Արգանդի հավելումների բորբոքում․ թյուր պատկերացումներ

Արգանդի հավելումների բորբոքում․ թյուր պատկերացումներ

Արգանդի հավելումների բորբոքում, ադնեքսիտ, սալպինգոօֆորիտ․ բոլորը միևնույն հիվանդության անվանումներն են։ Այն կարող է պարբերաբար անհանգստացնել սուր ցավով, հանգեցնել դաշտանային ցիկլի խախտման, անպտղության և այլ խնդիրների։

Շատերի կարծիքով ձվարանների և արգանդափողերի բորբոքման գլխավոր պատճառը մրսածությունն է, սակայն ամենևին էլ այդպես չէ։ Գլխավոր պատճառը վարակներն են, որոնք կարող են այդ օրգաններ ներթափանցել արյան հոսքով, ավշի միջոցով, ստամոքսաղիքային տրակտից և հեշտոցից։

Իհարկե, խոնավ ու ցուրտ եղանակը, հարբուխը թուլացնում են իմունիտետը և կարող են նպաստել հիվանդության զարգացմանը, սակայն գլխավոր պատճառը կարող է լինել օրինակ սեռական զուգընկերների հաճախակի փոփոխությունը, հետևաբար՝ սեռական ճանապարհով փոխանցվող հիվանդություններով վարակվելը։ Գոնոկոկները, քլամիդիաները, տրիխոմոնադները և այլ վարակները, ներխուժելով օրգանիզմ, ժամանակի ընթացքում կարող են ադնեքսիտ առաջացնել։

Ճիտ է և ճիշտ չէ

1. «Հավելումների բորբոքումից հնարավոր չէ ազատվել, այն անպայման քրոնիկ է դառնում»։

Այդպես չէ։ Բժշկի դիմելու և բուժում ստանալու դեպքում հիվանդությունը քրոնիկ չի դառնա։ Հատուկ բարդ դեպքերում հնարավոր է, որ վիրահատութան անհրաժեշտություն ծագի։

2. «Հերիք է մեկ անգամ բուժվել բժշկի դիմելով, իսկ հետո ախտանշանները կարելի է ճնշել ժողովրդական միջոցներով»։

Երբ բորբոքման ֆոնին կինը բուժում չի ստանում, նպաստում է վիճակի բարդացմանը։ Բարդություններից են՝ կպումներ արգանդափողերում, հիդրոսալպինգսի առաջացում, ձվարանների կառուցվածքի փոփոխություններ, արտարգանդային հղիություն և անպտղություն։ Ինֆեկցիան կարող է տարածվել նաև այլ օրգաններում և դառնալ քրոնիկ կոլիտի, խոլեցիստիտի և պիելոնեֆրիտի պատճառ։

Ժողովրդական միջոցներն առանց բժշկի հետ համաձայնեցնելու օգտագործելու դեպքում հնարավոր է, որ ցավը մեղմանա, սակայն ադնեքսիտը չի բուժվի։ Երբեմն ինքնաբուժությունը կարող է վատացնել վիճակը։

3. «Բոլորն են արգանդի հավելումների բորբոքում ունենում, այն վտանգավոր չէ և պարտադիր չէ բուժել, պետք է ուղղակի դիմանալ»։

Իհարկե ոչ։ Ցավն ու անհարմարությունն անտեսելու դեպքում հնարավոր է բախվել ոչ միայն ներքին օրգանների հիվանդությունների, այլև նևրոզի, աշխատունակության նվազման, դյուրագրգռության և այլ խնդիրների։ Ադնեքսիտը դժվարացնում է սեռական կյանքը, ինչը չի կարող չազդել կնոջ ինքնազգացողության և հոգեբանական կոմֆորտի վրա։

Մի մոռացեք, որ մարդկային երջանկության համար առողջությունը դեռ ամեն ինչ չէ, սակայն առանց առողջության երջանիկ լինել հաստատ հնարավոր չէ։ Հոգ տարեք ձեր մասին, դիմեք լավ բժիշկների և առողջ եղեք։

Լորձային արտադրություն հեշտոցից

Լորձային արտադրություն հեշտոցից

Հեշտոցից արտահոսող լորձային արտադրությունը, եթե նորմալ բնույթի է, բնական երևույթ է։ Վերարտադրողական տարիքի բոլոր կանայք էլ ունենում են...

Տրամադրությունը պայմանավորող հորմոնները

Տրամադրությունը պայմանավորող հորմոնները

Պատասխանատու են մեր հոգեհուզական վիճակի համար։ Ահա այն հիմնական հորմոնները, որոնք պայմանավորում են մեր լավ տրամադրությունը․․․

Գեղեցկության և առողջության երաշխիքները

Գեղեցկության և առողջության երաշխիքները

Տարիքին համընթաց օրգանիզմում բազմաթիվ փոփոխություններ են կատարվում, ոմանք, այնուամենայնիվ, շարունակում են պահպանել իրենց գեղեցիկ տեսքն ու առողջությունը․․․

Ե՞րբ պլանավորել հղիությունը վիժումից հետո

Ե՞րբ պլանավորել հղիությունը վիժումից հետո

Հաճախ է պատահում, որ կանայք, որոնց դեպքում վիժումը եղել է հղիության վաղ ժամկետում, ցանկանում են հղինալ վիժումից անմիջապես հետո․․․․