Կտավատի ձեթ․ օգտակարությունն ու հակացուցումները

Կտավատի ձեթն առհասարակ ձեթերի մեջ ամենաօգտակարներից է։ Պարունակում է մեծ քանակությամբ ճարպաթթուներ օմեգա 3, օմեգա 6, օմեգա 9, որոնք օրգանիզմին անհրաժեշտ են առողջությունը և երիտասարդությունը պահպանելու համար։ Պարունակում է նաև վիտամիններ՝ Е, А, F, К և B խմբի։

Օգտակար հատկությունները

Կանխում է սրտանոթային համակարգի հիվանդությունների առաջացումն ու զարգացումը։

Բարենպաստ է ազդում անոթների վրա՝ դրանք ավելի առաձգական դարձնելով։ Օգնում է նվազեցնել խոլեստերինի մակարդակը։

Նվազեցնում է թրոմբների, ինչպես նաև օնկոլոգիական հիվանդությունների առաջացման վտանգը։

Բարձրացնում է իմունիտետը։

Կարգավորում է մարսողական համակարգի աշխատանքը, օգնում հաղթահարել ատամոքսաղիային տրակտի աշխատանքը։

Ունի լուծողական թույլ ազդեցություն։

Օգնում է կարգավորել լյարդի ֆունկցիան։

Նվազեցնում է շաքարի մակարդակը և ցուցված է շաքարային դիաբետ ունեցող մարդկանց։

Օգնում է պայքարել վահանաձև գեղձի հիվանդությունների դեմ։ Նպաստում է հորմոնային ֆոնի կարգավորմանը։

Օգտագործվում է միզապարկի և երիկամների հիվանդությունների բուժման ընթացքում։

Ցուցված է թույլ և հետվիրահատական շրջանում գտնվող հիվանդներին։

Կանոնավոր օգտագործելու դեպքում նվազեցնում է նախադաշտանային համախտանիշի ախտանշանները, լավացնում է ինքնազգացողությունը կլիմակտերիկ շրջանում։

Օգտագործվում է նաև տղամարդու պոտենցիայի խանգարման բուժման ընթացքում։

Հրաշալի միջոց է ավելորդ քաշի դեմ։

Ունի երիտասարդացնող հրաշալի հատկություն։

Լայնորեն կիրառվում է մաշկային տարաբնույթ հիվանդությունների բուժման համար։

Լավացնում է մազերի, եղունգներ և մաշկի որակը։

Հակացուցումները

Չնայած զարմանալի օգտակար հատկություններին՝ կտավատի ձեթն ունի հակացուցումներ։ Խորհուրդ չի տրվում օգտագործել ստամոքսի սուր հիվանդությունների, խոլեցիստիտի, քրոնիկ պանկրեատիտի, լեղաքարային հիվանդության դեպքում, ինչպես նաև հակավիրուսային, դեղորայք, հակադեպրեսանտ և օրալ հակաբեղմնավորիչ ընդունելու շրջանում։