Հոմոցիստեինը և հղիությունը

Հղիության պլանավորման փուլում կանայք մի շարք հետազոտություններ են կատարում, որոնց արդյունքում հաճախ պարզվում է, որ հոմոցիստեինի մակարդակը նորմայից բարձր է։ Մարդու ամբողջ կյանքի ընթացքում ամինաթթվի մակարդակը տարբեր է լինում, սակայն ամենաբարձրը դիտվում է սեռահասունացման շրջանում։ Սեռական հասունացումն սկսվելուն պես հոմոցիստեինի մակարդակը մի փոքր իջնում է, ինչը բնական է։ Եթե բարձրանում է, ապա բացասաբար է ազդում անոթների պատերի վրա։ Հղիության ընթացքում հոմոցիստեինի չափազանց բարձր մակարդակը կարող է վիժման կամ չզարգացող հղիության հանգեցնել։

Ինչ է հոմոցիստեինը և ինչպես պահպանել բնական մակարդակը

Հոմոցիստեինն ամինաթթու է, որը պարունակում է ծծումբ և ձևավորվում է մեթիոնինի վերամշակման ժամանակ։ Մեթիոնինն ստանում ենք սննդի միջոցով, այն ինքնուրույն չի արտադրվում օրգանիզմում: Այդ նյութով են հարուստ ձուն, միսը, կաթը։

Օրգանիզմում հոմոցիստեինի բնական մակարդակը 10-11մկմոլ/մլ-ն է, սակայն հղիության առաջին եռամսյակի վերջում և երրորդ եռամսյակի սկզբում մի փոքր իջնում է, ինչը սովորական բնույթ է կրում և ոչ մի կերպ չի անդրադառնում ընկերքային արյունաշրջանառության վրա։ Երեխայի ծնունդից 3-4 օր անց ամինաթթվի մակարդակը կարգավորվում է։

Հոմոցիստեինի մակարդակը հաճախ բարձրանում է օրգանիզմում վիտամին В6, В1, В12-ի պակասի, ինչպես նաև ֆոլաթթվի անբավարարության հետևանքով։ Պատճառ կարող են դառնալ նաև ծխելն ու մեծ քանակությամբ սուրճ ըմպելը։ Հաշվի առեք, որ ամինաթթվի բարձր մակարդակը կարող է հանգեցնել անպտղության կամ հղիության ընդհատման։

Շեղում բնականոն մակարդակից

Ինչպես նշվեց վերևում, բնական է, եթե հոմոցիստեինի մակարդակն իջնում է հղիության ընթացքում, բայց միևնույն ժամանակ պետք է իմանալ, որ հղի կնոջ համար բնականոն ցուցանիշ է համարվում 0,5մկմոլ/մլ-ով շեղումը։ Եթե շեղումն ավելի մեծ է, կարող է անդրադառնալ կնոջ ինքնազգացողության վրա։ Այդպիսի խնդիր են ունենում սովորաբար այն կանայք, ովքեր սպասում են երկրորդ երեխային, կա գենետիկական նախատրամադրվածություն կամ էլ հղիության ընթացքում նմանատիպ բնույթի բարդություններ են առաջ եկել։ Որպեսզի հղիությունն առանց խնդիրների ընթանա, հարկավոր է ամբողջ ընթացքում վերահսկել հորմոնի մակարդակը (ընդ որում՝ պետք է նույնն անել նաև հղիության պլանավորման փուլում):

Հոմոցիստեինը հղիության պլանավորման փուլում

Հղիության պլանավորման փուլում անհրաժեշտ հետազոտություններ կատարելիս պետք է ուշադրություն դարձնել նաև հոմոցիստեինի ցուցանիշին: Հոմոցիստեինի բարձրացում հաճախ դիտվում է նաև թրոմբոֆիլիայի ժամանակ։ Շեղման դեպքում հարկավոր է նախքան հղիանալը կարգավորել այն։ Հրաժարվեք նաև վնասակար սովորություններից, պակասեցրեք սուրճի օգտագործման քանակը, ինչպես նաև բժշկի հետ խորհրդակցելուց հետո հավելյալ վիտամիններ օգտագործեք (ֆոլաթթու, B խմբի վիտամիններ և այլն)։

Ո՞ր մթերքներն են ստիպում ավելի շատ ուտել և գիրանալ

Ո՞ր մթերքներն են ստիպում ավելի շատ ուտել և գիրանալ

Հաճախ կարող եք լսել, որ երբ խոսքը վերաբերում է նիհարելուն և քաշը պահպանելուն, ամենակարևորը կալորիաների ընդհանուր քանակն է, այլ ոչ թե դրանց աղբյուրը

5 միֆ սեռական կյանքի մասին դաշտանադադարի ժամանակ, որոնք վնասակար են ձեր առողջության և հարաբերությունների համար

5 միֆ սեռական կյանքի մասին դաշտանադադարի ժամանակ, որոնք վնասակար են ձեր առողջության և հարաբերությունների համար

Դաշտանադադարը դաշտանային ցիկլի բնական դադարեցումն է

8 միֆ աուտիզմի մասին

8 միֆ աուտիզմի մասին

Աուտիզմը հիվանդություն է։ Ոչ, սա հիվանդություն չէ, այլ զարգացման հատկանիշ՝ կապված կենտրոնական նյարդային համակարգի խանգարման հետ

Ինչպես իջեցնել կորտիզոլի մակարդակը՝ ավելի երկար և լավ ապրելու համար

Ինչպես իջեցնել կորտիզոլի մակարդակը՝ ավելի երկար և լավ ապրելու համար

Կորտիզոլը մարդու առաջնային գլյուկոկորտիկոիդ հորմոնն է, որն արտադրվում է մակերիկամի կեղևում և կարգավորում է մարմնի արձագանքը սթրեսին