Երկրորդ սկրինինգ. հղիության 2-րդ եռամսյակ` 16-20-րդ շաբաթ (մաս II)

Երկրորդ սկրինինգ. հղիության 2-րդ եռամսյակ` 16-20-րդ շաբաթ (մաս II)

Կարդացեք՝ Երկրորդ սկրինինգ․ հղիության 2-րդ եռամսյակ՝ 16-20-րդ շաբաթ․ մաս I

Ընկերք, պորտալար, պտղաջուր։ Ընկերքը հաճախ տեղակայվում է արգանդի հետին պատի վրա, ինչն ամենահաջող տարբերակն է համարվում, քանի որ արգանդի այդ հատվածում արյան մատակարարումն ամենալավն է կատարվում։ Հատակին մոտ շրջանում նույնպես արյան մատակարարումը լավ է։

Պատահում է, որ ընկերքը տեղակայվում է արգանդի առջևի պատի վրա, ինչը պաթոլոգիա չէ, բայց այդ հատվածը երեխայի աճին զուգընթաց ձգվում է և մեծանում է ընկերքի վաղաժամ շերտազատման հավանականությունը։

Այդ հանգամանքի իմցությունը կարևոր է ծննդալուծման մեթոդի ընտրության հարցում (դիմե՞լ կեսարյան հատման, թե՞ ոչ և ի՞նչ բարդություններ կարող են ի հայտ գալ ծննդաբերության ընթացքում)։

Կարդացեք՝ Ընկերքի առաջադրություն

Ընկերքի հաստությունը չափում են հղիության 20-րդ շաբաթից հետո, որպեսզի ավելի ինֆորմատիվ լինի, իսկ նախքան այդ ժամկետը նշում են միայն նրա կառուցվածքը՝ համասեռ կամ անհամասեռ։

Հղիության 16-րդ շաբաթից մինչև 27-30-րդ շաբաթն ընկերքի կառուցվածքը պետք է անփոփոխ, համասեռ լինի։

Հղիության 30-րդ շաբաթից հետո ընկերքի փոփոխություններ են դիտվում, այն ծերանում է և որպես հետևանք՝ դառնում անհամասեռ։ Ուշ ժամկետում այդ բնական երևույթ է և հավելյալ հետազոտություններ ու բուժում չի պահանջում։

Կարդացեք՝ Ընկերքի հասութնության աստիճանները

Նորմայում մինչև 30-րդ շաբաթն ընկերքի հասունության աստիճանը «զրոյական» է։

Պտղաջրի քանակը։ Պտղաջրի քանակը որոշելու համար դիագնոստը հաշվում է ամնիոտիկ հեղուկի ինդեքսը։

Նորմայից ցածր ցուցանիշը վկայում է սակավաջրության, իսկ բարձր ցուցանիշը՝ գերջրության մասին։

Մոր և երեխայի օրգանիզմում ինֆեկցիաների, գեստոզի և շաքարային դիաբետի բացակայության, ինչպես նաև երեխայի բնականոն զարգացման դեպքում մտահոգվելու պատճառ չկա։ Ամենայն հավանականությամբ այդ տվյալ հղիության ընթացքի առանձնահատկությունն է։

Նորմայում պորտալարն ունենում է երեք անոթ՝ երկու զարկերակ և մեկ երակ։ Զարկերակներից մեկի բացակայությունը կարող է հանգեցնել պտղի զարգացման տարաբնույթ պաթոլոգիաների՝ սրտի արատ, հիպոքսիա, միզասեռական կամ կենտրոնական նյարդային համակարգի աշխատանքի խանգարում և այլն։

Կարդացեք՝  Պորտալարի միակ զարկերակ

Հղիության բնականոն ընթացքի դեպքում, երբ բացակայող զարկերակի աշխատանքը փոխհատուցվում է ունեցածով, կարելի է խոսել հետևյալ երևույթների մասին՝

  • քրոմոսոմային պատոլոգիայի բացակայություն, 
  • պտղի բնականոն զարգացում՝ ըստ ՈւՁՀ-ի, 
  • պտղի սրտի կառուցվածքի դեֆեկտների բացակայություն, 
  • ընկերքում արյան հոսքի բնականոնություն։

«Պորտալարի միակ զարկերակ» ախտորոշմամբ ծնված երեխաները երբեմն թեթևաքաշ են լինում, հնարավոր է, որ հաճախ հիվանդանան։ 

Երեխայի կյանքի առաջին տարվա ընթացքում հարկավոր է հետևել նրա օրգանիզմի փոփոխություններին, իսկ մեկ տարեկան դառնալուց հետո խիստ ուշադրություն դարձնել նրա առողջությանը՝ կազմակերպելով ճիշտ, հավասարակշռված սնուցումը, վիտամինների և հանքանյութերի ընդունումը, կատարել իմունիտետն ամրացնող պրոցեդուրաներ, որոնք կկարգավորեն երեխայի օրգանիզմը։

Առողջ սովորություններ

Առողջ սովորություններ

Մեծահասակին անհրաժեշտ է 7-9 ժամ քուն

Ինչու է սերմնահեղուկը խիտ

Ինչու է սերմնահեղուկը խիտ

Սովորաբար սերմնահեղուկը նման է միատարր հեղուկի՝ կաթնագույն սպիտակից մինչև մոխրագույն-դեղնավուն գույնի, հատուկ հոտով:

Ինչ է էպիզիոտոմիան և ինչպես վերականգնվել դրանից հետո

Ինչ է էպիզիոտոմիան և ինչպես վերականգնվել դրանից հետո

Ծննդաբերության ժամանակ հեշտոցը լայնանում է, բայց երբեմն դա կարող է բավարար չլինել երեխայի գլուխը տեղավորելու համար

Ո՞ր մթերքներն են ստիպում ավելի շատ ուտել և գիրանալ

Ո՞ր մթերքներն են ստիպում ավելի շատ ուտել և գիրանալ

Հաճախ կարող եք լսել, որ երբ խոսքը վերաբերում է նիհարելուն և քաշը պահպանելուն, ամենակարևորը կալորիաների ընդհանուր քանակն է, այլ ոչ թե դրանց աղբյուրը