Ուլտրաձայնային հետազոտության մասին

Ուլտրաձայնային հետազոտության մասին

Ժամանակակից կնոջը դժվար է պատկերացնել, թե ինչպես հղիությունը կընթանար առանց ուլտրաձայնային հետազոտության: Թեև այն գործածության է անցել ոչ շատ վաղ՝ 1950-ական թվականներից: Ծանոթանանք դրա պատմությանը:

Ուլտրաձայնն առաջին անգամ կլինիկական նպատակներով կիրառվել է 1956 թ. Գլեսգոյում, մանկաբարձ Յան Դոնալդի և ինժեներ Թոմ Բրաունի կողմից: Աստիճանաբար կատարելագործվելով այն սկսվեց կիրառություն գտնել հիվանդանոցներում: Մինչ 20-րդ դարի ավարտն ուլտրաձայանային հետազոտությունը ներառվեց հղի կանանց պարտադիր ստուգումների ցանկ:

Ուլտրաձայնային հետազոտության հիմքում ընկած է այսպես կոչված ուլտրասոնիկ ձայնային ալիքների մեխանիզմը. դրանք մարդու լսողության սահմաններից վեր գտնող ձայնային ալիքներ են, որոնք որոշակի անկյան տակ ուղղվում են մարդու մարմնին (մասնավորապես որովայնին) և հյուսվածքների միջով անցնելով արձագանքվում են և հետ վերադառնում: Այդպես առաջացնում են պատկերներ, որոնք երևում են սոնոգրաֆի վրա: Գինեկոլոգներն այն կիրառում են հղիությունը հաստատելու, պտղի սեռը որոշելու, ինչպես նաև նրա զարգացմանն առնչվող մի շարք խանգարումները (անէնցեֆալիա, երիկամների բացակայություն, ողնաշարային խնդիրներ և այլն) կանխորոշելու, բացահայտելու համար:

Ուլտրաձայնային հետազոտության գլխավոր առավելությունն այն է, որ այն ոչ ինվազիվ է, այսինքն ներքին միջամտություն չի պահանջում: Այն հաջողությամբ կիրառվում է բժշկության մեջ, և առողջությանը հասցված վնասներ չեն գրանցվել, թեև շատ բարձր հզորության դեպքում այն թեորեապես վնասում է հյուսվածքները: Այնուամենայնիվ կլինիկական ախտորոշման համար կիրառվում է անվնաս՝ թույլ հզորությամբ:

Բացի նրանից, որ ուլտրաձայնի միջոցով ապագա մայրիկները պատկերացում են կազմում իրենց փոքրիկի առողջության մասին, այն իրենով ազդեցություն է ունենում հղի կնոջ զգացմունքների վրա: Կանանց ոգևորում է այն փաստը, որ կարող են նկարների միջոցով տեսնել իրենց փոքրիկին, հատկապես հետաքրքիր է տեսնել նրան շարժվելիս: Կանայք նշում են, որ իրենց կարծես դեռ հղի չեն զգում, մինչ չեն տեսնում փոքրիկին ՈՒՁՀ միջոցով: Այն նաև բարոյական նշանակություն ունի, ինչպես նշում է ուլտրաձայնային տեխնոլոգաների զարգացմամբ զբաղվող հոգեբանը՝ ՈՒՁ պատկերները որոշակի ազդեցություն են թողնում կանանց որոշման վրա, ովքեր երկմտում են հղիության արհեստական ընդհատման դիմելու: Սովորաբար փոքրիկին տեսնելուց հետո մայրերն ավելի քիչ դեպքերում են աբորտի որոշում կայացնում:

Լակտացիա․ 3 միֆ գինու և ոչ ալկոհոլային գարեջրի մասին

Լակտացիա․ 3 միֆ գինու և ոչ ալկոհոլային գարեջրի մասին

Իրականում ալկոհոլը ոչ մի կերպ չի շատացնում արտադրվող կաթի քանակը։ Երեխան ավելի հաճախ է ծծում կուրծքը, սակայն քիչ քանակությամբ կաթ է...

Հարց ու պատասխան նոր կորոնավիրուսային վարակի, հղիության, ծննդաբերության և կրծքով կերակրման վերաբերյալ

Հարց ու պատասխան նոր կորոնավիրուսային վարակի, հղիության, ծննդաբերության և կրծքով կերակրման վերաբերյալ

ՔՈՎԻԴ-19-ից խուսափելու համար հղիության ընթացքում կանայք պետք է ձեռնարկեն միևնույն նախազգուշական միջոցները, ինչ մյուս ....

Հեշտոցի ցավը հղիության ընթացքում

Հեշտոցի ցավը հղիության ընթացքում

Ցավը կարող է ուղեկցվել սրտխառնոցով, արտադրությամբ, տհաճ հոտով, այրոցով, հեշտոցի չորությամբ և այլ նշաններով...

Կրծքի այտուցվածություն

Կրծքի այտուցվածություն

Բոլոր կանայք էլ նկատած կլինեն, որ սովորաբար դաշտանին նախորդող օրերի ընթացքում կաթնագեղձերն ուռչում են, երբեմն՝ ցավում։ Երբեմն էլ ցավն այնքան ուժեղ է լինում, որ ընկնում է կնոջ աշխատունակությունը, նվազում է սեռական ցանկությունը և այլն...