Հղիությունն ամռանը․ կնոջ կենսակերպը

Հղիությունն ամռանը․ կնոջ կենսակերպը

Ամռան շոգը կարող է լուրջ փորձություն լինել անգամ լիովին առողջ մարդու կամ ոչ հղի կնոջ համար։ Էլ ի՞նչ ասենք ապագա մոր մասին, որին անհանգստացնում է տոքսիկոզը, առաջին ամիսների սրտխառնոցը, այտուցվածությունը, գլխապտույտը, գլխացավը, այրոցն ու տհաճ այլ երևույթները։

Եթե զգում եք, որ ամռան տապը դժվարացնում է կյանքի այդ երջանիկ ընթացքը, ապա փորձեք ավելի ուշադիր լինել օրվա ռեժիմի հանդեպ։ Ցերեկվա ժամերին փորձեք դուրս չգալ տնից, իսկ եթե այնուամենայնիվ ցանկանում եք դուրս գալ, գնացեք մոտակա այգին, որտեղ զերծ կմնաք արևի ուղիղ ճառագայթներից։

Եթե որոշել եք որևէ տեղ գնալ, գլխարկ և մի շիշ սառը ջուր վերցրեք, մենակ մի գնացեք, թող որևէ մեկն անպայման ուղեկցի ձեզ։ Եթե հղիության ուշ ժամկետում եք, նաև անձնագիր և այլ փաստաթղթեր վերցրեք, որպեսզի անպատրաստ չլինեք անսպասելիորեն սկսված ծննդաբերության դեպքում։

Տանը մնալու դեպքում չմոռանաք խոնավացնել սենյակի օդը։ Կարող եք հատուկ սարք գնել կամ պարզապես ջրով ցողել օդը։ Ամռանը քրտնարտադրությունն ավելի ինտենսիվ է դառնում։ Վիճակը թեթևացնելու և առույգությունը պահպանելու համար հաճախ լոգանք ընդունեք կամ էլ խոնավ սրբիչով սրբեք մաշկը։ Դեմքի մաշկը կարելի է սրբել անանուխի թուրմով։

Հագուստը պետք է լայն լինի, ազատ, կարված բնական գործվածքից։ Շոգը կարող է նպաստել վարիկոզի արագ զարգացմանը, ուստի այդ կանխելու նպատակով հարկավոր է ոտքերը փաթաթել առաձգական բինտով կամ հատուկ գուլպա հագնել։

Ոտքերի հոգնածությունն ու այտուցվածությունը մեղմելու համար օրվա վերջում կոնտրաստային լոգանք ընդունեք կամ էլ ոտքերը սուզեք հետևյալ բաղադրությամբ ջրի մեջ՝

  • ծովի աղ, 
  • անանուխ, 
  • հանգստացնող խոտաբույսեր և եթերային յուղեր՝ բերգամոտի, բազիլիկի, լավանդայի յուղ։

Կոշիկը նույնպես պետք է հարմարավետ լինի, ցանկալի է ցածր կրունկով կոշիկ հագնել։

Հղիությունն ամռանը բարդանում է նաև այն պատճառով, որ չի թույլատրվում տարատեսակ դեզոդորանտներ և սփրեյներ օգտագործել։ Ուստի հղի կինն ստիպված է լինում քրտինքի հոտը վերացնել այլ միջոցներով, օրինակ՝ թևատակերը հաճախակի լվանալով, խոնավ սրբիչով սրբելով կամ կիտրոն քսելով։

Մաշկի պիգմենտավորումից խուսափելու համար խորհուրդ է տրվում հեռու մնալ արևի ուղիղ ճառագայթներից։

Ամռան ընթացքում խիստ կարևոր է նաև սեռական օրգանների հիգիենան, քանի որ շոգը նպաստավոր պայմաններ է ստեղծում մանրէների բազմացման, ինֆեկցիաների առաջացման համար։ Խնդիրները կանխելու համար խորհուրդ է տրվում բամբակյա ներքնաշոր կրել, չօգտագործել ամենօրյա միջադիրներ և հաճախ լվացում անել։

Սեռական կյանքը հղիության ընթացքում․ միֆեր

Սեռական կյանքը հղիության ընթացքում․ միֆեր

Միֆ 1. Հղիության ընթացքում սեքսը վնասակար է մոր և պտղի համար․․․

Ե՞րբ պլանավորել հղիությունը վիժումից հետո

Ե՞րբ պլանավորել հղիությունը վիժումից հետո

Հաճախ է պատահում, որ կանայք, որոնց դեպքում վիժումը եղել է հղիության վաղ ժամկետում, ցանկանում են հղինալ վիժումից անմիջապես հետո․․․․

Դիսեմինացված ներանոթային մակարդման համախտանիշ (ԴՆՄ)

Դիսեմինացված ներանոթային մակարդման համախտանիշ (ԴՆՄ)

Դիսեմինացված ներանոթային մակարդման համախտանիշը (ռուս․՝ ДВС-синдром ) հաճախ հանդիպող և ծանր, կյանքին սպառնացող խախտում է...

Ինչո՞ւ է հղիության դեպքում այդքան կարևոր վաղ այցը մանկաբարձ-գինեկոլոգի

Ինչո՞ւ է հղիության դեպքում այդքան կարևոր վաղ այցը մանկաբարձ-գինեկոլոգի

Հղիությունն առանձնահատուկ շրջան է ցանկացած կնոջ համար, առանձնահատուկ վիճակ հենց օրգանիզմի համար և, ըստ էության, հիմք ապագա երեխայի առողջության համար․․․