Պատրաստվում ենք գնալ ծննդատուն

Պատրաստվում ենք գնալ ծննդատուն

Ժամանակն աննկատ անցնում է, և հղի կնոջ կյանքում մոտենում է ամենահուզիչ պահը՝ ծննդաբերությունը: Սովորաբար ծննդաբերությունն սկսվում է հղիանալուց 280 օր (40 շաբաթ) հետո, երբ պտուղը դառնում է հասուն և ունակ արտարգանդային կյանքին: Հղի կնոջը սովորաբար մտահոգում է մի հարց՝ ինչպե՞ս կզգամ, որ ծննդաբերությունն սկսվում է, և ծննդատուն գնալու ժամանակն: Մոտեցող ծննդաբերության նախանշաններն ավելի հաճախ նկատում են հղի կնոջ հարազատները, քան հենց ինքը` հղին:

Ծննդաբերությունից մի քանի օր առաջ հղի կինը բնակարանում ինչ-որ բան փոխելու ցանկություն է ունենում: Նա «բույն է կառուցում», պատրաստվում է երեխայի հետ հանդիպմանը: Շատ կանայք գիտեն, որ ծննդաբերությունից առաջ հեռանում է լորձային խցանը: Այս երևույթը նկատվում է հղիության 38-րդ շաբաթում, ինչը կապված է հորմոնային փոփոխությունների հետ: Արգանդի վզիկի ուղին բացվում է, կնոջ սեռական օրգաններից առանձնանում է վզիկը պատող լորձային զանգված: Վերջինս նման է դեղնաշականակագույն մածուկի: Հաճախ լորձի հեռացումն ուղղեկցվում է որովայնի ստորին հատվածի թույլ, միալար ցավով:

Ծննդաբերության նախանշաններից է արգանդի հատակի իջեցումը: Ոչ մասնագիտական, առօրյա ընկալման մեջ այս երևույթը կոչվում է «որովայնի իջեցում»: Այս ամենը նկատելի է միայն այն ժամանակ, երբ երեխան ճիշտ դիրքում է, այսինքն` գլխով դեպի առաջ (ներքև): Ծննդաբերությանը մոտ ժամանակահատվածում երեխան մղվում է դեպի փոքր կոնք, որի միջով նա պետք է դուրս գա: Արգանդի հատակը իջնում է, և հղի կինն սկսում է հեշտությամբ շնչել, դադարում են այրոցը եւ հևոցը, որոնք ուղեկցում էին հղիության վերջին ամիսներին: Ծննդաբերության վերջին շաբաթների ընթացքում նկատվում է հղի կնոջ քաշի նվազում 0,5-2կգ-ով: Այս երևույթը նույնպես կապված է ծննդաբերությունից առաջ հորմոնային փոփոխությունների հետ. էստրոգեն հորմոնները նպաստում են մարմնից ավելորդ հեղուկի հեռացմանը:

Կեղծ նախածննդաբերական կծկումներ: Դրանք ամենից շատն են շփոթեցնում հղի կնոջը: Նախածննդաբերական կեղծ կծկումները սովորաբար դադարում են 2-3 ժամվա ընթացքում: Այս կծկումներն անկանոն են, այսինքն՝ լինում են տարբեր ընդմիջումներով (օրինակ 20ր, ապա 10ր, ապա 30ր եւ այլն): Լավագույնը, որ կարելի է անել այս դեպքում, քնելն է. չ՞է որ առջևում ծննդաբերությունն է և պետք է խնայել ուժերը: Եթե կծկումներն ավելի հաճախակի են դառնում, ուժեղանում են, ձեռք են բերում կանոնավոր բնույթ, նշանակում է, որ ծննդաբերությունն սկսվում է, եւ ժամանակն է գնալու ծննդատուն: Երբեմն ծննդաբերությունն սկսվում է պտղաջրերի հեռացումով: Այդ դեպքում անհապաղ պետք է գնալ ծննդատուն: Ամեն դեպքում, եթե չեք կարող գնահատել ձեր վիճակը, ավելի լավ է գնալ բժշկական հաստատություն, որպեսզի բժիշկը զննի ձեզ և փարատի ձեր կասկածները:

Նախքան հիվանդանոց գնալը հարկավոր է ձեզ հետ որոշ փաստաթղթեր և իրեր վերցնել։

  • Փաստաթղթեր՝ անձնագիր, ծննդյան վկայական։
  • Անձնական իրեր և հիգիենայի պարագաներ: Ծննդատներում այժմ թույլատրվում է օգտագործել գործարանային արտադրության մեկանգամյա օգտագործման հիգիենիկ տակդիրներ։ 
  • Հանքային ջուր կամ հյութ։
  • Երեխայի համար նախատեսված գլխարկ, գուլպաներ, տակդիրներ։

Ծննդատուն գնալուց առաջ պետք է անել անհրաժեշտ հիգիենիկ պրոցեդուրա: Պարտադիր է ցնցուղ ընդունել: Նախքան ծննդատուն գնալը հոգնա կատարելը պարտադիր չէ: Դուք կարող եք անել ինքներդ կամ կանեն ծննդատանը: Շատ ծննդատներում ծննդաբերության ժամանակ ամուսնու (կամ այլ ուղեկցողի) ներկայությունը թույլատրելի է:

Ծննդատուն ընդունվելու ժամանակ տեղեկացրեք ձեր ցանկության մասին: Ուղեկցող ամուսինը պարտավոր չէ որևէ տեղեկանք ներկայացնել առողջական վիճակի վերաբերյալ:

Ծննդատունն այն հիվանդանոցն է, որտեղ ստեղծված են բոլոր պայմանները ծննդաբերությունն ապահով անցկացնելու եւ որակյալ բուժօգնություն տրամադրելու համար:

Ծննդաբերության ընթացքը եւ ելքը մեծապես կախված է ձեզնից: Մի եղեք գործընթացի պասիվ մասնակիցը, հարցեր ուղղեք բուժաշխատողներին, մասնակցեք ծննդաբերությանը վերաբերող քննարկումներին, արտահայտեք ձեր ցանկությունները:

Ինչ է էպիզիոտոմիան և ինչպես վերականգնվել դրանից հետո

Ինչ է էպիզիոտոմիան և ինչպես վերականգնվել դրանից հետո

Ծննդաբերության ժամանակ հեշտոցը լայնանում է, բայց երբեմն դա կարող է բավարար չլինել երեխայի գլուխը տեղավորելու համար

Ի՞նչ անել, եթե առանց որևէ պատճառի կապտուկներ են առաջանում

Ի՞նչ անել, եթե առանց որևէ պատճառի կապտուկներ են առաջանում

Կապտուկը անոթների վնասվածքի պատճառով մաշկի վրա առաջացած արյունազեղումն է

Ստամոքսի քաղցկեղ

Ստամոքսի քաղցկեղ

Ընթացակարգի ժամանակ ստամոքսի մեջ մտցվում է հատուկ սարք, որի միջոցով բժիշկն ուսումնասիրում է ստամոքսի բոլոր հատվածները, ինչպես նաև 12-մատնյա աղին։

Ինչպե՞ս է գործում հղի կանանց դիմադրողականությունը

Ինչպե՞ս է գործում հղի կանանց դիմադրողականությունը

Գենի և դիմադրողականության տեսանկյունից՝ պտուղը օտար օրգանիզմ է կնոջ համար