Սուրճ․ օգտակար և վնասակար հատկությունները

Սուրճ․ օգտակար և վնասակար հատկությունները

Սուրճը պարունակում է 1200-ից ավել քիմիական միացություն, որոնցից 800-ը պատասխանատու է բույրի և համի համար։ Այն օժտված է օգտակար բազմաթիվ հատկություններով։ Պարունակում է ամինաթթուներ, վիտամիններ՝ РР, В1, В2, ինչպես նաև մակրոտարրեր՝ կալցիում, մագնիում, նատրիում, կալիում, ֆոսֆոր, երկաթ և այլն։

Օժտված է միզամուղ ուժեղ հատկությամբ, ուստի հարկավոր է նաև անհրաժեշտ քանակությամբ ջուր խմել օրգանիզմում ջրային հավասարակշռությունը պահպանելու համար։ Սուրճը տոնուսավորող, առույգացնող ըմպելիք է, լավացնում է հիշողությունն ու օգնում է կենտրոնանալ։

Նրանում պարունակվող կոֆեինն օգնում է մեղմել գլխացավն ու կարգավորել զարկերակային ցածր ճնշումը։ Սուրճի հաճախակի օգտագործումն օգնում է նվազեցնել շաքարային դիաբետի առաջացման վտանգը և բարձրացնել ինսուլինի հանդեպ զգայունակությունն այդ հիվանդությունն արդեն իսկ ունեցողների դեպքում։

Նրանում պարունակվող մի շարք նյութեր վերականգնող ազդեցություն են թողնում լյարդի բջիջների վրա և կանխում ցիրոզի զարգացումը։ Օգտագործվում է նաև կոսմետոլոգիայում՝ սկրաբներ պատրաստելու համար։ Այն լավացնում է մաշկում արյան շրջանառությունը, թարմացնում է այն, տոնուսավորում և կարգավորում փխանակային պրոցեսները։

Վնասակար հատկությունները

Սուրճն ունի նաև հակացուցումներ։ Էսպրեսոյի կամ սուրճի վրա եռացրած ջուր լցնելու մեթոդով սարքված լինելու դեպքում սուրճն արյան մեջ բարձրացնում է խոլեստերինի մակարդակը, ինչը կարող է հանգեցնել սրտանոթային հվանդությունների։

Օրական 4-6 բաժակ սուրճ խմելու դեպքում կալցիումը հեռանում է ոսկորներից՝ հանգեցնելով դրանց թուլացման։ Չարաշահելու դեպքում նաև անքնություն, տախիկարդիա և զարկերակային ճնշման բարձրացում կարող է դիտվել։

Հղիության ընթացքում հարկավոր է չգերազանցել օրական մեկ բաժակի չափը, քանի որ երեխայի օրգանիզմից կոֆեինը դանդաղ է հեռանում, ինչը կարող է նպաստել կմախքի և ոսկրային հյուսվածքի զարգացման խանգարման։

Ինչպե՞ս են անառողջ աղիքները խանգարում մեզ նիհարելու

Ինչպե՞ս են անառողջ աղիքները խանգարում մեզ նիհարելու

Այս մանրէների անբավարար քանակը հանգեցնում է ավելորդ քաշի առաջացման:

Ճի՞շտ է արդյոք, որ չիլի պղպեղը կարող է բարելավել առողջությունը և երկարացնել կյանքի տևողությունը

Ճի՞շտ է արդյոք, որ չիլի պղպեղը կարող է բարելավել առողջությունը և երկարացնել կյանքի տևողությունը

Չիլի պղպեղը միակ բույսն է, որ միաժամանակ պարունակում է կարոտենոիդներ, ֆլավոնոիդներ և կապսաիցիններ

Լոռամիրգ ուտելու 6 պատճառ

Լոռամիրգ ուտելու 6 պատճառ

Լոռամիրգը հիմնականում բաղկացած է ածխաջրերից, այդ թվում՝ մանրաթելերից և այնպիսի միացություններից, որոնք անմիջականորեն ազդում են առողջության վրա։

Ինչու է անհրաժեշտ բողկը ներառել սննդակարգում

Ինչու է անհրաժեշտ բողկը ներառել սննդակարգում

Բողկը C վիտամինի հարուստ աղբյուր է (մեկ բաժակ հում բողկը պարունակում է օրական նորմայի մոտ 30 %-ը), որն անհրաժեշտ է օրգանիզմին մի շարք նպատակներով