Սպիտակ կաղամբ

Սպիտակ կաղամբը ճիշտ սնուցման անբաժանելի բաղադրիչներից է, որովհետև հարուստ է մարդուն անհրաժեշտ օգտակար վիտամիններով և հանքանյութերով։ Պարունակում է բջջանյութ, կրախմալ, պեկտիններ, օրգանական թթուներ, շաքար, ամինաթթուներ, վիտամին C, E, K, P, U, ինչպես նաև B խմբի վիտամիններ, կալիում, մագնիում, ֆոսֆոր, ծծումբ, յոդ, երկաթ, կոբալտ, բոր, ցինկ և այլ նյութեր։

Կալորիականությունը

100 գրամ կաղամբը 30 կկալ է։

Օգտակար հատկությունները

Նպաստում է իմունային համակարգի ամրապնդմանը։

Նվազեցնում է օնկոլոգիական հիվանդությունների առաջացման հավանականությունը։

Օգտակար է սրտանոթային համակարգի համար, նվազեցնում է խոլեստերինի մակարդակը, լավացնում է արյան շրջանառությունը և արյան կազմը, օրգանիզմից դուրս է բերում ավելորդ հեղուկը։

Բարենպաստ ազդեցություն է թողնում ստամոքսաղիքային տրակտի աշխատանքի վրա, այն պաշտպանում է տարաբնույթ հիվանդություններից, լավացնում է ստամոքսի միկրոֆլորան, կարգավորում է նյութափոխանակությունը, նպաստում խարանների դուրսբերմանը։

Օգտակար է շաքարային դիաբետ ունեցող մարդկանց համար։

Օգտակար է նաև ավելորդ քաշ ունեցող մարդկանց համար։

Դրական ազդեցություն է թողնում բերանի խոռոչի վրա, օգնում պայքարել լնդերի արյունահոսության, ստոմատիտի և նույնիսկ ատամնացավի դեմ։

Միջին և բարձր տարիքի անձանց խորհուրդ է տրվում ամեն օր կաղամբ ուտել։

Հակացուցումները

Պանկրեատիտի, ստամոքսաղիքային տրակտի և երիկամների հիվանդությունների սրման դեպքում հարկավոր է խորհրդակցել բժշկի հետ և նոր միայն սննդում օգտագործել կաղամբը։