Կրծքագեղձի քաղցկեղ

Կրծքագեղձի քաղցկեղ

Կրծքագեղձի քաղցկեղը չարորակ ուռուցք է: Այն շատ արագ է զարգանում, կարող է տարածվել այլ օրգաններ (առաջացնել մետաստազներ) և ախտահարել ավշահանգույցները:

Քաղցկեղի նշանները.

  • կրծքագեղձում հանգույցների ուռածություն, կոշտացում, 
  • կրծքագեղձի ձևի կամ ուրվագծի փոփոխություն, 
  • կրծքի ցավ կամ անհարմարության զգացում, 
  • կրծքի մաշկի կնճռոտում կամ ներքաշում, 
  • կրծքի մաշկի թեփոտում, 
  • արտադրություն կրծքագեղձից, 
  • պտուկի ներքաշում, 
  • պտուկի շրջանում ուռածություն, կոշտացում, 
  • անութափոսի հատվածում ուռածություն, կոշտացում, գոյացության առաջացում, 
  • մետաստազների (երկրորդային ուռուցք) առաջացման նշաններ, հազ և արյան թքում, ցավ ոսկրերում, պաթոլոգիական կոտրվածքներ, դեղնուկ, նյարդաբանական ախտանիշներ՝ գլխացավ, շարժման կոորդինացման խանգարում, ջղաձգումներ: 
  • ուռուցքային ինտոքսիկացիայի (ինքնաթունահարության) ոչ բնորոշ ախտանշաններ՝ սակավարյունություն (անեմիա), բարձր ԷՆԱ, ախորժակի կորուստ, ընդհանուր թուլություն, արագ հոգնածություն, քաշի կորուստ:

Ըստ ուռուցքի աճի ձևի տարբերում են կրծքագեղձի քաղցկեղի հանգուցավոր և դիֆուզ տեսակներ: Ըստ օնկոլոգիական պրոցեսի զարգացման և ուռուցքի չափերի տարբերում են քաղցկեղի հետևյալ փուլերը.

1 փուլ – ուռուցքը փոքր է (մինչև 2 սմ), անութային ավշահանգույցներում մետաստատիկ ախտահարումները բացակայում են: Այս փուլում բուժման և գոյատևման կանխատեսումներն ամենաբարենպաստն են:

2 փուլ- ուռուցքը մեծ չէ, հնարավոր են մետաստազներ: Բուժման ու գոյատևման կանխատեսումները բարենպաստ են:

3 փուլ – ուռուցքի չափերը գերազանցում են 5 սմ, առկա են մետաստազներ ավշահանգույցներում: 4 փուլ – ուռուցքի չափը տարբեր է, իսկ մետաստազները հանդիպում են այլ օրգաններում՝ լյարդ, թոք, ոսկրեր, գլխուղեղ և այլն:

Պատճառները.

  • հորմոնային գործոններ (հորմոնային հավասարակշռության խախտում, դաշտանի վաղ սկիզբ, ուշացած կլիմաքս, անպտղություն, լակտացիայի բացակայություն), 
  • տարիք (կրծքի քաղցկեղի առաջացման վտանգն աճում է տարիքի հետ), 
  • գենետիկական գործոններ (կրծքագեղձի քաղցկեղի առաջացման վտանգը մեծանում է, եթե տոհմում եղել են քաղցկեղով հիվանդացության դեպքեր), 
  • կաթնագեղձի բարորակ հիվանդություններ (ֆիբրոզ-կիստոզային մաստոպատիա, կիստա), 
  • այլ գործոններ (գիրացում, վատ էկոլոգիա, ճառագայթման բարձր մակարդակ, կաթնագեղձի բորբոքային հիվանդություններ):

Կարդացեք՝ Առաջնային անպտղություն

                  Արգանդային անպտղություն

Ախտորոշումը

Կուրծքը շոշափելիս կինն ինքը կարող է հայտնաբերել ուռուցք: Ախտորոշման հստակեցման համար կատարվում է մամոգրաֆիա, կրծքի ուլտրաձայնային հետազոտություն, օնկոմարկերների որոշում, բիոպսիա՝ հիստոլոգիական անալիզով, իմունահիստաքիմիական անալիզ՝ հրմոնների հանդեպ ուռուցքի զգայունությունը ստուգելու համար, դուկտոգրաֆիա (ծորանների ստուգում), հնարավոր մետաստազների բացահայտում՝ ՈՒՁ և ՀՇ քննությամբ:

Բուժումը

Կրծքի քաղցկեղի բուժումը վիրահատական է՝ կատարվում է ուռուցքի հեռացում (կրծքի մասնահատում՝ անութային հանգույցներով, կրծքագեղձի ամբողջական հեռացում ճարպաբջջանքով և անութային ավշահանգույցներով, կրծքի ամբողջական հեռացում՝ կրծքային մկաններով, անոթներով և կողոսկրերով): Բուժման նպատակներով կիրառվում է նաև քիմիաթերապիա, ճառագայթային թերապիա, հորմոնաթերապիա: Ուռուցքի ոչ ժամանակին հայտնաբերումը և բուժման հետաձգումը հանգեցնում է՝

  • օնկոլոգիական պրոցեսի շարունակական զարգացման (ուռուցքի չափերի մեծացում, հարակից հյուսվածքներում դրա գերաճում), 
  • մետաստատիկ ախտահարումների առաջացման (ուռուցքի տարածում այլ օրգան-համակարգեր), 
  • ուռուցքից արյունահոսության, 
  • ուռուցքի և հարակից հյուսվածքների բորբոքման:

Քաղցկեղի կանխարգելման նկատառումներով անհրաժեշտ է ժամանակին և ամբողջապես բուժել հորմոնային խանգարումները, ժամանակին հայտնաբերել և բուժել կաթնագեղձի բարորակ հիվանդությունները, կանոնավոր այցելել գինեկոլոգի:

Երիտասարդության գաղտնիքը հորմոնների ներդաշնակությունն է

Երիտասարդության գաղտնիքը հորմոնների ներդաշնակությունն է

Երբ հորմոնալ համակարգի հետ կապված խնդիրներ են առաջանում, չափազանց դժվար է դառնում վերլուծել և վերահսկել սեփական զգացմունքներն ու հույզերը

Ինչպե՞ս կարող է հոդատապն (պոդագրա) ազդել ձեր կյանքի որակի վրա, և ինչպե՞ս խուսափել դրանից

Ինչպե՞ս կարող է հոդատապն (պոդագրա) ազդել ձեր կյանքի որակի վրա, և ինչպե՞ս խուսափել դրանից

Հոդատապը հիվանդություն է, որը զարգանում է պուրինի նյութափոխանակության խանգարման հետևանքով, ինչի արդյունքում հիմնականում հոդերում առաջանում են միզաթթվի բյուրեղներ

Ինչպե՞ս սովորել կենտրոնանալ սեքսի վրա

Ինչպե՞ս սովորել կենտրոնանալ սեքսի վրա

Ժամանակակից աշխարհում կան չափազանց շեղող գործոններ՝ երկար ժամանակ ինչ-որ բանի վրա կենտրոնանալու համար, այդ թվում նաև սեքսի

Ինտիմ հատվածի բիոռեվիտալիզացիա

Ինտիմ հատվածի բիոռեվիտալիզացիա

Ժամանակի ընթացքում մարմնի հյուսվածքները ենթարկվում են տարիքային փոփոխությունների՝ նվազում է առաձգականությունը, առաջանում է մաշկի և լորձաթաղանթների չորություն: