Սառեցված վիտամիններ և հանքանյութեր

Սառեցված վիտամիններ և հանքանյութեր

Հատապտուղների ու բանջարեղենի սառեցումը ձմռան ընթացքում օրգանիզմին անհրաժեշտ վիտամիններն ստանալու լավագույն տարբերակներից է։ Եթե հաշվի առնենք, որ ներմուծված մրգերը և բանջարեղենը նախապես ենթարկում են քիմիական մշակման, որպեսզի ավելի երկար պահպանվեն, տեղական սեզոնային բարիքների սառեցումը նաև օգտակար ու ապահով է առողջության համար։

Դրանցից հնարավոր է տարատեսակ ուտեստներ պատրաստել, կամ էլ վայելել առանց վերամշակման, հարկավոր է պարզապես որոշ ժամանակ թողնել սենյակային ջերմաստիճանում, որպեսզի հալչեն։

Ի՞նչ միրգ սառեցնել

Սառցարանում պահպանելու համար հարմար է խնձորը, տանձը, ծիրանը, խուրման, դեղձը, որոնք հարկավոր է նախապես կտրատել, հանել դեղձի ու ծիրանի կուտը և վրան կիտրոնի հյութ ցանել (գույնը պահպանելու նպատակով)։ Ցիտրուսային մրգերն այնքան էլ հարմար չեն սառեցնելու համար, իսկ այ վերջիններիս հյութը կարելի է սառեցնել խորանարդիկների տեսքով և հետագայում գցել հյութերի մեջ։

Ի՞նչ բանջարեղեն սառեցնել

Բանջարեղենից հարմար են հետևյալները՝ գազար, դդմիկ, սմբուկ, կանաչ լոբի, ոլոռ, բրոկոլի, ծաղկակաղամբ, լոլիկ, տաքդեղ, համեմ, մաղադանոս և այլն։ Վերջիններս նույնպես պետք է կտրատել (շերտերի, խորանարդիկների և այլն), իսկ բրոկոլին և ծաղկակաղամբը բաժանել ավելի փոքր փնջերի։

Ի՞նչ հատապտուղ սառեցնել

Գրեթե բոլոր հատապտուղներն էլ հարմար են սառեցման համար։ Մորին, մոշը, հաղարջը, լոռամիրգը, թութը, ելակը, կեռասը, բալ, հապալասը և այլ հատապտուղները կարելի է սառեցնել ամբողջական հատիկներով, միայն թե պետք է հանել կեռասի և բալի կտերը։ Կարելի է սառեցնել նաև քերած և վրան շաքարավազ ավելացրած վիճակում։

Ինչի՞ մեջ սառեցնել

Սառեցման տարա գտնելը խնդիր չէ, շատերն օգտագործում են սննդային պոլիէթիլենային տոպրակները, որոնք ունեն զիպ փական։ Հարմար են նաև պլաստիկ տարաները և շշերը, դրանք կանխում են սառեցման ընթացքում մթերքի դուրս թափվելը, բացի այդ օգնում են հավասարաչափ բաշխել սառցարանի տարածքը։

Կոլրաբի․ օգտակար և վնասակար հատկությունները

Կոլրաբի․ օգտակար և վնասակար հատկությունները

Կոլրաբին պատկանում է կաղամբի ընտանիքին, անվանումը կարելի է թարգմանել որպես «կաղամբ-շաղգամ»

Օրեգանո․ օգտակար և վնասակար հատկությունները

Օրեգանո․ օգտակար և վնասակար հատկությունները

Դրական ազդեցություն է թողնում հատկապես կնոջ օրգանիզմի վրա, քանի որ կարգավորում է դաշտանային ցիկլը, մեղմում դաշտանային ցավը և կիրառվում է դաշտանի ուշացման դեպքում․․․

Բարձրացնում ենք իմունիտետը, որպեսզի պաշտպանվենք վարակներից

Բարձրացնում ենք իմունիտետը, որպեսզի պաշտպանվենք վարակներից

Սթրեսը, քրոնիկ հոգնածությունը, առողջարար սննդի ու առհասարակ օրգանիզմին անհրաժեշտ սննդանյութերի պակասը դառնում են իմունիտետի անկման հիմնական պատճառ․․․․

Մթերքներ, որոնք ցանկալի չէ ուտել հղիության ընթացքում

Մթերքներ, որոնք ցանկալի չէ ուտել հղիության ընթացքում

Հղիությունը յուրահատուկ շրջան է օրգանիզմի համար, և ցանկանաք, թե ոչ, պետք է հրաժարվեք որոշ ուտելիքներից կամ էլ գոնե սահմանափակեք դրանց քանակը, որպեսզի չվնասեք ինչպես ձեզ, այնպես էլ երեխային․․․