Ոտքերի ցավը հղիության ընթացքում

Ոտքերի ցավը հղիության ընթացքում

Հղիության ընթացքում ոտքերի և ձեռքերի մկանների ցավոտ կրճատումը հաճախադեպ երևույթ է։ Ցավը հանկարծակի է սկսվում և հաճախ հանգստի ժամանակ է անհանգստացնում ապագա մորը։ Որո՞նք են պատճառները, ինչպե՞ս պայքարել դրա դեմ։

Պատճառները

Պատճառները բազմազան են և կարող են օրգանիզմում հնարավոր խանգարումների ախտանշան լինել (սկսած որոշ միկրոտարրերի և վիտամինների պակասից, վերջացրած հղիության ընթացքի բարդացմամբ)։ Հիմնական պատճառները ներկայացնում ենք ստորև։

1. Կալցիումի, կալիումի, ինչպես նաև В6 վիտամինի պակաս, ինչն ի հայտ է եկել առաջին հերթին տոքսիկոզների հետևանքով, որոնց դեպքում օրգանիզմը մեծ քանակությամբ միկրոտարրեր է կորցնում (սովորաբար վաղ ժամկետներում), երկրորդ հերթին՝ զարգացող պտղի պահանջների մեծացման հետևանքով (վառ արտահայտվում է հղիության կեսերին), երրորդ հերթին՝ միզամուղ միջոցների շարունակական օգտագործման հետևանքով, չորրորդ հերթին՝ չհավասարակշռված սննդի հետևանքով, ինչի արդյունքում կնոջ օրգանիզմը չի ստանում անհրաժեշտ նյութերը։

2. Հեմոգլոբինի քանակի նվազում (արտահայտված անեմիա)։

3. Արյան մեջ շաքարի մակարդակի խանգարում, ինչը կարող առաջանալ սնման ռեժիմի բացակայության հետևանքով, երբ կինը հազվադեպ է ուտում և մեծ չափաբաժնով կամ էլ երբ չարաշահում է քաղցրը։

4. Երակների վարիկոզ լայնացում։

5. Կոֆեին պարունակող ըմպելիքների օգտագործում։

6. Երակի ստորին կեսի սեղմման համախտանիշ, որի դեպքում մեծացած արգանդը ճնշում է երակի ստորին կեսի վրա և առաջացնում ոտքերից երակային արտահոսքի խանգարում։ Այդ դեպքում ցավն սկսում է տանջել հղի կնոջը սովորաբար երրորդ եռամսյակում, երբ նա պառկած է լինում մեջքի կամ աջ կողքի վրա։

Մասնագետների խորհուրդները։ Փորձեք դանդաղ և զգուշորեն, բայց միաժամանակ բավականին ուժեղ դեպի ձեզ ձգել ոտքերի այն մատները, որոնց մկանը ճնշում է։ Այնուհետև դանդաղ թուլացրեք ոտքը և կրկին ձգեք։ Երբ ցավը մեղմվի, թույլ մերսեք մկանը՝ տաքացնելով այն։ Մկանը տաքացնելու համար կարելի է ջեռակ կամ տաք ջուր օգտագործել։ Արյան շրջանառության կարգավորման համար քայլեք։ Ցավի կրկնվելուց խուսափելու նպատակով պառկեք՝ ոտքերը փոքր-ինչ վեր բարձրացնելով (կարելի է ոտքերի տակ բարձ կամ ծալած ծածկոց դնել)։

Լակտացիա․ 3 միֆ գինու և ոչ ալկոհոլային գարեջրի մասին

Լակտացիա․ 3 միֆ գինու և ոչ ալկոհոլային գարեջրի մասին

Իրականում ալկոհոլը ոչ մի կերպ չի շատացնում արտադրվող կաթի քանակը։ Երեխան ավելի հաճախ է ծծում կուրծքը, սակայն քիչ քանակությամբ կաթ է...

Հարց ու պատասխան նոր կորոնավիրուսային վարակի, հղիության, ծննդաբերության և կրծքով կերակրման վերաբերյալ

Հարց ու պատասխան նոր կորոնավիրուսային վարակի, հղիության, ծննդաբերության և կրծքով կերակրման վերաբերյալ

ՔՈՎԻԴ-19-ից խուսափելու համար հղիության ընթացքում կանայք պետք է ձեռնարկեն միևնույն նախազգուշական միջոցները, ինչ մյուս ....

Հեշտոցի ցավը հղիության ընթացքում

Հեշտոցի ցավը հղիության ընթացքում

Ցավը կարող է ուղեկցվել սրտխառնոցով, արտադրությամբ, տհաճ հոտով, այրոցով, հեշտոցի չորությամբ և այլ նշաններով...

Կրծքի այտուցվածություն

Կրծքի այտուցվածություն

Բոլոր կանայք էլ նկատած կլինեն, որ սովորաբար դաշտանին նախորդող օրերի ընթացքում կաթնագեղձերն ուռչում են, երբեմն՝ ցավում։ Երբեմն էլ ցավն այնքան ուժեղ է լինում, որ ընկնում է կնոջ աշխատունակությունը, նվազում է սեռական ցանկությունը և այլն...