Ինչի՞ մասին են վկայում կրծքագեղձերի գոյացությունները,  ինչպե՞ս ազատվել դրանցից

Ինչի՞ մասին են վկայում կրծքագեղձերի գոյացությունները,  ինչպե՞ս ազատվել դրանցից 
Անհրաժեշտ է հնարավորինս շուտ դիմել բժշկի, եթե 
• զգում եք կարծր գոյացություն կրծքագեղձերից մեկում կամ անութային հատվածում 
• մեկ կուրծքը չափափոխված է. այն ավելի մեծ կամ փոքր է դարձել, քան մյուսը 
• դաշտանի ընթացքում մի կարծր գունդ է առաջացել, բայց ավարտից հետո չի անհետացել 
• շոշափելիս զգում եք, որ գոյացությունը փոխում է չափը, ձևը, դառնում է ավելի կարծր 
• ձեր կրծքավանդակին առաջացել է կապտուկ՝ առանց որևէ ակնհայտ պատճառի 
• ձեր կրծքերի մաշկը կարմրել է կամ ձեռք է բերել նարնջի կեղևի տեսք 
ձեր պտուկներից մեկը հետ է քաշվել (սա վտանգավոր նշան է միայն այն դեպքում, եթե նախկինում ուռածություն կար) 
• նկատում եք պտուկից արյունահոսություն 
Այս ախտանիշները կարող են վկայել կրծքի քաղցկեղի մասին: Այս հիվանդությունը բուժելի է, բայց միայն այն դեպքում, եթե  հայտնաբերվի վաղ փուլերում, և բուժումը ժամանակին սկսվի: 
Ինչի՞ մասին են վկայում կրծքում առկա գոյացությունները 
Կրծքագեղձի յուրաքանչյուր գոյացություն քաղցկեղ չէ: Գոյացությունների մեծ մասը (մինչև 80 % -ը), այսպես կոչված, բարորակ կազմավորումներ են և երբեմն կարող են անհետանալ ինքնուրույն՝ առանց որևէ բուժման: 
Ահա մի քանի պայմաններ, որոնց պատճառով առաջանում են գոյացություններ՝ 
• Կրծքի կիստա: Դա փափուկ, հեղուկով լցված և, ընդհանուր առմամբ, անվնաս պարկ է: 
• Կաթնային կիստա (գալակտոցելե): Սա կաթով լցված պարկ է: Նման կիստաները հայտնվում են կերակրող մայրերի մոտ: 
• Ֆիբրոադենոմա: Սա թերևս ամենատարածված բարորակ գոյացությունն է, որն առաջանում է երիտասարդ (15-ից 35 տարեկան) կանանց կրծքագեղձերում: Որպես կանոն, ֆիբրոադենոման շոշափվում է գլորվող գնդակի պես: 
• Ֆիբրոզ-կիստոզային կրծքեր: Սա պայման է, երբ կրծքագեղձերի հյուսվածքն ուռուցիկ է դառնում: Ըստ բժիշկների, յուրաքանչյուր երկրորդ կին իր կյանքի ինչ-որ պահի բախվում է կրծքագեղձի ժամանակավոր ֆիբրոկիստոզ փոփոխությունների: 
• Ներծորանային պապիլոմա: Սա բարորակ զանգված է, որը կաթնային ծորանում հիշեցնում է գորտնուկի: 
• Լիպոմա. սա դանդաղ աճող բարորակ (այսինքն անվնաս) ուռուցք է, որը բաղկացած է ճարպային հյուսվածքից: 
• Մաստիտ. սա կրծքագեղձում առաջանում է, երբ ներթափանցում է վարակը, որն հանդիպում է կերակրող կանանց մոտ: Մաստիտի դեպքում գոյացությունները սովորաբար ցավոտ են: 
• Այտուց կամ փոքր արյունահոսություն, որը կարող է առաջանալ վնասվածքի հետ միասին: 
Ի՞նչ անել, եթե ձեր կրծքավանդակում ուռուցք եք շոշափում 
Նույնիսկ եթե դուք չունեք սպառնացող ախտանիշներ, միևնույնն է, արժե կապվել բժշկի հետ: Հատկապես, եթե գոյացությունը չի նվազում և չի վերանում մի քանի օրվա ընթացքում, և նույնիսկ ավելին, եթե դա ցավում է կամ անհանգստություն է առաջացնում: 
Բժիշկը կուսումնասիրի ձեր կուրծքը և, եթե անմիջապես չկարողանան պարզել ուռուցքի պատճառը, ձեզ կուղարկեն լրացուցիչ հետազոտությունների: Դրանք կարող են ներառել հետևյալ ընթացակարգերը. 
• Մամոգրաֆիա. այն ռենտգեն հետազոտություն է, որն օգնում է բացահայտելու կրծքագեղձի հյուսվածքների շեղումները։ 
• ՈՒՁՀ. այն անհրաժեշտ է գոյացությունն ուսումնասիրելու համար։ 
• ՄՌՏ. 
Բարակ ասեղով ասպիռացիա: Բժիշկը ասեղի ծայրով հեռացնում է գոյացության մեջ առկա հեղուկը (կիստաների դեպքում)։ Եթե գոյացությունը բարորակ է, այն անհետանում է, իսկ եթե հեղուկը մուգ է կամ արնանման, նմուշն ուղարկում են հետազոտության։ 
• Բիոպսիա. սա գործընթաց է, որի ժամանակ բժիշկը կրծքագեղձի հյուսվածքի նմուշ է վերցնում՝ հետագայում ուսումնասիրելու նպատակով:
 
Աղբյուրը
Ինչո՞ւ է հարկավոր հանձնել մեզի ընդհանուր հետազոտություն (անալիզ)

Ինչո՞ւ է հարկավոր հանձնել մեզի ընդհանուր հետազոտություն (անալիզ)

Մեզի ընդհանուր հետազոտության միջոցով հնարավոր է հայտնաբերել շաքարախտը, միզուղիների և լյարդի հիվանդությունները:

Կարո՞ղ է արդյոք պայթել միզապարկը, եթե երկար ժամանակ զսպեք ձեզ ու չմիզեք

Կարո՞ղ է արդյոք պայթել միզապարկը, եթե երկար ժամանակ զսպեք ձեզ ու չմիզեք

Միզապարկն ունի առաձգական պատեր, որոնք որոշակի արտաքին ազդեցությամբ իսկապես կարող են պայթել, սակայն ոչ մեզի մեծ ծավալի պատճառով

Ինչպե՞ս նվազեցնել ճնշումը

Ինչպե՞ս նվազեցնել ճնշումը

Ինչո՞ւ է կարևոր մտածել ճնշման մասին որքան հնարավոր է շուտ

Ո՞վ է արյունաբանը և ե՞րբ է հարկավոր դիմել նրան

Ո՞վ է արյունաբանը և ե՞րբ է հարկավոր դիմել նրան

Արյունաբանը բժիշկ է, ով մասնագիտացած է արյունաստեղծ համակարգի և արյան հիվանդությունների մեջ