝ առանց պարգևատրման կամ հանգստի: Եթե նման իրավիճակը երկար ժամանակ պահպանվի, այն կարող է ազդել նյարդային համակարգի վրա և մարդուն հուզականորեն ավելի անկայուն դարձնել:
Ավելին, աշխատավայրում քրոնիկ սթրեսը կարող է տևական հետևանքներ ունենալ: Սթրեսը կարող է փոխել ԴՆԹ-ի արտահայտվածությունը: Այլ կերպ ասած, դա ազդում է ոչ միայն մարդու նյարդային համակարգի, այլև նրա սերունդների վրա:
Ինչպես պաշտպանվել
Գիտնականները կարծում են, որ սթրեսի մակարդակի իջեցումը ղեկավարության խնդիրն է, որը պետք է աշխատողներին հնարավորություն տա հաջողակ լինելու իրենց բիզնեսում և գնահատել նրանց արժանիքները: Բայց ոչ բոլորն են պատրաստ իրենց հուզական բարեկեցությունը ղեկավարներին վստահել:
Կարող եք ինքներդ ձեզ նաև պաշտպանել, եթե խնդիրները դիտեք որպես մարտահրավեր՝ հաղթահարելով դրանք։ Միշտ չէ, որ հնարավոր է առանց սթրեսի հաղթահարել բոլոր դժվարությունները, բայց այս մեթոդը նկատելի փոփոխություններ կառաջացնի: Եթե սա էլ չօգնի՝ ուղղակի քննարկեք ձեր անհանգստությունը ղեկավարի հետ:
Գրեթե ցանկացած աշխատանք անընդհատ մարտահրավեր է ստեղծում աշխատակիցների համար, որից հնարավոր չէ խուսափել, և միշտ չէ, որ անհրաժեշտ է։ Մեզ պետք են այս մարտահրավերները` լավագույնը դառնալու և ավելի մեծ հաջողությունների ձգտելու համար: Խնդիրը ծագում է, երբ սթրեսը դադարում է առողջ լինել, և աշխատանքը վերածվում է ատելի, անվերահսկելի կամ անիմաստ առօրյայի:
Աղբյուրը
Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին
