Եվս մեկ անգամ՝սեքսի առավելությունների մասին

Եվս մեկ անգամ՝սեքսի առավելությունների մասինԱռողջ սեքսը շատ առավելություններ ունի: Յուրաքանչյուրն ունի զուգընկերոջ բավարարման և սերնդի շարունակման իր մոտեցումները, բայց եզրահանգումը նույնն է` մարդուն անհրաժեշտ է սեքս։ Սեքսն էական ազդեցություն է ունենում մեր կյանքի որակի վրա: Կանոնավոր սեքսը խթանում է մտավոր գործունեությանը, մարզում է սիրտը և նույնիսկ երկարացնում կյանքը: Սեռական հարաբերության ընթացքում ուղեղի բջիջները խթանվում են, և կանոնավոր սեռական հարաբերությունների դեպքում նրանց բարձր ակտիվությունը երկար ժամանակպահպանվում է: Շոտլանդացի հոգեբանները, ովքեր հետազոտել են ավելի քան երեք հազար եվրոպացիների, եկել են այն եզրակացության, որ ակտիվ սեռական կյանք ունենալն էապես դանդաղեցնում է ծերացումը: Ըստ հետազոտողների՝ մարդիկ, ովքեր, շաբաթվա ընթացքում երեք կամ ավելի անգամ սեռական հարաբերություն են ունեցել, իրենց տարիքից տասը տարի ավելի երիտասարդ են երևում: Այն փաստը, որ սեքսը սրտանոթային համակարգի առողջության հիմնական գործոն է, հայտարարվել է մի քանի տարի առաջ վիրաբույժ Քրիստիան Բեռնարդի կողմից: Ըստ հայտնի բժշկի՝ կանոնավոր սեքսը ամենագեղեցիկ և հաճելի միջոցն է՝  արյան անոթներն ու սիրտն առողջ պահելու: Queen's University Belfast- ի (Բելֆասթի Թագավորական համալսարան) մասնագետները հետազոտություն են անցկացրել՝պարզելու համար, թե որքան է մարդու ընդհանուր առողջության ու սեռական հարաբերության հաճախականության  միջև եղած կապը:

Կարող եք ընթերցել  նաև՝  Անալ սեքս

Ուսումնասիրությունները ցույց են տվել, որ կանոնավոր սեռական հարաբերություն ունեցող տղամարդկանց մահացության մակարդակը կրկնակի ցածր է նրանցից, ովքեր ընդհանրապես սեռական հարաբերություն չեն ունեցել: Սեքսից հետո մեծանում է պրոլակտին հորմոնի արտադրությունը, որը ուղեղի բջիջներին դրդում է ՝ ստեղծելու նոր նեյրոններ: Սեքսը նաև նպաստում է լավ կազմվածք ունենալուն. պարբերաբար սեռական հարաբերություններ ունենալով՝ կարելի է հղկել մարմինը և ազատվել ավելորդ քաշից: Մեկ կրքոտ սեռական հարաբերությունն այրում է մինչև 200 կալորիա(մոտավորապես նույնը, ինչ 15 րոպե վազքուղում  վազելը): Գրգռված մարդու զարկերակային աշխատանքի արագությունը համապատասխանում է մարզիկի զարկերակային աշխատանքի արագությանը` րոպեում 70-150 զարկ: Եթե սեքսի ընթացքում պահպանակ չի օգտագործվում, կանանց մոտ նվազում է ընկճվածությունը։ Դա բացատրվում է, նրանով, որ պրոստագլանդինը (սերմնահեղուկում հայտնաբերված հորմոն) ներծծվում է կանանց սեռական ուղիներում՝ կարգավորելով կանացի հորմոնների արտադրությունը: Սեքսը կարող է նաև որպես ցավազրկող միջոց լինել։ Օրգազմից անմիջապես առաջ օքսիտոցին հորմոնի մակարդակը իր նորմալ մակարդակից հինգ անգամ  բարձրանում է: Սա, իր հերթին, հանգեցնում է էնդորֆինների ձևավորմանը, որոնք անալգետիկ ազդեցություն են ունենում ցանկացած տեսակի ցավի դեպքում, ներառյալ՝ գլխացավը, արթրիտը և նույնիսկ միգրենը: Կանոնավոր սեքսի դեպքում բարձրանում է իմունիտետը, նվազում են ցրտահարվելու և գրիպով վարակվելու վտանգները: Սեռական հարաբերություններ ունենալով՝ կարող եք մոռանալ ատամնաբույժին այցելելու մասին: Սերմնահեղուկը պարունակում է ցինկ, կալցիում և այլ օգտակար նյութեր, որոնք դանդաղեցնում են ատամների քայքայումը:

