Ինչո՞ւ են մազերը վատ աճում, իսկ եղունգները՝ կոտրվում

Պարզենք, թե ինչն է պակասում  օրգանիզմին  

Անշուշտ լսել եք հետազոտությունների մասին, որոնք ներառում են միանգամից մի քանի ցուցանիշներ  օրգանիզմի վիճակի հետ կապված: Այսօր մենք ուզում ենք  մանրամասնորեն պատմել, թե ինչի համար է պատասխանատու նրանցից յուրաքանչյուրը (սա կարևոր է իմանալ), և ինչու է յուրաքանչյուրի համար կարևոր երեք ամիսը մեկ ստուգվելը: 

Կարծում ենք՝ դուք հիանալի հասկանում եք, որ ձեր բարեկեցությունն ու արտաքին տեսքը հիմնված են ձեր օրգանիզմի առողջության վրա: Եթե  մազերը սկսում են թափվել, եղունգները շերտազատվում են, և մաշկը գրգռվում է բառացիորեն ամեն ինչից, ապա  արյուն հանձնելու անհրաժեշտություն կա: Սովորաբար, օրգանիզմը ստուգելու համար բժիշկները խորհուրդ են տալիս հանձնելու այս թեստերը՝ ընդհանուր արյան ստուգում (կլինիկական), ֆերիտին, տրանսֆերին, տրանսֆերինի հագեցման գործակից, 25 (OH) վիտամին D, օմեգա-3 ինդեքս, TSH (վահանագեղձի խթանող հորմոն), T3, T4 (ազատ), B6, B9, B12:  

Ընդհանուր արյան վերլուծություն  

Արյան (և մեզի) ընդհանուր վերլուծությամբ ցանկացած բժիշկ սկսում է ախտորոշել օրգանիզմը: Որպես կանոն, սա օրգանիզմն ուսումնասիրելու առավել տեղեկատվական և ամենաարագ մեթոդն է, որը որոշում է մարդու վիճակը, նրա հիվանդության բնույթը, ինչպես նաև օրգանիզմի հնարավորությունները:  

Ֆերիտին  

Ֆերիտինի մակարդակը, ընդհանուր վերլուծության հետ միասին, հնարավորություն է տալիս բացահայտելու թաքնված երկաթի պակասը: Երկաթի՝ ինչպես շատ ցածր, այնպես էլ բարձր մակարդակը վնասակար է: Ավելցուկը կարող է հանգեցնել լյարդի, հոդերի, սրտանոթային և թոքային համակարգերի հիվանդությունների, ինչպես նաև ենթաստամոքսային գեղձի վնասման հետևանքով շաքարախտի զարգացման: Այնուամենայնիվ, ֆերրիտինի բարձր մակարդակը միշտ չէ, որ ցույց է տալիս երկաթի պակասի բացակայություն: Դա նաև սուր և քրոնիկ բորբոքման ու քաղցկեղի նշան է:  

Տրանսֆերին 

 Այս սպիտակուցը կապված է երկաթի՝ բջիջներին հասնելու հետ: Օրինակ՝ երկաթի պակաս ունեցող սակավարյունությամբ (IDA) տրանսֆերինի մակարդակը բարձրանում է: Թթվածնի պակասի պատճառով օրգանիզմը խթանում է լյարդում տրանսֆերինի արտադրությունը՝ բջիջներին երկաթի «մատակարարումը» մեծացնելու համար: Տրանսֆերինի նվազման մասին կարելի է դատել լյարդի խնդիրների առկայության, սպիտակուցների պակասի կամ օրգանիզմում բորբոքային գործընթացի առկայությամբ: 25 (OH) վիտամին D 25 (OH) վիտամին D-ի մակարդակը թույլ է տալիս գնահատել վիտամին D-ի (D2 և D3) կարգավիճակն օրգանիզմում: Նա կարևոր դեր է խաղում իր բոլոր գործընթացներում: Վիտամին D-ն համարվում է նախահորմոն, քանի որ այն ձևավորվում է օրգանիզմում ուլտրամանուշակագույն ճառագայթների ազդեցության տակ և ստացվում է նաև սննդից: Բայց տարիքի հետ օրգանիզմի՝ այս վիտամինը սինթեզելու կարողությունը վատթարանում է, ինչը հանգեցնում է այն անընդհատ ընդունելու անհրաժեշտության: Վիտամին D-ի անբավարարությունը հանգեցնում է կալցիումի կլանման խանգարմանը և, որպես արդյունք, օստեոպորոզին, իմունային համակարգի թուլացմանը, քրոնիկ հիվանդությունների հաճախակի սրացումներին, բոլոր բորբոքային և աուտոիմուն գործընթացների ծանր տևողությանը (աուտոիմուն թիրեոիդիտ և ատոպիկ դերմատիտ, արթրիտ, սիրտ-թոքային պաթոլոգիաներ և նույնիսկ ակնեներ):  

Վիտամին D-ի պակասի դեպքում մաշկի վերականգնողական գործառույթները, մազերի աճը, ուռուցքաբանության և կենտրոնական նյարդային համակարգի տարիքային պաթոլոգիաների ռիսկը վատթարանում են:  

Օմեգա-3 ինդեքս  

Այս ցուցանիշն արտացոլում է պոլիհագեցած ճարպաթթուների հավասարակշռությունը, որոնք անմիջականորեն կապված են սրտանոթային համակարգի աշխատանքի հետ և կարող են որոշել, օրինակ, սրտի կաթվածի կամ ինսուլտի ռիսկի աստիճանը: