СА 72-4 հակածին
5021
Այս հետազոտությունը թույլ է տալիս հայտանաբերել արյան մեջ СА 72-4 հակածին (քաղցկեղի հակածին), որն արտադրվում է չարորակ ուռուցքներում, ինչպիսին են ստամքոսի, հաստաղու կամ ձվարանների կարցինոման:
СА 72-4-ը բարձր մոլեկուլյար, մուցինանման գլիկոպրոտեին է, որն արտադրվում է պտղի տարբեր հյուսվածքներում, և նորմայում հասուն մարդու մոտ գրեթե առկա չէ: Գեղձային ծագման (հատկապես ստամոքսի և ձվարանների մուցինոզային) չարորակ ուռուցքների դեպքում գրեթե միշտ նկատվում է СА 72-4-ի բարձր մակարդակ: Այն արտադրվում է քաղցկեղային բջիջների կողմից և անցնում է արյան հոսք՝ այդպիսով դառնալով արդյունավետ օնկոմարկեր, որը թույլ է տալիս հետևել հիվանդության ընթացքին: Այլ տեղակայման ուռուցքների , ինչպես նաև լյարդի հիվանդությունների (ցիրոզ, հեպատիտ), ձվարանի բարորակ ուռուցքների (կիստա), ստամոքսաաղիային համակարգի բորբոքային հիվանդությունների դեպքում նույնպես կարող է նկատվել СА 72-4 հակածինի բարձր մակարդակ:
Այս հետազոտությունը հիմնականում կիրառվում է հետևյալ նպատակներով.
- ստամոքսի քաղցկեղի բուժման արդյունավետ վերահսկման և հիվանդության ռեցիդիվի՝ կրկնության հայտնաբերման համար,
- ստամոքսի քաղցկեղի ուռուցքային պրոցեսի տարածման, մետաստազների հայտնաբերման համար,
- ձվարանի մուցինոզային քաղցկեղի բուժման արդյունավետության գնահատման համար,
- ձվարանների ուռուցքների դիֆերենցիալ ախտորոշման համար
Ստամոքսի քաղցկեղի առաջնային ախտորոշման համար այս հետազոտությունը նշանակվում է այլ հետազոտությունների հետ համատեղ: Լաբորատոր արժեքները՝ 0-6.9 Մ/մլ: Առողջ մարդկանց դեպքում այս հակածինի արժեքը շատ ցածր է կամ ընդհանրապես բացակայում է: Քաղցկեղային հիվանդության զարգացման հետ համապատասխանաբար աճում է СА 72-4 հակածինի մակարդակն արյան մեջ:
Նմանատիպ նյութեր
Ինչպե՞ս ճիշտ նախապատրաստվել պրոլակտին հորմոնի հետազոտությանը
Մարդու պապիլլոմավիրուս. հիվանդություն, որ կարող է հանգեցնել քաղցկեղի
Ինչպես ճիշտ հանձնել անալիզները
Ինչի համար է կատարվում արգանդի պարանոցի նմուշառումը (բիոպսիա)
Արյունային արտադրությունը կլիմաքսի ընթացքում
