Օրվա ընթացքում քանի անգամ պետք է ուտել 

Օրվա ընթացքում քանի անգամ պետք է ուտել 
Դիետա 
Նախաճաշը՝ առավոտյան 7։00-8։00-ին 
Ճաշը՝ 13:00-14:00-ին  
ընթրիքը՝ 19:00-20:00-ին 
Այս դիետան մեզ ծանոթ է դեռ մանկուց, բայց դա կենսաբանական առումով անհրաժեշտություն չէ, ինչպես կարելի է մտածել՝ դիտարկելով դրա լայն կիրառումը: 
Մարդիկ միշտ չէ, որ օրական երեք անգամ են սնվում: Այս ռեժիմը ձևավորվել է մշակույթի, ավելի ճիշտ՝ ութժամյա աշխատանքային օրվա ազդեցությամբ։ Եկեք տեսնենք, թե  օրական երեքանգամյա սնունդը, բացի հարմարությունից, արդյո՞ք ունի որևէ այլ առավելություն: 
Ընթերցեք նաև՝ https://sotskiy.am/hy/article/2507
Օրական երեքանգամյա սնման առավելությունները 
Շատ սննդաբաններ պնդում են, որ ավելի հաճախակի սնվելը կարող է օգնել ավելի լավ վերահսկելու քաշը, քան սովորական երեքանգամյա սնման ռեժիմը, բայց որոշ ուսումնասիրություններ դա հերքում են: 
Հետազոտությունը ցույց է տվել, որ օրական երեք անգամ սնվելը ավելի վատ չէ վեցանգամյայից, երբ անհրաժեշտ է նիհարել: Ութ շաբաթվա ընթացքում մասնակիցների երկու խումբ պահում էին ցածր կալորիականությամբ դիետա, բայց մի խումբը ուտում էր օրական երեք անգամ, իսկ մյուսը՝ վեց: Արդյունքում, երկու խմբերի մասնակիցները նիհարել են, և գիտնականները էական տարբերություններ չեն նկատել: 
Ո՞ւմ է հարմար օրական երեք անգամ սնվելը 
Օրական երեքանգամյա սննդակարգը կհամապատասխանի ձեզ, եթե. 
  • •աշխատում եք 8։00-ից մինչև 17:00 և թեթև սնվելու հնարավորություն չունեք սնվելու ժամերի  միջակայքում 
  • չեք ցանկանում լրացուցիչ ժամանակ հատկացնել սնունդ պատրաստելուն 
  • սովոր եք այս տեսակի սննդակարգին, չունեք ավելորդ քաշ և մարսողական խնդիրներ
  • օրվա կեսին քաղց չեք զգում 
Եթե դուք պայքարում եք ավելորդ քաշի դեմ, տառապում եք քաղցից և չափից շատ եք ուտում, ապա պետք է փորձեք այլ սննդային ռեժիմներ 
Կոտորակային սնուցում՝ քաղցը վերահսկելու համար 
Դիետա 
Կոտորակային սննդակարգի էությունն է՝ ձեր ամենօրյա կալորիաների ընդունումը բաժանել շատ փոքր չափաբաժինների: Իսկ թե որքան՝ կախված է ձեր հնարավորություններից և ցանկություններից: Սովորաբար, դրանք վեցն են. երեք հիմնական և երեք նախուտեստ: 
Եթե ձեր կալորիաների քանակը 1500 կկալ է, ապա երեք 500 կկալ կերակուրի փոխարեն դուք միանգամից ուտում եք ոչ ավելի, քան 250 կկալ: Սա, օրինակ, մեկ սենդվիչ է կամ մի բաժակ կեֆիր և խնձոր: 
Կոտորակային սննդակարգի առավելությունները 
Այս մեթոդի առավելություններն են օրվա ընթացքում քաղց չզգալը, ինչի շնորհիվ ավելի քիչ սնունդ եք սպառում, նույնիսկ եթե կալորիաներ չեք հաշվում և սննդի մեջ չեք սահմանափակվում: 
Ո՞ւմ է կարելի փորձել կոտորակային սննդակարգը 
Անցեք կոտորակային սնուցման, եթե. 
  • ունեք ավելորդ քաշ և դրանից ազատվելու ուղիներ եք փնտրում
  • օրվա ընթացքում սնվելու հնարավորություն ունեք
  • ցերեկը հաճախ քաղցած եք, իսկ երեկոյան` չափազանց շատ եք  ուզում ուտել 
  •  ցանկանում եք իջեցնել ձեր խոլեստերինի և ինսուլինի բարձր մակարդակը: 
Կարճաժամկետ քաղցած մնալը՝ սրտի և ուղեղի առողջության համար 
Դիետա 
Կարճաժամկետ քաղցած մնալը դիետա է, որով դուք սպառում եք միայն ջուր 16-18 ժամվա ընթացքում, իսկ մնացած ժամանակ ուտում եք այնքան, որքան ցանկանում եք, բայց առանց ավելորդ ուտելու և վնասակար սննդի: Կա նաև մեկ այլ սխեմա. շաբաթական հինգ օր կանոնավոր սնունդ և շաբաթը երկու անգամ 24 ժամ քաղցած մնալը: 
Կարճաժամկետ քաղցած մնալու առավելությունները 
Բավականին շատ ուսումնասիրություններ կան, որոնք ապացուցում են քաղցած մնալու օգուտները, բայց դրանց մեծ մասն արվել է կենդանիների օրինակով: 
Օրինակ՝ փորձը մկների մոտ ապացուցեց կարճաժամկետ քաղցած մնալու օգուտները սրտանոթային համակարգի համար: Բացի այդ, տեղի է ունեցել ինսուլինի, լեպտինի և խոլեստերինի մակարդակի նվազում, ինչպես նաև տեստոստերոնի մակարդակի բարձրացում: 
Ո՞ւմ է խորհուրդ տրվում կարճաժամկետ քաղցած մնալ  
Դուք պետք է փորձեք կարճաժամկետ քաղցած մնալ, եթե՝ 
  • չեք կարող նիհարել և ցանկանում եք ինչ-որ նոր բան փորձել
  • առավոտյան քաղց չեք զգում (օրինակ, եթե 16 ժամվա ընթացքում ողջ օրը քաղցած  եք մնում և երեկոյան 20:00-ին սնվում եք, հաջորդ անգամ կարող եք սնվել միայն կեսօրին՝ 12-ին)
  • չեք ցանկանում շատ ժամանակ հատկացնել սնունդ պատրաստելուն:

