Հակամյուլլերյան հորմոն
Անալիզներ, հետազոտություններ
9061
9061
Ընդհանուր տեղեկություններ
Հակամյուլլերյան հորմոնը վերարտադրողական տարիքի կնոջ օվարիալ ռեզերվի մարկեր է։
Հետազոտության ցուցումները
- Վաղաժամ կամ ուշ սեռահասունցում։
- Կասկածելի դեպքերում սեռի ճշգրտում։
- Օվարիալ ռեզերվի և պրեմենոպաուզալ փոփոխությունների հետազոտում։
- ԱՄԲ-ի անհաջող դեպքեր։
- Անհայտ ծագման անպտղություն։
- Բեղմնավորման խնդիրներ։
- Ֆոլիկուլախթանիչ հորմոնի սահմանային կամ բարձր ցուցանիշներ։
- Քիմիաթերապիա և այլն։
Նախապատրաստում հետազոտությանը
Հետազոտության անցկացումից երեք օր առաջ պետք է խուսափել ծանրաբեռնվածությունից և սթրեսային իրավիճակներից։ Հետազոտության նախորդ օրը չպետք է ծխել և 20:00-ից հետո սնվել։
Արդյունքի վրա ազդող գործոններ
Հետազոտությանը նախապատրաստվելու կանոնների խախտումը, հուզական լարվածությունը և ֆիզիկական ծանրաբեռնվածությունը կարող են ազդել արդյունքի վրա։
Հիվանդություններ, որոնց մասին կարող են վկայել հետազոտության արդյունքները
Բարձր ցուցանիշներ
- Ձվարանի ուռուցքներ
- Սեռական հասունացման հապաղում
- Լյուտեինիզացնող հորմոնի ռեցեպտորի դեֆեկտներ
- Նորմոգոնադոտրոպային անօվուլյատոր անպտղություն
- Ձվարանների պոլիկիստոզ և այլն:
Ցածր ցուցանիշներ
- Օվարիալ ռեզերվի նվազում
- Ճարպակալում վերարտադրողական ուշ տարիքում
- Մենոպաուզա
- Վաղաժամ սեռական հասունացում և այլն։
