Սալորաչիր․ օգտակար և վնասակար հատկությունները

Սալորաչիր․ օգտակար և վնասակար հատկությունները

Սալորաչիրը հարուստ է վիտամիններով (E, բետա-կարոտին, PP, C և B վիտամիններ), միկրոէլեմենտներով (երկաթ, կալիում, կալցիում, նատրիում, մագնեզիում, ֆոսֆոր, կոբալտ, յոդ, ցինկ, ֆտոր, մանգան, պղինձ) և այլ օգտակար նյութերով (շաքար, մանրաթել, պեկտիններ, օրգանական թթուներ, օսլա, ածխաջրեր, սպիտակուցներ):

Այն բարձրացնում է անոթների պատերի առաձգականությունը, ինչը լավ է ազդում ամբողջ սիրտ-անոթային համակարգի աշխատանքի վրա։ Սալորաչիրն ունի թարմացնող հատկություն, վերականգնում է աշխատունակությունը և լավացնում օրգանիզմի ընդհանուր վիճակը։

Այն ունի նաև կոսմետիկ ազդեցություն, լավացնում է մաշկի վիճակն ու արտաքին տեսքը։ Սալորաչիրը հարուստ է կալիումով, ինչը, ինչպես հայտնի է, անհրաժեշտ է միզաքարային հիվանդությունների դեպքում, մասնակցում է նյարդային ազդակների փոխանցմանը, մկանների կծկմանը, սիրտանոթային ակտիվությանը և այլն։

Սալորաչիրը բարձրացնում է իմունիտետը և օրգանիզմի ընդհանուր դիմադրողականությունը։ Կարևոր է իմանալ, որ այն կլանում է ազատ ռադիկալները, որոնք քայքայում են օրգանիզմը։

Այն ունի նաև երիտասարդացնող հատկություն, օգտակար է օնկոլոգիական հիվանդությունների դեպքում։ Իր մեջ եղած B վիտամինի շնորհիվ հանգստացնում է մարդու նյարդային համակարգը, հանում նյարդայնությունն ու տագնապը։

Այն արժևորվում է նաև որպես ճնշումը կարգավորող միջոց, և պատահական չէ, որ հիպերտոնիկ հիվանդություն ունեցողներին հաճախ նշանակում են սալորաչրով սննդակարգ։

Սալորաչիրը լայնորեն օգտագործում են ստամոքսի, լյարդի, երիկամների, աղիների որոշ հիվանդությունների, փորկապության դեպքում, ինչպես նաև ախորժակը բարձրացնելու համար:

Սալորաչիրը շատ օգտակար է վիտամինային անբավարարվածության դեպքում։ Բավականին հաճախ սալորաչիր են նշանակում երկաթ պակասորդային սակավարյունության դեպքում, ինչպես նաև օրգանիզմում կալցիումի քանակը վերականգնելու նպատակով։

Այն վերականգնում է օրգանիզմի էներգետիկ հավասրակշռությունը։ Չնայած այն տարածված կարծիքին, որ բանանը շատ միկրոէլեմենտներ է պարունակում՝ սալորաչրում դրանք մեկ ու կես անգամ ավելի շատ են։

Հակացուցումները

Սալորաչիրը, ինչպես ցանկացած այլ մթերք, ևս որոշակի դեպքերում կարող է ունենալ բացասական ազդեցություն։ Այն հակացուցված է շաքարային դիաբետով կամ ճարպակալությամբ տառապող մարդկանց։ Խորհուրդ չի տրվում երիկամային քարերի դեպքում, ինչպես նաև կերակրող մայրերին, քանի որ կարող է երեխայի մոտ ալերգիկ ռեակցիա կամ փքվածություն առաջացնել։

Օրեգանո․ օգտակար և վնասակար հատկությունները

Օրեգանո․ օգտակար և վնասակար հատկությունները

Դրական ազդեցություն է թողնում հատկապես կնոջ օրգանիզմի վրա, քանի որ կարգավորում է դաշտանային ցիկլը, մեղմում դաշտանային ցավը և կիրառվում է դաշտանի ուշացման դեպքում․․․

Բարձրացնում ենք իմունիտետը, որպեսզի պաշտպանվենք վարակներից

Բարձրացնում ենք իմունիտետը, որպեսզի պաշտպանվենք վարակներից

Սթրեսը, քրոնիկ հոգնածությունը, առողջարար սննդի ու առհասարակ օրգանիզմին անհրաժեշտ սննդանյութերի պակասը դառնում են իմունիտետի անկման հիմնական պատճառ․․․․

Մթերքներ, որոնք ցանկալի չէ ուտել հղիության ընթացքում

Մթերքներ, որոնք ցանկալի չէ ուտել հղիության ընթացքում

Հղիությունը յուրահատուկ շրջան է օրգանիզմի համար, և ցանկանաք, թե ոչ, պետք է հրաժարվեք որոշ ուտելիքներից կամ էլ գոնե սահմանափակեք դրանց քանակը, որպեսզի չվնասեք ինչպես ձեզ, այնպես էլ երեխային․․․

Ինչպե՞ս զսպել վնասակար սնունդ ուտելու ցանկությունը

Ինչպե՞ս զսպել վնասակար սնունդ ուտելու ցանկությունը

Մարդիկ, ովքեր ցանկանում է հրաժարվել վատ սովորություններից և սկսել առողջ սնվել, գիտեն, որ ամենադժվարը սիրելի, բայց վնասակար ուտելիքների գայթակղությանը դիմանալն է․․․