Արնահոսությո՞ւն, թե՞ դաշտան․ ինչպե՞ս տարբերել

Արնահոսությո՞ւն, թե՞ դաշտան․ ինչպե՞ս տարբերել

Ամսական արնահոսությունը՝ դաշտանը, կնոջ օրգանիզմին բնորոշ բնական երևույթ է, սակայն հաճախ դժվար է լինում տարբերել ախտաբանակա՞ն արնահոսություն է, թե՞ դաշտան։

Բնորոշ ախտանշանները

Ոչ թե դաշտան է, այլ արնահոսություն, եթե՝

  • արտահոսող արյան քանակը 80մլ-ից շատ է և օրվա ընթացքում 8-10 անգամ միջադիր փոխելու կարիք է զգացվում, 
  • տևում է 7 օրից ավել, 
  • դաշտանային ցիկլը խանգարված է, 
  • արնահոսությունն սկսվել է մենոպաուզայից հետո, 
  • արյունը նկատվել է սեռական ակտից հետո։

Կարդացեք՝ Երկարատև դաշտան․ ե՞րբ անհանգստանալ

 Ուշադրություն դարձրեք ձեր վիճակին և ինքնազգացողությանը՝

  • թուլություն, 
  • հոգնածություն, 
  • գունատություն, 
  • մազաթափություն, 
  • անկանոն դաշտան, 
  • արնահոսություն դաշտանից դաշտան ժամանակահատվածում։ 

Արնահոսություն դաշտանի ընթացքում

Այդ ընթացքում կարող է սկսվել՝

  • մենորագիա՝ բավականին առատ և երկարատև արնահոսություն, 
  • մետրորագիա՝ երբ արյունն անկանոն կերպով հոսում է դաշտանից դաշտան ժամանակահատվածում, 
  • մենոմետրորագիա՝ շարունակական, բայց անկանոն արնահոսություն, 
  • պոլիմենորեա՝ դաշտանն սկսվում է նախորդ դաշտանից ավելի շուտ։

Իմպլանտացիոն արյունային արտադրություն

Իմպլանտացիոն արյունային արտադրությունն ի հայտ է գալիս բեղմնավորված ձվաբջջի՝ էնդոմետրիումի շերտի մեջ արմատավորվելու հետևանքով։ Այդ ժամանակ վնասվում են արյան անոթները, և փոքրիկ արնահոսություն է սկսվում։ Այդպես է լինում մենստրուացիայից մոտավորապես մեկ շաբաթ առաջ, և կանայք ընդունում են որպես սկսվող դաշտանի նշան։

Տարբերությունը. արնահոսությո՞ւն, թե՞ դաշտան

Դաշտանը և իմպլանտացիոն արնահոսությունը տարբերվում են՝

  • արնահոսության տևողությամբ․ իմպլանտացիոն արնահոսությունը կարճատև է, առավելագույնը մեկ օր, 
  • կորցրած արյան քանակով․ իմպլանտացիոն արնահոսության դեպքում արյան կորուստը շատ քիչ է, 
  • գունավորմամբ․ իմպլանտացիոն արնահոսությունը վարդագույն կամ դեղնավուն երանգ է ունենում։ 

Զգացողություններ

  • Իմպլանտացիայի դեպքում կինը թույլ, ձգող բնույթի ցավ է զգում որովայնի ստորին հատվածում։ 
  • Իմպլանտացիայի դեպքում բազալ ջերմաստիճանն իջնում է 37°C-ից, այնուհետև կտրուկ բարձրանում։ 

Արտադրությունը ծննդաբերությունից հետո

Դաշտանը պետք է տարբերել հետծննդաբերական շրջանում երբեմն ի հայտ եկող արնահոսությունից։ Ծննդաբերությունից հետո 30 օրվա ընթացքում հնարավոր չէ, որ դաշտան սկսվի։ Այդ ընթացքում ի հայտ եկող արտադրությունը կոչվում է լոխիա։ Սկզբնական շրջանում (մոտավորապես տասն օր) այն արտահոսում է արյան խառնուրդով, այնուհետև աստիճանաբար դառնում է դեղնասպիտակավուն։

Կարդացեք՝ Տհաճ հոտ ծննդաբերությունից հետո

Պետք է անհանգստանալ, եթե՝

  • ծննդաբերությունից հինգ օր անց լոխիան ալ կարմիր գույն է ունենում, 
  • ծննդկանն ունենում է դողէրոցք, 
  • միջադիրը ժամը մեկ փոխելու անհրաժեշտություն է զգացվում, 
  • արտադրությունը լի է մակարդուկով, 
  • լոխիան դադարել է, սակայն կրկին արյունային ալ կարմիր արտադրություն է ի հայտ եկել, 
  • ծննդաբերությունից հետո արտադրությունն ունի տհաճ հոտ։ 

Ի՞նչ անել

Դաշտանային խիստ առատ արնահոսությունն առանց դեղամիջոցի կանգնեցնելու համար՝

Կարդացեք՝ Առատ դաշտան

  • մեծ քանակությամբ ջուր խմեք (չգազավորված), 
  • հանգստացեք, 
  • մի զբաղվեք սպորտով, մի կատարեք ֆիզիկական ծանր աշխատանք, 
  • ծանր իրեր մի բարձրացրեք,
  • խուսափեք շոգեբաղնիքից, 
  • առժամանակ հրաժարվեք ալկոհոլային խմիչքներից և սուրճից, 
  • մոտ 15 րոպե սառը ջեռակ դրեք որովայնին, 
  • վիտամիններ օգտագործեք՝ ասկորբինաթթու, A և B խմբի վիտամիններ, երկաթ պարունակող միջոցներ։
Ե՞րբ պլանավորել հղիությունը վիժումից հետո

Ե՞րբ պլանավորել հղիությունը վիժումից հետո

Հաճախ է պատահում, որ կանայք, որոնց դեպքում վիժումը եղել է հղիության վաղ ժամկետում, ցանկանում են հղինալ վիժումից անմիջապես հետո․․․․

Դիսեմինացված ներանոթային մակարդման համախտանիշ (ԴՆՄ)

Դիսեմինացված ներանոթային մակարդման համախտանիշ (ԴՆՄ)

Դիսեմինացված ներանոթային մակարդման համախտանիշը (ռուս․՝ ДВС-синдром ) հաճախ հանդիպող և ծանր, կյանքին սպառնացող խախտում է...

Տամպոններ․ ի՞նչ է պետք իմանալ

Տամպոններ․ ի՞նչ է պետք իմանալ

Նախկինում կանայք տարբեր նյութեր են օգտագործել միջադիրներ և տամպոններ պատրաստելու համար, օրինակ՝ եգիպտացի կանայք փափուկ պապիրուս են օգտագործել, հռոմեացիները՝ բրդե տամպոններ․․․

Ուռուցքանման գոյացություններ փոքր կոնքում

Ուռուցքանման գոյացություններ փոքր կոնքում

Փոքր կոնքում առկա գոյացությունը հաճախ հայտնաբերվում է գինեկոլոգիական սովորական զննման ընթացքում․․․