Տղամարդիկ, ովքեր սեքսով են զբաղվում շաբաթական երեք անգամ կամ ավելի հաճախ, շատ ավելի քիչ են հակված սրտի կաթվածների և ինսուլտների: Սեքսը երբեք շատ չի լինում: Գիտնականների մեծ մասը համաձայն է այս պնդմանը։   Սեքսի բացակայությունը կարող է հանգեցնել տհաճ հետևանքների ինչպես կանանց, այնպես էլ տղամարդկանց մոտ: Սեռական հարաբերություններից ձեռնպահ մնալը տղամարդկանց մոտ կարող է առաջացնել խանգարումներ, ինչպիսիք են՝ վաղաժամ սերմնաժայթքում և այլ սեռական դժվարություններ: Սեքսի երկարատև բացակայությունը նույնպես կարող է բացասական ազդեցություն ունենալ մտավոր և ֆիզիկական գործունեության, տրամադրության  վրա, առաջացնել նյարդահոգեբանական գրգռվածության աճ և դժգոհության զգացում: Հարկ է իմանալ, որ տղամարդկանց մոտ սեռական անբավարարությունը, հատկապես 45 տարեկանից հետո, նվազեցնում է պոտենցիան։ Այս դեպքում ի հայտ է գալիս մարմնի հարմարվողական ռեակցիան. սեռական աբստրակցիան նպաստում է շագանակագեղձի մեջ սեկրեցների կուտակմանը, որն ինտենսիվորեն ներծծվում է արյան մեջ և խանգարում գոնադների գործառույթին: Լեյդիգի բջիջները արտադրում են ավելի քիչ սեռական հորմոններ (անդրոգեններ), ինչի հետևանքով նյարդային կենտրոնների զգայունությունը սեռական խթանների նկատմամբ նվազում է: Այսպիսով, ստեղծվում են սեռական հարաբերություններից ձեռնպահ մնալու նախադրյալները: Ձևավորվում է կայուն կախվածություն. որքան հազվադեպ են սեռական հարաբերությունները, այնքան քիչ է զգացվում դրանց կարիքը: Հակառակն է տեղի ունենում կանոնավոր սեռական հարաբերությունների դեպքում: Այսպիսով, սեռական հարաբերությունների կանոնավոր հաճախականության դեպքում շագանակագեղձի և գոնադների միջև առկա հորմոնալ կապը պահպանում է տղամարդկանց վերարտադրողական համակարգի նորմալ գործառույթները, իսկ սեռական ակտիվության ռիթմը սեռական խանգարումների կանխարգելման որոշիչ գործոններից մեկն է: Սեռական կյանքը պետք է լինի բացարձակ կանոնավոր: Պատկերացրեք, որ օգտագործում եք ձեր ոտքերը երկու շաբաթը մեկ. վեց ամիս հետո դժվար թե կարողանաք քայլել: Նույնն է նաև այս դեպքում ։ Բացի այդ, փոքր կոնքի օրգաններում առաջացող երևույթները, որոնք պայմանավորված են սեռական հարաբերությունների հազվադեպ լինելով կամ բացակայությամբ, շագանակագեղձի կամ պրոստատիտի բորբոքման ու զարգացման պատճառներից են։

Աղբյուրը

 

Առողջ սովորություններ

Առողջ սովորություններ

Մեծահասակին անհրաժեշտ է 7-9 ժամ քուն

Ինչու է սերմնահեղուկը խիտ

Ինչու է սերմնահեղուկը խիտ

Սովորաբար սերմնահեղուկը նման է միատարր հեղուկի՝ կաթնագույն սպիտակից մինչև մոխրագույն-դեղնավուն գույնի, հատուկ հոտով:

Ո՞ր մթերքներն են ստիպում ավելի շատ ուտել և գիրանալ

Ո՞ր մթերքներն են ստիպում ավելի շատ ուտել և գիրանալ

Հաճախ կարող եք լսել, որ երբ խոսքը վերաբերում է նիհարելուն և քաշը պահպանելուն, ամենակարևորը կալորիաների ընդհանուր քանակն է, այլ ոչ թե դրանց աղբյուրը

5 միֆ սեռական կյանքի մասին դաշտանադադարի ժամանակ, որոնք վնասակար են ձեր առողջության և հարաբերությունների համար

5 միֆ սեռական կյանքի մասին դաշտանադադարի ժամանակ, որոնք վնասակար են ձեր առողջության և հարաբերությունների համար

Դաշտանադադարը դաշտանային ցիկլի բնական դադարեցումն է