Հացազգիները հղիության ընթացքում

Հացազգիները հղիության ընթացքում

Ապագա մայրիկի սնունդը պետք է լիարժեք լինի, սակայն կանանց մեծամասնության համար «լիարժեք» հասկացությունը ներառում է առաջին հերթին սպիտակուցային մթերքներ (միս, կաթնաշոռ), ինչպես նաև բանջարեղեն և մրգեղեն։ Երբ բանը հասնում է հացազգիներին, շատերը համարում են դրանք անօգտակար, որովհետև իբրև թե նպաստում են գիրանալուն։ Իզուր։

Միայն սպիտակուցների օգտագործումը լի է առողջության համար վտանգավոր խնդիրներով։ Իզուր չէ, որ սպիտակուցային դիետա պահողները ճաշակում են դրանց բոլոր «քաղցրությունները»․ բերանի տհաճ հոտ, փորկապություն, բերանի չորություն և հոգնածության զգացում։ Եթե այս ամենին հավելենք նաև հղի կանանց սովորական անհարմարություններն առավոտյան սրտխառնոցի, քնկոտության, թութքի և լնդերի արնահոսության տեսքով, ապա պատկերը հուսադրող չի լինի։ Այդ պատճառով էլ հղիության ընթացքում մոռանում ենք «դիետա» բառը և սկսում ենք առողջ սնվել, իսկ առողջ սնունդը ներառում է ածխաջրեր և լավ կլինի, որ դրանք օրգանիզմ հասնեն ամբողջական հացազգիների տեսքով։ Փորձենք հասկանալ։

Հացազգիներից են՝ ցորենը, վարսակը, գարին, աշորան, կորեկը, եգիպտացորենը, բրինձը (այդ թվում վայրի), հնդկացորենը և այլն։ Ցանկացած սերմ իսկզբանե ամբողջական է՝ կազմված երեք մասից։

Թեփ՝ սերմի արտաքին թաղանթը, որը պարունակում է հակաօքսիդանտներ, В խմբի վիտամիններ և բջջանյութ։

Միջուկ՝ բուն սերմը, որից աճում է նոր բույսը։ Պարունակում է բազմաթիվ վիտամիններ, սպիտակուցներ, հանքանյութեր և ճարպեր։

Էնդոսպերմ՝ սերմի սննդային ռեսուրսը, որը երիտասարդ բույսին ապահովում է աճի համար անհրաժեշտ էներգիայով։ Հենց այն է պարունակում ամենաշատ քանակով ածխաջրեր և ավելի քիչ սպիտակուցներ, վիտամիններ և հանքանյութեր։

Սննդի արտադրության մեջ հացի, մակարոնեղենի, ալյուրի և այլնի պատրաստման ժամանակ թեփն ու միջուկը հեռացվում են, իսկ էնդոսպերմը մնում է։ Այդպիսի հացազգիներն իսկապես օգտակար չեն, քանի որ պարունակում են հիմնականում կրախմալ, որից և գիրանում են։ Բացի այդ, թեփի և սերմի առանձնացումից հետո բնական սպիտակուց էլ չի մնում և պակասում է միկրոտարրերի քանակը։ Ամբողջական են անվանում այն հացազգիները, որոնք պարունակում են հիմնական, բնական բոլոր բաղադրիչները՝ կրախմալով էնդոսպերմ, սերմ և թեփ, ընդ որում՝ այն նույն քանակով, որքան և բնական սերմնահատիկում։ Այդ պարագայում ամբողջական սերմնահատիկները՝ վերածվելով ալյուրի կամ փաթիլների, ինչպես նաև խոհարարական վերամշակումից հետո պահպանում են իրենց սննդային արժեքը։

Ապագա մոր սննդակարգում ամբողջական հացազգիները կարող են առկա լինել օրական 4-6 անգամ ստորև նշված մթերքների տեսքով՝

  • ½ բաժակ շիլա՝ պատրաստված ամբողջական հասահատիկներից (վարսակաձավարի, ցորենի կամ հնդկացորենի), 
  • ½ բաժակ վայրի կամ եփած շագանակագույն բրինձ, 
  • 2 ճաշի գդալ ցորենի սերմ՝ միջուկ, 
  • ½ բաժակ մակարոն՝ ամբողջական հացահատիկներից, 
  • 1 կտոր հաց՝ ամբողջական հացահատիկներից (մասնավորապես՝ ցորենի և տարեկանի հաց)։ 

Հղիությունը հրաշալի ժամանակահատված է, որպեսզի վերանայեք ձեր սննդակարգը և ավելի բազմազան դարնեք այն։ Ընդ որում՝ պետք չէ այդ նպատակով զոհաբերել կազմվածքը։

Բազուկ (ճակնդեղ). օգտակար և վնասակար հատկությունները

Բազուկ (ճակնդեղ). օգտակար և վնասակար հատկությունները

Ժամանակակից գիտնականները ոչ միայն հաստատեցին իրենց նախորդների դիտարկումները, այլև ապացուցեցին, որ բազուկը եզակի, անփոխարինելի բանջարեղեն է մարդու սննդակարգում:

Ձկան յուղ․ օգտակար և վնասակար կողմերն օրգանիզմի համար

Ձկան յուղ․ օգտակար և վնասակար կողմերն օրգանիզմի համար

Ձկան յուղը հայտնի է արդեն շատ տասնամյակներ և բացի հեղուկ ձևից թողարկվում է նաև հարմար պարկուճներով։

Լուծել թրոմբը (արյան մակարդուկներ)․ ո՞ր մթերքներն են բարելավում արյան որակը

Լուծել թրոմբը (արյան մակարդուկներ)․ ո՞ր մթերքներն են բարելավում արյան որակը

Եթե ունես խնդիրներ արյան հետ կապված՝ ուրեմն առողջ չես։ Մի խոսքով՝ արյունը չափազանց կարևոր է։

Սխտոր․ օգտակարությունն ու վնասակարությունն օրգանիզմի համար

Սխտոր․ օգտակարությունն ու վնասակարությունն օրգանիզմի համար

Սխտորը՝ բազմամյա խոտաբույսային բույս է Միջին Ասիայի Ամարիլիս ընտանիքից, օժտված սուր համով և ուժեղ առանձնահատուկ հոտով։