Կորոնավիրուսի 10 հիմնական ախտանիշները

Կորոնավիրուսի 10 հիմնական ախտանիշները

Հարբուխը, գրիպը և կովիդը տարբերակելն այնքան էլ հեշտ չէ հատկապես մրսածության և վիրուսային հիվանդությունների սեզոնին:
Ահա կորոնավիրուսային վարակի հիմնական ախտանիշները` իրենց դրսևորման կարգով:
Հարավային Կալիֆոռնիայի համալսարանի գիտնականներին հաջողվել է հավաքել բոլոր հայտնի տեղեկությունները կորոնավիրուսի մասին և պարզել, թե ինչպես է հիվանդությունը դրսևորվում քայլ առ քայլ: Ախտանիշները կանխատեսելու համար հետազոտողները վերլուծել են Չինաստանի 55 հազար բնակիչների դեպքերը, իսկ տվյալները տրամադրվել են Առողջապահության համաշխարհային կազմակերպության կողմից: Պարզվել է, որ հիվանդության նշաններն առավել հաճախ դրսևորվում են որոշակի կարգով:

Ջերմություն
Հիվանդների մոտ ի հայտ է գալիս մարմնի ջերմաստիճանի բարձրացում, հիմնականում՝ 37.5-ից բարձր:

Հազ
Ուսումնասիրությունը ցույց տվեց, որ սեզոնային գրիպի ընթացքում այս ախտանիշը կոկորդի ցավի հետ մեկտեղ ուղեկցվում է ջերմությամբ: Covid-19-ը ազդում է թոքային հյուսվածքի վրա, և արդյունքում հազը դառնում է չոր և երկարատև: Երբ հիվանդությունը զարգանում է, թոքային հյուսվածքը լցվում է հեղուկով: Այս դեպքում հիվանդը կարող է զգալ շնչարգելություն, քանի որ մարմինը պայքարում է բավարար քանակությամբ թթվածին ստանալու համար:

Սրտխառնոց
Ոչ այնքան տարածված ախտանիշ: Ըստ Չինաստանի տվյալների՝ նախնական փուլում այն միջին հաշվով բացահայտվում է հիվանդների 11 %-ի մոտ և ամենից հաճախ՝ երեխաների: Որոշ դեպքերում ԱՄՆ-ի տվյալները հասել են 26 %-ի: Covid-19-ի դեպքում առաջացած սրտխառնոցի պատճառները լիովին չեն բացահայտվել: Որոշ հիվանդների դեպքում դա կարող է լինել հենց վիրուսի հետևանք, որը ունակ է հարձակվելու ոչ միայն թոքերի, այլև ստամոքս-աղիքային համակարգի վրա: Ախտանիշը դրսևորվում է հիվանդության սկզբում, բայց որոշ ժամանակ կարող է շարունակվել վերականգնման ավարտից հետո: Եթե հիվանդը սրտխառնոց է զգում ախտորոշումից հետո, ապա դա կարող է կապված լինել անհանգստության և սթրեսի աճի զգացողության հետ: Մեկ այլ պատճառ է՝ դեղերի կողմնակի ազդեցությունը թերապիայի դեպքում։

Փորլուծություն
Ըստ ամերիկյան «Գաստրոէնտերոլոգիա» ամսագրում հրապարակված ուսումնասիրության՝ լուծը նույնպես հաճախ դրսևորվում է հիվանդության սկզբնական փուլերում: Ուսումնասիրելով 206 հիվանդների ցուցանիշները՝ բժիշկները պարզել են, որ 48-ը խնդիրներ են ունեցել միայն ստամոքս-աղիքային համակարգի հետ, մինչդեռ 69-ը՝ նաև կոկորդի։ Հիվանդությունը կարող է տարբեր դրսևորումներ ունենալ: Covid-19-ի դեպքերի շուրջ կեսի մոտ հայտնաբերվում են հետևյալ ախտանիշները. շնչարգելություն, հոգնածություն, համի կորուստ, տարբեր ցավեր:

Շնչարգելություն
Ամենից հաճախ այն դրսևորվում է 4-10-րդ օրվանից: Ռիսկային խմբում են 65+ տարեկանները, ծխողները, շաքարախտ, թոքային և սիրտ-անոթային հիվանդություններ ունեցողները, ինչպես նաև ցածր իմունիտետ ունեցողները։ Շնչարգելությունը նաև կարող է լինել սթրեսի և լարվածության հետևանք։

Հոգնածություն
Այս ախտանիշը ցույց է տալիս, որ մարմինը բոլոր ռեսուրսները սպառում է վիրուսի դեմ պայքարի համար: Եվ չնայած մարդը գուցե դա չի զգում, մարմինը ազդանշան է ուղարկում, որ պայքարը իր համար բավականին հոգնեցուցիչ է: Հաճախ հոգնածությունը ուղեկցվում է հիվանդության այլ նշանների հետ, ինչպիսիք են կոկորդացավը և մկանային ցավը: Հաճախ պատահում է, որ հիվանդության այս ախտանիշն անհետանում է ամենավերջինը:

Համի և/ կամ հոտի կորուստ
Այս ախտանիշի բնույթը տարբերվում է գրիպի կամ հարբուխի դրսևորումներից, քանի որ կովիդ 19-ը սովորաբար ընթանում է առանց քթի փակվածության: Ըստ տեսություններից մեկի՝ վիրուսը ազդում է նյարդային վերջավորությունների վրա, որոնք կապված են համի և հոտի զգացողությունների հետ, բայց գիտնականները հստակ պատճառը դեռ չեն հայտնաբերել: Միջին հաշվով՝ կորոնավիրուսով հիվանդների մոտ համի ու հոտի կորստի զգացումը տևում է ութ օր:

Տարբեր ցավեր
Այս զգացողությունները հիշեցնում են մարզադահլիճից հետո հոգնածությանը: Ամբողջ մարմինն ասես կոտրտվում է։ Նմանատիպ ախտանիշը բազմաթիվ վիրուսներին բնորոշ առանձնահատկություն է, քանի որ դրանք հակված են վնասելու մկանների մանրաթելերը:
Ուժեղ, սուր գլխացավերը նույնպես համարվում են կորոնավիրուսի առաջին ախտանիշներից: Կան ենթադրություններ, որ դրանք ուղեկցում են հիվանդներին, ովքեր հիվանդության ընթացքում խնդիրներ ունեն ստամոքս-աղիքային տրակտի հետ կապված:
Կոնյուկտիվիտ (շաղկապենաբորբ)
Կարմիր բորբոքված աչքերը կարող են հանգույցի միջոցով վիրուսի ներթափանցման հետևանք լինել կոնյուկտիվայի (շաղկապենաբորբ) միջոցով՝ ծածկելով սպիտակուցը և կոպի ներքին մասը: Պետք է անհանգստանալ, եթե կոնյուկտիվիտը հայտնվում է հիվանդության այլ ախտանիշների հետ միասին:

Ցան մաշկի վրա
Առանձնացվում են ցանի տեսակներ, որոնք կարող են առաջանալ կովիդի դեպքում: Հիմնականներն են` եղնջացան, ջրծաղկի նման ցան և «կոշտուկներ»:

Եղնջացան
Մաշկի վրա բավականին արագ՝ մի քանի ժամվա ընթացքում, առաջանում է ցան, որը, սովորաբար, ուղեկցվում է քորով: Ցանը կարող է առաջանալ մարմնի ցանկացած հատվածում: Մաշկի խնդիրները կարող են դրսևորվել ինչպես հիվանդության վաղ փուլում, այնպես էլ հիվանդության ողջ ընթացքում:

Ջրծաղիկի նման ցան
Սրանք փոքր-ինչ կարմիր, պղպջակներով փոսիկներ են, որոնք կարող են հայտնվել մարմնի ցանկացած հատվածում, բայց հատկապես արմունկների և ծնկների վրա, ինչպես նաև ձեռքերի և ոտքերի հետևի մասում: Նման ցանը կարող է պահպանվել մի քանի օր և նույնիսկ շաբաթներ:

«Կոշտուկներ»
Այս ախտանիշը ավելի հաճախ հանդիպում է հիվանդության հետագա զարգացման ընթացքում և ավելի հաճախ դրսևորվում է երիտասարդների մոտ: Կարմրավուն և մանուշակագույն կոշտուկները հայտնվում են մատների և ոտքերի վրա և կարող են ցավոտ զգացողություններ առաջացնել: Այս ախտանիշը չի ուղեկցվում քորով:
Եթե շփվել եք վերը թվարկված ախտանիշներ ունեցող անձի հետ, խորհուրդ է տրվում հանձնել կովիդի թեստ։
 
 
  Աղբյուրը
 
 Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին