Հղիության 38-րդ շաբաթ

Ծննդաբերությունը կարող է սկսվել և՛ այսօր, և՛ վաղը։ Այդ բնական է։ Մոր փորը հասել է իր առավելագույն չափին, մաշկը ձգվել է և հաճախ է քոր գալիս։

Պտղի զարգացման փուլ

Պտղի միջին երկարությունը 48-50սմ է, մարմնի զանգվածը`մոտ 3000գ: Ենթամաշկի ճարպի կուտակման հետևանքով մարմնի ուրվագծերն ավելի կլորավուն են դառնում: Մաշկը բաց վարդագույն է: Պանրանման զանգվածը քչանում է, նվազում է աղվամազերի քանակը:

Գլխի մազերի երկարությունը 1-2սմ է: Արգանդի խոռոչը կաշկանդում է պտղի շարժումները, ուստի նրա վերջույթներն ամուր կպած են մարմնին: Կմախքի ոսկրացումը շարունակվում է:

Երկրորդ հղիություն

Երկրորդ հղիության դեպքում ծննդաբերությունը կարող է հանկարծակի սկսվել։ Հետևեք ձեր զգացումներին և պատրաստ եղեք։ Եթե փորը քարանում է, ցավում է, արտադրություն է ի հայտ գալիս, մեջքը ձգում է, ապա իմացեք, որ ծննդաբերությունը շուտով կսկսվի։

Եթե փոքրիկը լռում է

38-39-րդ շաբաթում այդպիսի բան լինում է, երեխան պարզապես շարժվելու հնարավորություն չի ունենում արդեն իսկ նեղ դարձած տարածությունում, ուստի նախընտրում է քնել։ Որոշ շարժումներ, սակայն, մայրը պետք է որսա պարբերաբար։ Եթե երեխան երկար ժամանակ է լռում, դիմեք բժշկի։

Ծննդաբերության նախանշանները

Օրգանիզմն արդեն լիովին պատրաստ է ծննդաբերությանը։ Մարմինն աստիճանաբար սկսում է յուրահատուկ նշաններ արձակել՝ տեղեկացնելով մոտալուտ ծննդաբերության մասին։

Կարդացեք՝ Ինչպես է սկսվում ծննդաբերությունը

Այդ նշաններն են՝

• փորի իջեցում, 
• փորի մակերևույթի ժամանակավոր քարացում, 
• արգանդի տոնուսի բարձրացում, 
• արտադրություն, 
• մեջքի ձգվածություն, 
• քաշի չնչին նվազում։ 

Ծննդաբերությունը

Երեսունութերորդ շաբաթը լիովին համապատասխանում է բնական ծննդաբերությանը։ Եթե կեսարյան հատում եք պլանավորել, ապա ծննդատուն գնալու ժամանակն է, բժիշկը կարող է ծննդալուծման օր նշանակել։

Կարդացեք՝ Պատրաստվում ենք գնալ ծննդատուն