Վիրահատությունը կատարում են արգանդափողային հղիության դեպքում, երբ սաղմը ամպուլյար բաժնում է։ Ցուցված է այն դեպքերում, երբ կնոջ վերարտադրողական ֆունկցիայի պահպանման հույս և անհրաժեշտություն կա։

Արգանդափողի ամպուլյար բաժինը բռնում են հատուկ աքցաններով։ Դուրս են ձգում արգանդափողը և վազոկոնստրիկտորի լուծույթ ներարկում։ Կետային կոագուլյատորով կոագուլյացնում են ենթադրյալ կտրվածքի տեղը (պտղաձվի վերևում)։

Հաշվի առնելով, որ կտրվաքի երկարությունը պետք է բավական լինի պտղաձվի հեռացման համար, փողի լուսանցքը բացում են միկրոմկրատներով՝ երկայնական ուղղությամբ։ Մեծ գդալանման աքցաններով հեռացնում են պտղաձուն։ Պտղաձվի փոքր մնացորդները հեռացնում են բիոպսիայի աքցաններով։

Արգանդափողի պատը կարում են 2-3 առանձին կարերով: