Հակամյուլլերյան հորմոն

Հակամյուլլերյան հորմոն

Հակամյուլլերյան հորմոնը (АМГ, АМН, anti-Mullerian hormone) առանձնահատուկ նյութ է, որն առկա է և՛ կնոջ, և՛ տղամարդու օրգանիզմում։ Այն ակտիվորեն ազդում է հյուսվածքների ձևավորման և աճի վրա՝ մեծ դեր խաղալով նաև վերարտադրողական կարողությունների հարցում։

Կարևոր դեր է խաղում կնոջ օրգանիզմում հատկապես վերարտադրողական տարիքում․ խանգարումը խոչընդոտում է հղիանալուն։

Կարդացեք՝ Հորմոնային անպտղություն

Հորմոնի դերը

Հակամյուլլերյան հորմոնը տղամարդու օրգանիզմում

Այս հորմոնը տղամարդու օրգանիզմում առանձնահատուկ նշանակություն է ձեռք բերում սաղմնային և սեռական հասունացման շրջանում։ Այն սկսում է ձևավորվել դեռևս սաղմնային շրջանում և պատասխանատու է մյուլլերյան ծորանների՝ ապագա սեռական օրգանների սաղմնային գոյացությունների հետզարգացման համար։

Ճիշտ զարգացման դեպքում տղամարդու օրգանիզմում կազմավորվում են սեռական լիարժեք օրգաններ։ Ծնվելուց հետո ՀՄՀ-ն սինթեզվում է արական ձվարանների կողմից մինչև սեռական հասունացումը։ Սեռական հասունության շրջանում հորմոնի սինթեզը նվազում է և պահպանվում շատ ցածր մակարդակում։

Սինթեզի խանգարումը տղամարդկանց դեպքում առաջացնում է կրիպտորխիզմ, վերարտադրողական ֆունկցիայի խանգարում, ինչը երբեմն առաջացնում է կեղծ հերմաֆրոդիտիզմ։ Ցածր հորմոնային ֆոնի պայմաններում ի հայտ է գալիս անպտղություն՝ անկախ այն հանգամանքից, որ ձվարանները բնականոն են ձևավորված։

Հակամյուլլերյան հորմոնը կնոջ օրգանիզմում

Կնոջ օրգանիզմում ՀՄՀ-ն արտադրվում է ներարգանդային շրջանում և մինչև սեռական ֆունկցիայի մարումը, սակայն մինչև սեռական հասունացումը հորմոնի մակարդակը ցածր է լինում և բարձրանում է սեռական հասունացումն սկսելուն պես։

Ցածր ՀՄՀ-ն կնոջ դեպքում առաջացնում է վերարտադրողական ֆունկցիայի և ֆոլիկուլների հասունացման խանգարում, ինչը հանգեցնում է անպտղության։

ՀՄՀ-ի հետազոտություն

Արյան մեջ ՀՄՀ-ի մակարդակի որոշման հետազոտությունն անցկացնում են, որպեսզի՝

  • գնահատեն տղամարդու սեռական ֆունկցիան, 
  • որոշեն վաղաժամ սեռական հասունացումը կամ դրա ուշացումը, 
  • հայտնաբերեն ձվարանների ուռուցքները կամ պոլիկիստոզը
  • հասկանան կնոջ անպտղության պատճառը։

ՀՄՀ-ի մակարդակի փոփոխությունը կարող է վկայել կնոջ վաղ դաշտանադադարի մասին։

Կարդացեք՝ Վեց նշան, որոնք վկայում են մենոպաուզայի մասին

Ցուցումներ հետազոտության համար

Հետազոտության անցկացման հիմնական ցուցումներ են՝

  • վաղաժամ կամ ուշացած սեռական հասունացման փաստը, 
  • սեռի որոշումը հերմաֆրոդիտիզմի դեպքում, 
  • կրիպտորխիզմի և մոնորխիզմի ախտորոշման հաստատումը, 
  • տղամարդու պտղաբերության գնահատականը (բեղմնավորելու կարողությունը), 
  • կնոջ պտղաբերության գնահատականը, 
  • վաղ դաշտանադադարի փաստը, 
  • ձվարանների քաղցկեղ, 
  • անհայտ ծագման անպտղություն, ԱՄԲ-ի անհաջող փորձեր։

