Ճարպակալման ախտորոշումն ու բուժումը

Ճարպակալման ախտորոշումն ու բուժումը

Մարմնի քաշի որոշման տարբեր մեթոդներ կան՝

  • [հասակ (սմ) - 100], 
  • մարմնի զանգվածի ինդեքս, 
  • [քաշ (կգ) / հասակ (մ) քառ ]։ 

Եթե ստացված թիվը փոքր է 25-ից, անհանգստանալու կարիք չկա։ Եթե մարմնի զանգվածի ինդեքսը 25-ից 30 է, ապա վկայում է ավելորդ քաշի մասին, ճիշտ է, սարսափելի չէ, բայց ցանկալի է կարգավորել սննդակարգը և ազատվել ավելորդ 4-5կգ-ից։ Եթե ՄԶԻ-ը 30-ից անց է, ապա գործ ունենք իսկական ճարպակալման հետ։

Կարդացեք՝ Քաշ, մարմնի զանգվածի ինդեքս և հորմոններ

Կախված մարմնի զանգվածից՝ տարբերում են ճարպակալման մի քանի աստիճան՝

  • 1-ին աստիճան՝ զանգվածի ավելացում 29%-ով (կատարյալ զանգվածի համեմատ), 
  • 2-րդ աստիճան՝ մարմնի զանգվածի ավելցուկը 30-49% է, 
  • 3-րդ աստիճան՝ մարմնի զանգվածի ավելցուկը 50-99% է, 
  • 4-րդ աստիճան՝ մարմնի զանգվածի ավելցուկը 100% և ավել է։

Ախտորոշումը

Ճարպակալման հարցերով զբաղվում է երկու մասնագետ՝ սննդաբանը և էնդոկրինոլոգը։ Հենց նրանք էլ կպարզեն, թե որն է ավելորդ քաշի կուտակման պատճառը՝ հորմոնները, նյութափոխանակության խանգարումը, թե սխալ սննդակարգը։ Բժիշկը նախնական խորհրդատվությունից հետո կուղղորդի հավելյալ հետազոտությունների, որոնք թույլ կտան գնահատել հորմոնային համակարգի աշխատանքը։

Կարդացեք՝ Գիրության ազդեցությունը տղամարդու վերարտադրողական ֆունկցիայի վրա

Առաջին հերթին կստուգվեն վահանաձև գեղձի (թիրոքսինի, թրիյոդթիրոնինի), հիպոֆիզի (թիրեոտրոպ հորմոն) հորմոնների մակարդակը, արյան մեջ գլյուկոզայի առկայությունը։ Անհրաժեշտության դեպքում կստուգվեն բոլոր օրգան-համակարգերը՝ պարզելու, թե ինչպես է ճարպակալումն ազդել դրանց վրա։

Ճարպակալման բուժման մեթոդները

Ճարպակալման բուժման մեթոդները բաժանվում են երեք հիմնական խմբի։ Ոչ դեղորայքային մեթոդներ՝ ցածր կալորիականությամբ ռացիոնալ սնունդ և ֆիզիկական ակտիվության բարձրացում։

Կարդացեք՝ Նիհարում ենք առանց սթրեսի․ հոգեբանի խորհուրդները

Դեղորայքային մեթոդներ՝ ախորժակը ճնշող և օրգանիզմում ճարպերի յուրացումը նվազեցնող, ինչպես նաև հորմոնային և նյութափոխանակության ֆոնը կարգավորող դեղամիջոցների նշանակում։

Վիրաբուժական մեթոդներ՝

  • լիպոսակցիա՝ ենթամաշկային ավելորդ ճարպային շերտի հեռացում, 
  • աբդոմինոպլաստիկա՝ կախ ընկած որովայնի ձգում և ավելորդ մաշկի հեռացում, 
  • վիրահատություն, որի միջոցով հեռացվում է բարակ աղիքի մի մասը, 
  • ստամոքսի օղակի տեղադրում, որը նվազեցնում է ստամոքսի ծավալը՝ արագացնելով հագեցման պրոցեսը։
Ինչո՞ւ է արմունկների մաշկը չորանում, ի՞նչ անել 

Ինչո՞ւ է արմունկների մաշկը չորանում, ի՞նչ անել 

 Որն է արմունկների մաշկի առանձնահատկությունը 

Բրոկոլի ուտելու 8 պատճառ

Բրոկոլի ուտելու 8 պատճառ

Բրոկոլին պարունակում է բազմաթիվ վիտամիններ, հանքանյութեր, մանրաթելեր և հակաօքսիդիչներ:

Ինչու է մանդարինը օգտակար, 10 գիտական փաստ մանդարինի մասին

Ինչու է մանդարինը օգտակար, 10 գիտական փաստ մանդարինի մասին

Մանդարինը աճում է փոքր մշտադալար ծառի վրա: Հասունանում է նոյեմբեր-դեկտեմբեր ամիսներին, այնպես որ անգլալեզու երկրներում պտուղը կոչվում է «Սուրբ Ծննդյան նարինջ»:

Արմավի օգտակար և վնասակար հատկությունները, 8 գիտական փաստ

Արմավի օգտակար և վնասակար հատկությունները, 8 գիտական փաստ

Արմավը արմավենու պտուղն է, աճում է արևադարձային տարածքներում