Հարց ու պատասխան նոր կորոնավիրուսային վարակի, հղիության, ծննդաբերության և կրծքով կերակրման վերաբերյալ

Հարց ու պատասխան նոր կորոնավիրուսային վարակի, հղիության, ծննդաբերության և կրծքով կերակրման վերաբերյալ


1. Ես հղի եմ: Ինչպե՞ս կարող եմ պաշտպանվել նոր կորոնավիրուսային վարակից:
Covid19 pregnancy QA posts_Armenian_1.jpg (1.02 MB)
ՔՈՎԻԴ-19-ից խուսափելու համար հղիության ընթացքում կանայք պետք է ձեռնարկեն միևնույն նախազգուշական միջոցները, ինչ մյուս մարդիկ.

-Հաճախ լվանան ձեռքերը,

-Պահպանեն հեռավորություն,

-Խուսափեն իրենց դեմքին դիպչելուց,

-Հազալիս/փռշտալիս լավ ծածկեն բերանը և քիթը:


2. Արդյո՞ք հղի կանայք պետք է անցնեն նոր կորոնավիրուսային վարակի թեստ:
Covid19 pregnancy QA posts_Armenian_2.jpg (1.03 MB)
Թեստ անցնելու կարգը և առաջնահերթությունը տարբերվում են` կախված բնակության վայրից, բայց, Առողջապահության համաշխարհային կազմակերպության առաջարկության համաձայն, ՔՈՎԻԴ-19-ի ախտանիշներ ունեցող հղի կանանց պետք է առաջնահերթություն տրվի թեստ անցնելու համար: 

3. Կարող է արդյո՞ք նոր կորոնավիրուսային վարակը մորից փոխանցվել պտղին կամ նորածնին:
Covid19 pregnancy QA posts_Armenian_3.jpg (1.10 MB)
Դեռևս հայտնի չէ՝ արդյոք ՔՈՎԻԴ-19 ունեցող հղի կինը հղիության կամ ծննդաբերության ընթացքում կարող է վիրուսը փոխանցել իր դեռ չծնված կամ նորածին երեխային, թե՝ ոչ: Մինչ այժմ, ամնիոտիկ հեղուկի կամ կրծքի կաթի նմուշներում կորոնավիրուս չի հայտնաբերվել:  

4. Ի՞նչ խնամք պետք է հասանելի լինի հղիության և ծննդաբերության ընթացքում:  
Covid19 pregnancy QA posts_Armenian_4.jpg (1.12 MB)
Բոլոր հղի կանայք, ներառյալ ՔՈՎԻԴ-19 հաստատված վարակ կամ վարակի կասկած ունեցողները, իրավունք ունեն բարձրորակ խնամք ստանալու թե՛ ծննդաբերությունից առաջ, թե՛ դրա ընթացքում, թե՛ ծննդաբերությունից հետո:  

5. Արդյո՞ք հղի կանայք, ում մոտ կասկածվում կամ հաստատվել է նոր կորոնավիրուսային վարակ, պետք է ծննդաբերեն կեսարյան հատումով:
Covid19 pregnancy QA posts_Armenian_5.jpg (1.24 MB)
Կեսարյան հատման անհրաժեշտություն չկա, եթե այն բժշկական տեսանկյունից արդարացված չէ։ Ծննդաբերության եղանակի համար որոշիչ են մանկաբարձական ցուցումները և կնոջ ցանկությունը՝ ներառյալ ՔՈՎԻԴ-19 հաստատված վարակի առկայության կամ կասկածի դեպքում: 

6. Արդյո՞ք նոր կորոնավիրուսային վարակ ունեցող կանայք կարող են կրծքով կերակրել:
Covid19 pregnancy QA posts_Armenian_6.jpg (1.04 MB)
Այո, ՔՈՎԻԴ-19 ունեցող կանայք կարող են կրծքով կերակրել: Նրանք պետք է.

-Առկայության դեպքում կրեն դիմակ կերակրելիս,

-Ձեռքերը լվանան երեխային դիպչելուց առաջ և հետո,

-Մաքրեն և ախտահանեն բոլոր մակերևույթները, որոնց դիպչել են։


7. Կարո՞ղ եմ դիպչել կամ գրկել իմ նորածնին, եթե նոր կորոնավիրուսային վարակ ունեմ:
Covid19 pregnancy QA posts_Armenian_7.jpg (1.06 MB)
Այո, սերտ շփումն օգնում է երեխային զարգանալ: ՔՈՎԻԴ-19 վարակ ունեցող կանայք կարող են անվտանգ կրծքով կերակրել՝ կրելով դիմակ, երբ առկա է: Լվացեք ձեռքերը Ձեր երեխային դիպչելուց առաջ ու հետո և մաքուր պահեք բոլոր մակերևույթները:
 
​8. Ես նոր կորոնավիրուսային վարակ ունեմ և ի վիճակի չեմ ուղղակիորեն կրծքով կերակրել իմ նորածնին, ի՞նչ անեմ:
Covid19 pregnancy QA posts_Armenian_8.jpg (1.16 MB)
Կանանց, ովքեր ՔՈՎԻԴ-19 վարակի պատճառով այնքան վատ են զգում, որ չեն կարող ինքնուրույն կրծքով կերակրել, հարկավոր է օգնել կերակրել երեխային կրծքի կաթով այլ անվտանգ եղանակով՝ ներառյալ կթած մայրական կաթով, ռելակտացիայի միջոցով կամ կթած դոնորական կաթով: 




Աղբյուրը

 

Տագնապային խանգարումները հղի կանանց մոտ․ պատճառները և բուժումը

Տագնապային խանգարումները հղի կանանց մոտ․ պատճառները և բուժումը

Երեխային սպասելը ուրախ և հուզումնալի ժամանակահատված է:

Թութքը հղիության ընթացքում. ախտանիշներն ու բուժումը

Թութքը հղիության ընթացքում. ախտանիշներն ու բուժումը

Հղիության ընթացքում կանանց մարմինը ենթարկվում է գլոբալ փոփոխությունների և շատ հաճախ թութքի առաջացման պատճառ դառնում։

Անպտղության հոգեբանական պատճառները

Անպտղության հոգեբանական պատճառները

Վերարտադրողական գործառույթի խանգարումները կարող են վերագրվել հոգեսոմատիկ կամ հուզական դաշտում առկա խանգարումներին:

Պարը հղիների համար․արդյո՞ք կարելի է

Պարը հղիների համար․արդյո՞ք կարելի է

Կարելի՞ է հղիներին պարել․․․