Ցավ հղիության ընթացքում. ինչի՞ մասին է վկայում

Ցավ հղիության ընթացքում. ինչի՞ մասին է վկայում

Թեստի վրա երկար ժամանակ սպասված երկու գծիկ նկատելով` ամեն կին տարաբնույթ զգացողություններ է ունենում: Այդ անբացատրելի, անսովոր մի ցնծություն է, բայց միաժամանակ իր հետ բերում է տագնապ ու պատասխանատվություն աճող նոր կյանքի համար: Հղիության հենց առաջին օրերից կինն սկսում է արձագանքել իր օրգանիզմի բոլոր ազդակներին` փորձելով ոչինչ բաց չթողնել: Դա վերաբերում է նախ և առաջ ցավին, որի մասին ապագա մայրերը շատ բան պետք է իմանան, որպեսզի ճիշտ ժամանակին բժշկի օգնությանը դիմեն:

Կարդացեք՝ Կրծքի ցավը հղիության ընթացքում

Բարեբախտաբար հղիության ընթացքում ի հայտ եկող ոչ բոլոր ցավերն են անպայմանորեն վկայում ինչ-որ ախտաբանական գործընթացի մասին, դրանց մեծ մասն օրգանիզմի բնականոն փոփոխություններով է պայմանավորված: Թե ցավային ինչպիսի զգացողություններով կարող է ուղեկցվել հղիությունը և հատկապես ինչը պետք է ապագա մայրիկին անհանգստանալու տեղիք տա, կպատմենք հիմա:

Կարդացեք՝ Ոտքերի ցավը հղիության ընթացքում

Ցավ որովայնում

Որովայնի շրջանի ցավը հղիության թե՛ վաղ, թե՛ ուշ շրջանում կանանց ամենատարածված գանգատն է, և պատահական չէ, քանզի այն կարող է պայմանավորված լինել պատճառների մի ամբողջ շարքով։

Կարդացեք՝ Որովայնի ցավը հղիության ընթացքում

Հղիության ընդհատման սպառնալիք կամ սկսվող վիժում: Այս դեպքում ցավը նման է ծննդաբերական ճիգերի կամ դաշտանի ժամանակ զգացվող ձգմանը, հաճախ է ուղեկցվում սեռական օրգաններից դիտվող գույնով և արտահայտվածության աստիճանով տարբեր բնույթի արյունային արտադրությամբ: Բայց եթե հղիության վաղ շրջանում որովայնի ցավն անտանելի է, ուղեկցվում է ուշագնացությամբ և փսխումով, ապա կարելի է կասկածել արտարգանդային հղիության ժամանակ դիտվող արգանդափողի պատռում:

Կարդացեք՝ Մեջքի ցավը հղիության ընթացքում

Ստամոքսաղիքային ուղու գործառույթի խանգարում, որն առաջանում է հորմոնային ֆիզիոլոգիական տեղաշարժերի և աճող արգանդի կողմից հարակից օրգանների ճնշման պատճառով:

Որովայնի ստորին հատվածներում սաստիկ, ծակող բնույթի ցավը կարող է մարսողական համակարգի օրգանների սպազմի, կոլիտի սրացման կամ աղիների դիսբիոզի (դիսբակտերիոզի) մասին վկայել: Ծանրության զգացումը հաճախ ցածրորակ, ոչ այնքան թարմ մթերքից պատրաստված կերակուրի օգտագործման հետևանք է, վքնածությունը լինում է որոշ սննդամթերքներից (խնձոր, ծովակաղամբ, կաթ և այլն): Որովայնի վերին հատվածների և թուլակողերի ցավերը կարող են պայմանավորված լինել լեղապարկի, լեղուղիների և ստամոքսի խնդիրներով:

Կարդացեք՝ Երիկամների ցավը հղիության ընթացքում

Որովայնի ցավը կարող է վկայել նաև սուր վիճակի մասին, որն անհետաձգելի բժշկական միջամտություն են պահանջում՝  որդանման ելունի, լեղապարկի, ենթաստամոքսագեղձի սուր բորբոքում, աղիքային անանցանելիություն:

Ինչ է էպիզիոտոմիան և ինչպես վերականգնվել դրանից հետո

Ինչ է էպիզիոտոմիան և ինչպես վերականգնվել դրանից հետո

Ծննդաբերության ժամանակ հեշտոցը լայնանում է, բայց երբեմն դա կարող է բավարար չլինել երեխայի գլուխը տեղավորելու համար

Ի՞նչ անել, եթե առանց որևէ պատճառի կապտուկներ են առաջանում

Ի՞նչ անել, եթե առանց որևէ պատճառի կապտուկներ են առաջանում

Կապտուկը անոթների վնասվածքի պատճառով մաշկի վրա առաջացած արյունազեղումն է

Ստամոքսի քաղցկեղ

Ստամոքսի քաղցկեղ

Ընթացակարգի ժամանակ ստամոքսի մեջ մտցվում է հատուկ սարք, որի միջոցով բժիշկն ուսումնասիրում է ստամոքսի բոլոր հատվածները, ինչպես նաև 12-մատնյա աղին։

Ինչպե՞ս է գործում հղի կանանց դիմադրողականությունը

Ինչպե՞ս է գործում հղի կանանց դիմադրողականությունը

Գենի և դիմադրողականության տեսանկյունից՝ պտուղը օտար օրգանիզմ է կնոջ համար