D-դիմերները ֆիբրինի դեգրադացիայի առանձնահատուկ արդյունք են, որոնք ընդգրկված են թրոմբի կազմում։ Դրանք կազմավորվում են արյան թանձրուկի լիզիսի ընթացքում պլազմինի և այլ ֆիբրինոլիտիկների ներգործության արդյունքում։

Պլազմայում D-դիմերների որոշումը թույլ է տալիս դատել ֆիբրինային թանձրուկների առաջացման և քայքայման ինտենսիվության մասին, օգտագործվում է թրոմբոզի հերքման և ԴՆՄ համախտանիշի ախտորոշման նպատակով։  Եթե պլազմայում D-դիմերի խտությունը 0,5 մկգ/մլ-ից ցածր է, կարելի է հերքել թրոմբոզի առկայությունը։

Հետազոտության ցուցումներն են՝

• ԴՆՄ համախտանիշի ախտորոշում,
• թրոմբոզի առաջացման վտանգի գնահատում և այլն։

Նախապատրաստում հետազոտությանը

Հատուկ նախապատրաստում չի պահանջվում։ Արյան նմուշ հանձնելուց առաջ խորհուրդ է տրվում հրաժարվել ալկոհոլից, նիկոտինից, վնասակար սննդից, ինչպես նաև սահմանափակել ֆիզիկական և հուզական ծանրաբեռնվածությունը։

Հետազոտության արդյունքի վրա ազդող գործոններ

• Արյուն/ցիտրատ հարաբերակցության խախտում
• Թանձրուկ նմուշում

Հետազոտության բարձր ցուցանիշները կարող են վկայել հետևյալ խնդիրների մասին՝

• թրոմբոզի վտանգ,
• խորանիստ երակների թրոմբոզ,
• աթերոթրոմբոզ,
• թոքային զարկերակի թրոմբոէմբոլիա,
• ԴՆՄ համախտանիշ (ДВС – синдром),
• օնկոլոգիական հիվանդություններ,
• լյարդի հիվանդություններ,
• բորբոքային ակտիվ պրոցես և այլն։

 

Աղբյուրը՝ likar.info