Խոլեստերինն առկա է մարդու բոլոր հյուսվածքներում և հեղուկներում ինչպես ազատ, այնպես էլ բարդ եթերների տեսքով։ Այն բջջային մեմբրանների և լիպոպրոտեինների անհրաժեշտ բաղադրիչ է։

Խոլեստերինի մակարդակի որոշման ցուցումները

• Սրտի իշեմիկ հիվանդության առաջացման ռիսկի գնահատում
• Ճարպափոխանակության խանգարման ախտորոշում
• Նեֆրոտիկ համախտանիշի, պանկրեատիտի, լյարդի, վահանաձև գեղձի հիվանդություններ ախտորոշում
• Հիպոլիպիդեմիկ թերապիայի գնահատում

Նախապատրաստում հետազոտությանը

Հետազոտությունն իրականացվում է քաղցած վիճակում (վերջին անգամ ուտելուց պետք է անցնի նվազագույնը 12 ժամ), ջուր կարելի է խմել։

Հետազոտությունից 24 ժամ առաջ չի կարելի ալկոհոլ օգտագործել, հարկավոր է խուսափել ֆիզիկական ծանրաբեռնվածությունից։

Հիվանդություններ, որոնց մասին կարող են վկայել հետազոտության ցուցանիշները

Բարձր ցուցանիշների դեպքում՝

1. Առաջնային հիպերլիպոպրոտեինեմիաներ՝

• ընտանեկան հիպերխոլեստերինեմիա (ֆենոտիպ IIa, IIb),
• ընտանեկան համակցված հիպերլիպոպրոտեինեմիա (ֆենոտիպ IIa, IIb),
• պոլիգեն հիպերխոլեստերինեմիա (ֆենոտիպ IIa),
• ընտանեկան դիս-β-լիպոպրոտեինեմիա (ֆենոտիպ III)։

 

2. Երկրորդային հիպերլիպոպրոտեինեմիաներ՝

• սրտի իշեմիկ հիվանդություն,
• լյարդի հիվանդություններ,
• երիկամների ախտահարում,
• հիպոթիրեոզ,
• ենթաստամոքսային գեղձի հիվանդություններ,
• շաքարային դիաբետ,
• ճարպաալում,
• հղիություն,
• ալկոհոլիզմ։

Ցածր ցուցանիշների դեպքում՝

• չարորակ նորագոյացություններ,
• թոքերի հիվանդություններ,
• հիպերթիրեոզ,
• անեմիա,
• ցանավոր տիֆ,
• սեպսիս,
• թալասեմիաներ և այլն։

 

Աղբյուրը՝ likar.info