Արգանդի զարգացման շեղումներ

Արգանդի զարգացման շեղումներ

Արգանդը մկանային օրգան է՝ տեղակայված փոքր կոնքում։ Ունի տանձի ձև, չափսը՝ 7-9 սմ։ Երբեմն սաղմնային զարգացման խանգարումների արդյունքում արգանդը սխալ է կազմավորվում։ Հոդվածում կխոսենք արգանդի զարգացման շեղումների և այդ պայմաններում հղիանալու հնարավորության մասին։

Չզարգացող հղիությունն անմիջականորեն կախված է անհատական առանձնահատկություններից, արատի տեսակից և ծանրության աստիճանից, պտղաձվի իմպլանտացիայի տեղից։

Կառուցվածքի ամենատարածված արատը թամբաձև արգանդն է։ Այդպիսի արգանդի հատակը ոչ թե ուռուցիկ է, այլ սեղմված է դեպի ներս։ Ձևի աննշան փոփոխությունը չի խոչընդոտում հղիանալուն, բայց եթե արգանդն ուժգին է սեղմված կամ էլ խոռոչում միջնապատ կա, գուցե պտղաձվի ամրացման հետ կապված խնդիրներ առաջանան, արդյունքում՝ պտղի սնուցման խանգարում, ընկերքի շերտազատում և այլն։

Արգանդում միջնապատի առկայությունը խնդիրներ է առաջացնում, երբ պտղաձուն ամրանում է հենց այդ մասին։ Կազմված է շարակցական հյուսվածքից և սաղմի սնուցման համար բավարար քանակով արյունատար անոթներ չունի, այդ պատճառով էլ հղիությունն այդ դեպքում սովորաբար ավարտվում է վիժմամբ։

Երկեղջյուր արգանդը երկու խոռոչ ունի, որոնք միանում են արգանդի մեջտեղում (կիսատ ձև) կամ պարանոցի շրջանում (ամբողջական երկեղջյուրություն)։ Որոշ դեպքերում վերարտադրողական ֆունկցիայի խանգարումներ են ի հայտ գալիս՝ դիսմենորեա, ուժգին արնահոսություն և ցավ, անպտղություն կամ հղիության ինքնաբեր ընդհատում։ Մնացած դեպքերում հղիանալը բարդ չէ, երբեմն անգամ հնարավոր է լինում ինքնուրույն ծննդաբերել․ ամեն բան կախված է անհատական առանձնահատկություններից։

Պատահում է, որ արգանդը մեջտեղից կիսված է լինում երկու մասի, արդյունքում երկու արգանդ է առաջանում, երկու պարանոց, երբեմն անգամ երկու հեշտոց՝ բաժանված միջնապատով։ Արգանդներն իրար հետ կապ չունեն, և յուրաքանչյուրը կապված է իր ձվարանի հետ։ Կրկնակի արգանդը որևէ ախտանշան չունի՝ բացառությամբ հեշտոցի մասնակի ապլազիայի դեպքերի, երբ դաշտանային արյունը մի արգանդից ելք չի ունենում և կուտակվում է ներսում։ Հղիությունը կրկնակի արգանդի դեպքում բարդություններ է ենթադրում, բայց այնուամենայնիվ երեխայի ծնունդը հնարավոր է։

Արգանդի հիպոպլազիան, որ կոչում են նաև մանկական կամ ինֆանտիլ արգանդ, բնորոշվում է փոքր չափով, պատճառները տարբեր են՝ հորմոնային խանգարումներ, դեռահասության տարիքում քաշի կտրուկ նվազում, ձվարանների դիսֆունկցիա կամ պոլիկիստոզ, ժառանգական հիվանդություններ և այլն։ Հորմոնային անհավասարակշռության, արգանդի թույլ արտահայտված հիպոպլազիայի և ձվարանների սովորական կառուցվածքի դեպքում նշանակվում է հորմոնային թերապիա, ինչն օգնում է վերականգնել ձվարանների ֆունկցիան և աճեցնել արգանդը։

Լորձային արտադրություն հեշտոցից

Լորձային արտադրություն հեշտոցից

Հեշտոցից արտահոսող լորձային արտադրությունը, եթե նորմալ բնույթի է, բնական երևույթ է։ Վերարտադրողական տարիքի բոլոր կանայք էլ ունենում են...

Տրամադրությունը պայմանավորող հորմոնները

Տրամադրությունը պայմանավորող հորմոնները

Պատասխանատու են մեր հոգեհուզական վիճակի համար։ Ահա այն հիմնական հորմոնները, որոնք պայմանավորում են մեր լավ տրամադրությունը․․․

Գեղեցկության և առողջության երաշխիքները

Գեղեցկության և առողջության երաշխիքները

Տարիքին համընթաց օրգանիզմում բազմաթիվ փոփոխություններ են կատարվում, ոմանք, այնուամենայնիվ, շարունակում են պահպանել իրենց գեղեցիկ տեսքն ու առողջությունը․․․

Ե՞րբ պլանավորել հղիությունը վիժումից հետո

Ե՞րբ պլանավորել հղիությունը վիժումից հետո

Հաճախ է պատահում, որ կանայք, որոնց դեպքում վիժումը եղել է հղիության վաղ ժամկետում, ցանկանում են հղինալ վիժումից անմիջապես հետո․․․․