Կանանց և տղամարդկանց օրգանիզմում ՀՄՀ-ի մակարդակը կախված է տարիքից։

Տղամարդկանց դեպքում՝

  • մինչև 15 օրական՝ 32 ± 8,3 նգ/մլ 
  • մինչև 1 տարեկան՝ 65,1 ± 13,0 նգ/մլ 
  • մինչև 4 տարեկան՝ 69,9 ± 9,2 նգ/մլ 
  • մինչև 7 տարեկան՝ 61,3 ± 8,4 նգ/մլ 
  • մինչև 10 տարեկան՝ 47,0 ± 6,6 նգ/մլ 
  • սեռական հասունացման սկզբում՝ 34,9 ± 3,7 նգ/մլ 
  • սեռական հասունացման ավարտին՝ 6,7 ± 1,9 նգ/մլ 
  • մեծահասակ տղամարդիկ՝ 4,2 ± 0,6 նգ/մլ 

Կանանց դեպքում՝

  • մինչև 9 տարեկան՝ 3,5 ± 1,8 նգ/մլ, 
  • սեռական հասունացման սկզբում և վերարտադրողական ամբողջ շրջանում՝ 2,1 - 7,3 նգ/մլ։

Շեղումներ

ՀՄՀ-ի մակարդակը բարձրանում է հետևյալ դեպքերում՝

  • ձվարանների ուռուցքներ, 
  • սեռական հասունացման հապաղում, 
  • սեռական հորմոնների ընկալիչների ապարատի արատներ, 
  • կրիպտորխիզմ, 
  • անպտղություն, 
  • ձվարանների պոլիկիստոզ։ 

ՀՄՀ-ի մակարդակի նվազում է նկատվում հետևյալ դեպքերում՝

  • ճարպակալում վերարտադրման շրջանում, 
  • դաշտանադադար, 
  • սեռական օրգանների թերզարգացում, 
  • ձվարանի բացակայություն, 
  • վաղաժամ սեռական հասունացում։

Շտկման միջոցները

Հակամյուլլերյան հորմոնը դեռևս ուսումնասիրվում է, և նրա շտկման մեթոդները դեռևս մշակվում են։ Հորմոնային թերապիայի ժամանակ հորմոնի արտադրությունը խթանելու որոշակի փորձ կա։

Ո՞ր մթերքներն են ստիպում ավելի շատ ուտել և գիրանալ

Ո՞ր մթերքներն են ստիպում ավելի շատ ուտել և գիրանալ

Հաճախ կարող եք լսել, որ երբ խոսքը վերաբերում է նիհարելուն և քաշը պահպանելուն, ամենակարևորը կալորիաների ընդհանուր քանակն է, այլ ոչ թե դրանց աղբյուրը

5 միֆ սեռական կյանքի մասին դաշտանադադարի ժամանակ, որոնք վնասակար են ձեր առողջության և հարաբերությունների համար

5 միֆ սեռական կյանքի մասին դաշտանադադարի ժամանակ, որոնք վնասակար են ձեր առողջության և հարաբերությունների համար

Դաշտանադադարը դաշտանային ցիկլի բնական դադարեցումն է

8 միֆ աուտիզմի մասին

8 միֆ աուտիզմի մասին

Աուտիզմը հիվանդություն է։ Ոչ, սա հիվանդություն չէ, այլ զարգացման հատկանիշ՝ կապված կենտրոնական նյարդային համակարգի խանգարման հետ

Ինչպես իջեցնել կորտիզոլի մակարդակը՝ ավելի երկար և լավ ապրելու համար

Ինչպես իջեցնել կորտիզոլի մակարդակը՝ ավելի երկար և լավ ապրելու համար

Կորտիզոլը մարդու առաջնային գլյուկոկորտիկոիդ հորմոնն է, որն արտադրվում է մակերիկամի կեղևում և կարգավորում է մարմնի արձագանքը սթրեսին