Անքնությունը հղիության ընթացքում

 
Անքնությունը հղիության ընթացքում 
Հղիության ընթացքում անքնությունը երբեմն կարող է լինել ապագա մոր օրգանիզմում տեղի ունեցող գործընթացների հետևանք։ Առաջին եռամսյակում քնի խանգարումները հաճախադեպ են: Նման վաղ փուլում դա պայմանավորված է հորմոնալ փոփոխություններով: Այնուամենայնիվ, յուրաքանչյուր հաջորդ շաբաթվա ընթացքում քնի խանգարումների ավելի ու ավելի շատ պատճառներ կան: Երրորդ եռամսյակում հղի կանանց անքնությունը պայմանավորված է նրանով, որ յուրաքանչյուր շարժման համար ավելի ու ավելի շատ ջանքեր են անհրաժեշտ: Դժվարանում է  քնելու հարմարավետ դիրք գտնելը, քանի որ փորը բավականաչափ մեծանում է: 
Ընթերցեք նաև՝ Օրգազմը հղիության դեպքում
Անքնությունը հղիության ընթացքում. պատճառները 
 Ֆիզիոլոգիական պատճառներ. 
-շնչարգելություն 
 - ոտքերի ցավ 
- այրոց 
- պտղի շարժ 
 - միզելու մեծ ցանկություն, քանի որ ընդլայնված արգանդը ճնշում է միզապարկը 
 - մեջքի և գոտկատեղի շրջանի ցավեր: 
Անքնության հոգեբանական պատճառները. 
- նյարդային գերլարում (սթրես) 
- մղձավանջներ 
- քրոնիկական հոգնածություն 
Հիմնական խորհուրդներ, որոնք կօգնեն ազատվելու անքնությունից․ 
- Հրաժարվել ցերեկը քնելու սովորությունից. միգուցե գիշերային քունը  վերականգնվի: 
-Ձեզ հասկացող հարազատ մարդու հետ զրուցել գիշերային մղձավանջների մասին. հոգեբանները կարծում են, որ երազի մասին բարձրաձայն խոսելն օգնում է հասկանալու, որ իրականում վտանգ չկա: 
- Պետք է խուսափել գերլարումից․ հոգնածությունը, որը կուտակվում է ամբողջ օրվա ընթացքում, կարող է խանգարել երեկոյան հանգստին։ 
 -Քնելուց առաջ դժվարամարս սնունդ չուտել 
- Երեկոյան ավելի քիչ հեղուկ խմել 
- Քնելուց առաջ կարելի է տաք ցնցուղ կամ լոգանք ընդունել 
-Ստեղծել քնելու սովորություն՝ պառկելով միշտ նույն ժամին. գերադասելի է՝ մինչև երեկոյան 23։00-ն։ 
-Հղի կանայք, ովքեր հաճախում են ապագա մայրերի համար նախատեսված ֆիթնես պարապմունքների, շատ ավելի քիչ են բողոքում անքնությունից։ 
- Քնելուց առաջ մեկ ժամ զբոսնելը կհանգստացնի և կնպաստի հանգիստ քնելուն. այլընտրանքային տարբերակը սենյակի օդափոխումն է։ 
- Ծննդաբերությանը մոտ ժամանակահատվածում խորհուրդ չի տրվում քնել մեջքի վրա, քանի որ արգանդը ճնշում է ստորին երակին, ինչը նվազեցնում է արյան հոսքը դեպի սիրտ և ուղեղ, և պտղի մոտ կարող է առաջացնել գլխապտույտ և հիպոքսիա ու նույնիսկ ուշաթափություն՝ մոր մոտ։ Խորհուրդ է տրվում քնել ձախ կողմի վրա, ինչը կանխում է շնչարգելությունը, սակայն դա անհատական է։ 
- Նույնիսկ եթե հղիության ընթացքում անքնությունը մեծ անհանգստություն է պատճառում, պետք չէ օգտագործել քնաբեր: Ավելի լավ է դիմել բժշկի օգնությանը: Բացառիկ դեպքերում, երբ քնի և արթնության ռիթմը խանգարվել է այնքան, որ գիշերային հանգստի ժամանակը չի կազմում 4-6 ժամ կամ ավելի, և շարունակվում է մեկ շաբաթից ավելի, պետք է անհապաղ կապ հաստատել մասնագետի հետ: Գինեկոլոգը պարզում է՝ արդյոք կան անքնության ֆիզիոլոգիական պատճառներ, թերապևտն ուսումնասիրում է առողջության ընդհանուր վիճակը, իսկ հոգեբանը խորհուրդ է տալիս՝ ինչպես ազատվել հոգեբանական խանգարումից: Երեխայի ծննդին նախապատրաստվելը աշխատանք է, որը պահանջում է զգալի ջանքեր, որոնք էլ պետք է պարբերաբար վերականգնվեն: 
 
Աղբյուրը
Ի՞նչ է հարկավոր վերցնել Ձեզ հետ ծննդատուն գնալիս

Ի՞նչ է հարկավոր վերցնել Ձեզ հետ ծննդատուն գնալիս

Առանձին թղթապանակում հարկավոր է հավաքել բոլոր անհրաժեշտ փաստաթղթերը և դրանց կրկնօրինակները

Ի՞նչ են ներառում հղիության ընթացքում իրականացվող երեք սքրինինգները և ինչո՞ւ է պետք դրանք իրականացնել սահմանված ժամկետներում

Ի՞նչ են ներառում հղիության ընթացքում իրականացվող երեք սքրինինգները և ինչո՞ւ է պետք դրանք իրականացնել սահմանված ժամկետներում

Հղիության ընթացքում իրականացվող սքրինինգը հետազոտությունների համալիր է, որը թույլ է տալիս ծնողին և բժշկին ստանալ ամբողջական տեղեկատվություն դեռևս չծնված երեխայի առողջության վերաբերյալ

Ինչո՞ւ է վատանում տեսողությունը հղիության ընթացքում

Ինչո՞ւ է վատանում տեսողությունը հղիության ընթացքում

 Հղիության ընթացքում կնոջ մոտ փոփոխվում է հորմոնալ ֆոնը, մեծանում է սրտանոթային համակարգի ծանրաբեռնվածությունը, ինչն էլ ազդում է աչքաբիբերի արյան շրջանառության վրա

Տրանեկսամաթթուն հղիության ընթացքում

Տրանեկսամաթթուն հղիության ընթացքում

Հղիության ընթացքում կարող են առաջանալ տարբեր բարդություններ