Սկսվող վիժում

Սկսվող վիժում

Սկսվող վիժումը կնոջ կյանքին սպառնացող լուրջ պաթոլոգիա է։ Ենթադրում է հղիության վաղաժամ ավարտ, երբ մոր օրգանիզմն սկսում է դուրս մղել պտղին։ Այդ դեպքում բժշկի խնդիրը դառնում է կնոջ համար հնարավոր ռիսկերի վերացումը։

Բարդությունները

Սկսվող վիժումն անդառնալի պրոցես է։ Կնոջ արգանդն սկսում է կրճատվել ժամանակից շուտ, որի արդյունքում արյունը հոսում է մոր անոթներից։ Ծավալուն արյունահոսությունը կարող է հանգեցնել սակավարյունության, զարկերակային ճնշման անկման։ Ծանր դեպքերում հեմոռագիկ շոկ է առաջանում։

Բուժօգնության ուշացման դեպքում, մանավանդ եթե կնոջ իմունիտետը ցածր է, հեշտությամբ կարող է արգանդի և դրա հավելումների բորբոքում առաջանալ տարատեսակ բակտերիաների ներթափանցման պատճառով, հետագայում՝ սեպսիս։

Ախտանշանները

Սկսվող վիժման դեպքում որովայնի ստորին հատվածում ցավ է զգացվում և հեշտոցից արյունահոսում է։

Ախտորոշումը

Ախտորոշման նպատակով կատարվում ՝

  • բիմանուալ հետազոտություն, 
  • փոքր կոնքի օրգանների ՈւՁՀ, 
  • լաբորատոր անալիզներ (արյան կենսաքիմիական և ընդհանուր հետազոտություն, մեզի ընդհանուր հետազոտություն և այլն), 
  • ինֆեկցիոն ստատուսի գնահատում:

Բուժումը

Բուժումը ենթադրում է անհապաղ հոսպիտալացում և պտղաձվի մնացորդների հեռացում խնայող մեթոդներով՝ վակուում ասպիրացիայով և հաջորդող ուլտրաձայնային վերահսկմամբ։ Արդյունքում արյունահոսությունը դադարում է՝ չսպառնալով կնոջ կյանքին։

Հետվիրահատական շրջանում խորհուրդ է տրվում երկուսից երեք շաբաթ խուսափել ֆիզիկական ծանրաբեռնվածությունից և սեռական հարաբերությունից։

Ալկոհոլը կրծքով կերակրման ընթացքում

Ալկոհոլը կրծքով կերակրման ընթացքում

Լակտացիայի շրջանում ալկոհոլի օգտագործումը քիչ ուսումնասիրված հարց է։ Մայրիկները հաճախ են լսում հակասական խորհուրդներ, թե ինչպես է ազդում ալկոհոլը երեխայի վրա․․․

Ցիստիտը հղիության ընթացքում

Ցիստիտը հղիության ընթացքում

Հղիության ընթացքում ցիստիտի դեպքում դեղամիջոցների և անգամ որոշ խոտաբույսերի ընդունումն արգելվում է, քանի որ ոչ բոլորն են բարենպաստ ազդեցություն թողնում երեխայի առողջության վրա․․․

Մագնիումի դերը հղիության ընթացքում

Մագնիումի դերը հղիության ընթացքում

Մագնիումի պակասն առանձնահատուկ զգացվում է հղիության շրջանում, քանի որ այն մասնակցում է փոքրիկի պրակտիկորեն բոլոր օրգանների կազմավորմանը և․․․․

Կեղծ հղիության նշանները

Կեղծ հղիության նշանները

Հղիության բոլոր նշաններն առկա են, իսկ ՈւՁՀ մասնագետը հետազոտությունից հետո հայտնում է, որ պտղաձուն բացակայում է։ Տարօրինա՞կ է։ Գուցե, բայց բժշկությանն այդպիսի դեպքեր հայտնի են։ Այդ կոչվում է կեղծ հղիություն․․․․