Աղբյուրը

9 բնական ըմպելիք՝ ավելի լավ քնելու համար 

9 բնական ըմպելիք՝ ավելի լավ քնելու համար 

Օգնում է ավելի արագ քնելու` տրիպտոֆանի բարձր պարունակության շնորհիվ: Դա ամինաթթու է, որն անհրաժեշտ է մելատոնին հորմոնի արտադրության համար, որը պատասխանատու է մարմնի քնի և զարթոնքի համար:

Ինչպես ազատվել  այրոցից ( изжога) տնային  պայմաններում 

Ինչպես ազատվել  այրոցից ( изжога) տնային  պայմաններում 

Գրեթե բոլորս գիտենք, թե ինչ է այրոցը: Այն  տհաճ զգացողություն է, որը տեղի է ունենում կրծքավանդակում՝ այրոցով, ցավով, հաճախ բերանում զգացվող տհաճ համով։ 

Սնունդը՝ ենթաստամոքսային գեղձի համար 

Սնունդը՝ ենթաստամոքսային գեղձի համար 

Ենթաստամոքսային գեղձը մարսողական համակարգի կառուցվածքի մաս կազմող օրգան է, որն ունի արտաքին և ներքին սեկրետոր գործառույթ: Արտաքին սեկրեցումը դրսևորվում է մարսողական ֆերմենտներ պարունակող հյութի արտազատման մեջ:

Ֆեյխոա (վարդաթուզ) 

Ֆեյխոա (վարդաթուզ) 

Ֆեյխոայի օգտակար հատկությունները, կազմը և կիրառումը