Ի՞նչ համեր է զգում փոքրիկն արգանդում

Ի՞նչ համեր է զգում փոքրիկն արգանդում

Պտղի համային զգացողություններն սկսում են զարգանալ ներարգանդային վաղ շրջանում: Նա զգում է այն համը, ինչ մայրիկն է զգում: Հետազոտությունները ցույց են տվել, որ հղիության ընթացքում մայրիկի կերած սնունդն օգնում է հասկանալ, թե փոքրիկը տարիներ անց ինչպիսի սննդային նախասիրություններ կունենա:

Հղիության առաջին երկու ամսվա ընթացքում նեյրոններն (ուղեղի բջիջներ) սկսում են ճյուղավորվել դեպի մարմնի տարբեր մասեր, այդ թվում և բերան: Միևնույն ժամանակ համային ընկալիչներ են սկսում զարգանալ այն հատվածում, որտեղ պետք է լինի փոքրիկի լեզուն: Ընկալիչների այս պարկիկներն իվերջո ճանաչելու են 5 տեսակի համ՝ քաղցր, աղի, դառը, կծու և թթու:

Մինչև 8-րդ շաբաթը նեյրոնները հասնում են զարգացող ընկալիչներին, սակայն փոքրիկը դեռ չի զգում պտղաջրի համը: Նա կսկսի զգալ համը, երբ լեզվի մակերևույթին զարգանան համազգաց պտկիկներ, որոնք փոքր անցքեր են և թույլ են տալիս սննդի մոլեկուլներին փոխազդել ընկալիչների հետ:

Համային ընկալիչներն ամբողջությամբ զարգանում են մինչև հղիության 16-րդ շաբաթը: Այս ընթացքում փոքրիկն սկսում է նաև կուլ տալ պտղաջրից: Ամնիոտիկ հեղուկի մոլեկուլները փոխազդում են փոքրիկի լեզվի համային ընկալիչների հետ, և նա առաջին անգամ զգում է դրա համը՝ աղի հեղուկ: Հղիության զարգացմանը զուգահեռ փոքրիկն ավելի շատ է պտղաջուր կուլ տալիս և ավելի շատ համեր է զգում:

Փոքրիկն զգում է նույն համը, ինչ մայրիկը

Թեև մայրիկի և պտղի մարսողական համակարգերն առանձին են, այնուամենայնիվ մայրիկի ընդունած սննդից պտղաջրի մեջ են անցնում ոչ միայն անհրաժեշտ վիտամիններ, հանքանյութեր, ճարպեր և սպիտակուցներ, այլև որոշ մոլեկուլներ, որոնք սննդի յուրօրինակ համն են ապահովում: Համերը, որ զգում է փոքրիկը, այնքան էլ սուր չեն լինում, քանի որ մեր դեպքում համը զուգակցվում է նաև հոտի հետ, և մեզ թվում է, որ համն է ուժեղ: Փոքրիկն էլ, շրջապատված լինելով պտղաջրով, զգում է միայն մայրիկի արյան հոսք անցած մոլեկուլները, որոնց համը թույլ է արտահայտված, չնայած այն օգնում է փոքրիկին տարբերել սննդամթերքները: Եթե ուտեք կծու մթերքներ, ապա հնարավոր է նույնիսկ զգաք փոքրիկի զկռտոցը:

Հետազոտությունները ցույց են տվել, որ հղիության ընթացքում մայրիկի կերած սննդից է կախված, թե փոքրիկը հետագայում ինչ մթերքներ կսիրի: Օրինակ՝ մի ուսումնասիրություն է կատարվել, որի ընթացքում հղի կանայք վերջին եռամսյակում ընդունել են գազարի հյութ, և նրանց երեխաները հետագայում գազարի հյութ խմելիս մեծամասամբ սիրել են այն:

Մեկ այլ հետազոտություն է կատրավել առնետների հետ, որոնց հղիության ընթացքում կերակրել են մեծ քանակությամբ անառողջ սնունդ՝ հարուստ աղով, շաքարով և ճարպերով, իսկ հետագայում նրանց ձագերը նախընտրել են նույնպիսի սնունդ: Շատ գիտնականներ համոզված են, որ հենց հղիության ընթացքում են որոշվում փոքրիկի սննդային հակումները, ինշպես նաև շաքարային դիաբետի և գիրության նախատրամադրվածությունը: Ահա թե ինչու է այդքան կարևոր, որ ապագա մայրիկներն առողջ սնվեն:

Կարդացեք՝ Հղիության ընթացքում սնվելու ուղեցույց

Ձգտեք ունենալ հավասարակշռված և հարուստ սննդակարգ, իսկ աղի և վերամշակման ենթարկված նախուտեստների փոխարեն ընտրեք թարմ մրգեր և բանջարեղեն: Այն կօգնի ապահովել ոչ միայն հղիության առողջ ընթացք, այլև կնախապատրաստի փոքրիկին հետագայում սիրել բազմատեսակ ուտեստներ: Սուր համով մթերքները՝ սխտորը, կարին և անանուխը, արագ են փոխանցվում ամնիոտիկ հեղուկիմ մեջ, սակայն դրանց սուր համից վախենալ պետք չէ: Օգտագործեք այն մթերքները, որոնց համը ձեզ հաճելի է:

Հետազոտություններ և կուտակված փորձը դաունի համախտանիշի դեպքում

Հետազոտություններ և կուտակված փորձը դաունի համախտանիշի դեպքում

Դաունի համախտանիշ ունեցող մարդկանց մասին թյուր պատկերացումներն ու նախապաշարմունքներն անհամար են։

Որովայնի փքվածություն (փորափքանք)

Որովայնի փքվածություն (փորափքանք)

Որովայնի փքվածություն (փորափքանք)․ առաջացման պատճառները, ո՞ր հիվանդությունների դեպքում էառաջանում, ախտորոշումը և բուժման մեթոդները

Պարը հղիների համար․արդյո՞ք կարելի է

Պարը հղիների համար․արդյո՞ք կարելի է

Կարելի՞ է հղիներին պարել․․․

Կոլոստուրը(կաթնախեժ) հղիության ընթացքում.նորմալ է, թե՞  խնդիր է

Կոլոստուրը(կաթնախեժ) հղիության ընթացքում.նորմալ է, թե՞  խնդիր է

Երեխայի սպասելիս կնոջ մարմնում անընդհատ փոփոխություններ են կատարվում։