Ալկոհոլային անհանդուրժողականության 9 նշան 

Ալկոհոլային անհանդուրժողականության 9 նշան 
Անհանդուրժողականություն է առաջանում, եթե օրգանիզմը չունի  ալկոհոլի և տոքսինների մշակման համար անհրաժեշտ ֆերմենտներ: Բացի այդ, ալկոհոլային խմիչքները կարող են պարունակել նյութեր, որոնք  որոշ մարդկանց մոտ անառողջ ռեակցիա են առաջացնում. Հացահատիկայիններից՝ գլյուտեն, խաղողից՝ որոշակի սպիտակուցներ, հիստամիններ, սուլֆիտներ, համային տեսականի: Հազվագյուտ դեպքերում ալկոհոլ օգտագործելուց հետո ուժեղ ցավը կարող է լինել ավշային հանգույցների քաղցկեղի նշան: Տհաճ ախտանիշները ազդարարում են այն մասին, որ օրգանիզմը մերժում է այն նյութերը, որոնք թափանցել են այնտեղ: Նման իրավիճակում ամենալավն այն է, որ հրաժարվեք խմելուց կամ ալկոհոլը սահմանափակեք: Եթե միայն մեկ տեսակի ալկոհոլից հետո  եք վատ զգում, փորձեք այն փոխարինել մեկ այլով:
Ընթերցեք նաև՝ Զարթխումից ազատվելու 7 միջոց
Ամեն դեպքում, հետևեք Ձեր արձագանքին: Ահա անհանդուրժողականության հիմնական նշանները. 
1. Վատ ինքնազգացողություն մի քանի կումից հետո 
Շատ խմելուց հետո բոլորն էլ  վատ  են զգում։Բայց եթե  ալկոհոլի առաջին բաժինն արդեն տհաճություն է առաջացնում,դա ցույց է տալիս անհանդուրժողականություն: Այս արձագանքը առաջին և ամենահուսալի նշանն է:  
2.Սրտխառնոց կամ փսխում  
Այսս ախտանիշները սովորաբար առաջանում են շատ խմելու դեպքում: Բայց երբ դրանք շատ արագ են հայտնվում, բառացիորեն մի քանի բաժակից հետո, դա խոսում է ալկոհոլի անհանդուրժողականության մասին: 
 3. Չափից շատ գազակալում  
Ոմանց համար ալկոհոլը առաջացնում է գազ, փքվածություն և որովայնի ցավ նույնիսկ մեկ բաժակից հետո: Եթե դա ձեզ մոտ պարբերաբար առաջանում է, դա կարող է վկայել ալկոհոլի անհանդուրժողականության մասին: Այնուամենայնիվ, այս ախտանիշների համար կարող են լինել այլ պատճառներ, ուստի լավագույնը՝ ձեր բժշկի հետ խորհրդակցելն է։ 
4. Փորլուծություն  
Այն հաճախ նկատվում է շատ խմող մարդկանց մոտ: Բայց ալկոհոլային անհանդուրժողականություն ունեցող մարդկանց մոտ լուծը կարող է առաջանալ ընդամենը մեկ բաժակից հետո:  
5. Կարմիր դեմք  
Դեմքի և պարանոցի կարմրությունը ալկոհոլային անհանդուրժողականության ամենատարածված նշաններից մեկն է: Միևնույն ժամանակ, մարդն արագ սկսում է զգալ հարբեցողության ախտանիշները, նույնիսկ եթե նա քիչ է  խմել։ 
6. Հոսք քթից  
Փակված քիթը կամ ալկոհոլ խմելուց հետո քթից հոսքը կապված է հիստամինի հետ: Այս նյութն առկա է օրգանիզմում և մասնակցում է տարբեր ֆիզիոլոգիական պրոցեսների, այդ թվում `ալերգիկ ռեակցիաների կարգավորման: Երբ օրգանիզմն ընկալում է ինչ-որ բան որպես սպառնալիք, ինչպիսին է ալկոհոլային ըմպելիքի ալերգենը, հիստամինն արտազատվում է: Բացի այդ, այն կարելի է գտնել հենց ալկոհոլի մեջ ՝ որպես խմորման ենթամթերք: Երկու դեպքում էլ դա հանգեցնում է քթի խցանման:  
7. Միգրեն  
Հիստամինի արտազատումից հետո դա կարող է առաջացնել այլ տհաճ ախտանիշներ ՝ սրտխառնոց, հոգնածություն, լույսի և ձայների նկատմամբ զգայունություն: Այն շատ նման է զարթխումին( похмелье),միայն անհանդուրժողականության դեպքում այս ամենը ոչ թե առավոտյան է հայտնվում, այլ շատ ավելի շուտ:  
8. Այտուց կամ ցան  
Սրանք կարող են առաջանալ հենց ալկոհոլի կամ ըմպելիքի մեջ պարունակվող նյութերի  պատճառով, ինչպիսիք են սուլֆիտները: Ձեռքերն ու ոտքերը սովորաբար ուռչում են: 
9. Ճնշման անկում  
Ճնշման կտրուկ անկումն ուղեկցվում է թուլության և գլխապտույտի զգացողությամբ: Սա բավականին լուրջ արձագանք է ալկոհոլի նկատմամբ, ինչը չպետք է լինի մեղմ անհանդուրժողականության դեպքում: Եթե նկատում եք այս ախտանիշը, անպայման դիմեք ձեր բժշկին:
 
Աղբյուրը
 Առողջության 10 չափանիշ, որոնք անհրաժեշտ է պարբերաբար վերահսկել

 Առողջության 10 չափանիշ, որոնք անհրաժեշտ է պարբերաբար վերահսկել

120/80 և ցածր ճնշումը նորմալ է համարվում

Ինչի՞ մասին են վկայում կրծքագեղձերի գոյացությունները,  ինչպե՞ս ազատվել դրանցից

Ինչի՞ մասին են վկայում կրծքագեղձերի գոյացությունները,  ինչպե՞ս ազատվել դրանցից

Անհրաժեշտ է հնարավորինս շուտ դիմել բժշկի, եթե 

Ինչպե՞ս արագացնել կապտուկների և քերծվածքների բուժումը 

Ինչպե՞ս արագացնել կապտուկների և քերծվածքների բուժումը 

Կապտուկները, մակերեսային կտրվածքներն ու քերծվածքներն  ակտիվ կյանքի բաղկացուցիչ մասն են

Ի՞նչ են տրանս ճարպերը և ինչպե՞ս են դրանք ազդում առողջության վրա 

Ի՞նչ են տրանս ճարպերը և ինչպե՞ս են դրանք ազդում առողջության վրա 

Ի՞նչ են տրանս ճարպերը և որտեղի՞ց են դրանք առաջանում