Լոբի․ օգտակար հատկություններն ու հակացուցումները

Լոբի․ օգտակար հատկություններն ու հակացուցումները

Լոբին ճիշտ սնուցման կարևոր բաղադրիչներից է և օժտված է սննդային մեծ արժեքով։ Նրա օգտակար հատկություններն օգնում են կանխարգելել և բուժել բազմաթիվ հիվանդություններ։

Լոբու օգտակար հատկությունները պայմանավորված են նրա բաղադրիչների եզակի կազմով։ Սպիտակուցների, ածխաջրերի, վիտամինների, մակրոտարրերի և միկրոտարրերի ու օգտակար այլ նյութերի հարաբերակցությունը բարենպաստ ազդեցություն է թողնում ինչպես առանձին օրգանների և համակարգերի, այնպես էլ մարդու ամբողջ օրգանիզմի վրա։

Լոբին մինչև 25% սպիտակուց է պարունակում, որն օրգանիզմը յուրացնում է 70-80%-ով։ Պարունակում ՝ վիտամին E, C, K, B խմբի վիտամիններ, կալցիում, կալիում, երկաթ, մագնիում, բոր, ֆոսֆոր, ցինկ և այլ նյութեր, որոնք անհրաժեշտ են օրգանիզմի բնականոն աշխատանքի համար։

Լոբու կալորիականությունը

Լոբու կալորիականությունը տարբեր է՝ կախված տեսակից։ 100 գր կանաչ լոբին 25 կկալ է, իսկ հատիկները՝ 300 կկալ։

Օգտակար հատկությունները

Լոբին ամրացնում է օրգանիզմի դիմադրողական համակարգը։

Լավ է ազդում շնչառական համակարգի վրա, օգնում է պայքարել բրոնխային հիվանդությունների դեմ։

Լոբով պատրաստված ուտեստները օգտակար են տուբերկուլյոզի ժամանակ։

Բարենպաստ ազդեցություն է թողնում սրտանոթային համակարգի աշխատանքի վրա, լավացնում է արյան կազմը, բարձրացնում է հեմոգլոբինի մակարդակը, օգտակար է հիպերտոնիայի, աթերոսկլերոզի, սրտի ռիթմի խանգարման դեպքում։

Օգտակար է շաքարային դիաբետ ունեցող մարդկանց համար, օժտված է շաքարի մակարդակը նվազեցնելու հատկությամբ։

Բարենպաստ ազդեցություն է թողնում մարսողական համակարգի վրա, լավացնում է ստամոքսի միկրոֆլորան, կարգավորում է նյութափոխանակությունը։

Օգնում է կարգավորել լյարդի, երիկամների և միզապարկի աշխատանքը։

Օգնում է ազատվել լյարդի բորբոքային պրոցեսներից, օժտված է միզամուղ ազդեցությամբ, կարգավորում է աղերի փոխանակությունը, օգնում է միզաքարային, երիկամային և միզապարկի այլ հիվանդությունների դեմ պայքարում։

Լոբին բարենպաստ ազդեցություն է թողնում մարդու նյարդային համակարգի վրա, օժտված է հանգստացնող ազդեցությամբ։

Օգնում է նիհարելու հարցում (կանաչ լոբին)։

Կանոնավոր օգտագործման դեպքում օգնում է կանխել ատամնաքարերի առաջացումը։

Անհրաժեշտ է լոբին ներառել սննդակարգում նաև մաշկային հիվանդությունների դեպքում։

Լոբին նպաստում է տղամարդկանց պոտենցիայի բարձրացմանը։

Հակացուցումները

Լոբու բազմաթիվ տեսակներ արգելվում է օգտագործել հում վիճակում։

Քունջութ․ օգտակար և վնասակար հատկությունները

Քունջութ․ օգտակար և վնասակար հատկությունները

Քունջութի սերմերը հարուստ են բուսական ճարպերով, վիտամիններով, օրգանական թթուներով ու հանքանյութերով․․․

Կլեմենտին․ նարնջի և մանդարինի խառնուրդ

Կլեմենտին․ նարնջի և մանդարինի խառնուրդ

Կլեմենտինը ցածր կալորիականությամբ դիետիկ միրգ է, 100 գրամի դեպքում կալորիականությունը 47 կկալ է։ Ցուցված է բոլորին և չի հանգեցնում ճարպակալման․․․

Շամպայն․ օգտակար և վնասակար հատկությունները

Շամպայն․ օգտակար և վնասակար հատկությունները

Ֆրանսիայի մի շարք ծննդատներում ծննդկանին մի փոքր շամպայն են հյուրասիրում երկունքի ցավը մեղմելու նպատակով, իսկ ծննդաբերությունից հետո այն խորհուրդ են տալիս խմել ուժերը վերականգնելո․․․

Լորի ձու․ օգտակար և վնասակար հատկությունները

Լորի ձու․ օգտակար և վնասակար հատկությունները

Լորի ձուն դիետիկ սննդամթերք է, անհրաժեշտ է երեխայի օրգանզիմի բնականոն զարգացման համար, ինչպես նաև հետվիրահատական շրջանում վերականգնվելու համար․․․