Ինչպե՞ս ավելացնել քաշը

Ինչպե՞ս ավելացնել քաշը

Ժամանակակից աշխարհում բոլորը ձգտում են կատարյալ մարմին ունենալ, իսկ սա ոմանց համար նշանակում է ազատվել ավելորդ քաշից: Թեև մեծամասնությունը տարված է քաշը նվազեցնող միջոցների ուսումնասիրությամբ, փոքրամասնություն չեն կազմում նաև այն մարդիկ, ովքեր ունեն բնականից ցածր մարմնի զանգված: Այս երևույթն ունի տարբեր պատճառներ՝ թերսնուցում, ախորժակի պակաս, որոշակի հիվանդություններ կամ պայմանավորված է ժառանգական գործոնով: Այսպիսով, ի՞նչ անել քաշ ավելացնելու համար:

Նախ պետք է հասկանալ, որ քաշի փոփոխությունը կախված է ընդունվող և ծախսվող կալորիաների փոխհարաբերությունից: Սա նշանակում է, որ քաշի նվազեցման համար անհրաժեշտ է ծախսել ավելի շատ կալորիաներ, քան ընդունում եք, իսկ ավելացման համար՝ ընդունել ավելի շատ, քան ծախսում եք: Այժմ ներկայացնենք այն խորհուրդներն ու հուշումները, որոնք կօգնեն քաշ հավաքել:

  • Ուտել մեծ քանակությամբ և հաճախակի: Նիհար մարդիկ սովորաբար ավելի արագ են հագենում և սննդի քանակությունն ավելացնելուն զուգահեռ պետք է ավելացնել ճաշելու հաճախությունը: Սնվեք օրական 5-6 անգամ՝ ոչ ավել քան 3-4 ժամ ընդմիջումներով: Հատկապես օգտակար է ուտել մի քանի տարբեր սննդային խմբերի մթերքներ միասին: Լավ կլինի գլխավոր կերակրատեսակներում ներառել միրգ և բանջարեղեն:
  • Օգտագործել առողջ և սննդանյութերով հարուստ մթերքներ: Այսպես կոչված դատարկ կալորիաներն օգտակար չեն լինի, անհրաժեշտ է առողջ սնունդ օգտագործել՝ խուսափելով տապակած, շատ աղ, ճարպ, շաքար պարունակող ուտելիքներից: Անհրաժեշտ է ուտել ածխաջրերով, սպիտակուցներով և օգտակար ճարպաթթուներով հարուստ մթերքներ: Վերջինս բուսական ծագման յուղերն են, որ պարունակվում են ընկուզեղենում, սերմերում, գետնանուշի կամ նուշի կարագում և այլն: Կարելի է աղցաններին ավելացնել ձիթապտղի յուղ: Իսկ կենդանական ծագման յուղերը թեև անհրաժեշտ են, այնուամենայնիվ պարունակում են հագեցած ճարպեր, որոնց քանակությունը պետք է սահմանափակել: Սպիտակուցի լավ աղբյուր են թռչնամիսը, ձուկը, հավկիթը, նուշը, գետնանուշը, կաթը: Սպիտակուցն օգնում է ավելացնել մկանային զանգվածը:
  • Ավելացնել ածխաջրերի ընդունումը: Սա կօգնի ավելացնել ճարպային շերտը: Օգտակար ածխաջրեր պարունակվում են ցորենի հացում, վարսակաձավարում, մակարոնեղենում: Բարձր կալորիականություն ունեն չրեղենը, դառը շոկոլադը, վարսակի շիլան, չամիչը: Այս ամենը ներառելով ամենօրյա սննդակարգում՝ դուք կբարձրացնեք ընդունվող կալորիաների քանակը:
  • «Խմել կալորիաները»: Սա հատկապես օգտակար է այն մարդկանց համար, ովքեր դժվարանում են մեծ քանակությամբ սնունդ ընդունել, քանի որ արագ են հագենում: Հեղուկը սովորաբար փքվածություն և անհարմարություն չի առաջացնում, և այն հրաշալի միջոց է մեծ քանակությամբ սննդանյութեր ստանալու համար: Այդպիսով կարող եք խմել թարմ քամած մրգահյութեր կամ էլ պատրաստեք կաթնային, մրգային և բանջարեղենային խառնուրդներ: Օրինակ՝ կաթը բանանով և մեղրով, կամ մրգերն ու կանաչ տերևավոր բանջարեղենը ջրով:
  • Մարզվել: Քաշը կարելի է ավելացնել մեծացնելով մկանային զանգվածը: Մարզումները կօգնեն ոչ միայն ձեռք բերել մկանային զանգված, այլև կնպաստեն ախորժակի բարձրացմանը: Անհրաժեշտ է կատարել մկանները մարզող, ուժային վարժություններ, օրինակ՝ ծանրության բարձրացում, պրես, կքանիստ:
  • Քնել առնվազն 8-9 ժամ: Բավարար քունը ցանկացած դեպքում կարևոր է: Քնի ընթացքում է մեր օրգանիզմը վերակարգավորվում, ապաքինվում և կառուցում մկանային զանգված:

Պետք է հիշել, որ արդյունքի հասնելու համար հարկավոր է ճիշտ սննդակարգը պահպանել յուրաքանչյուր օր: Չի կարելի բաց թողնել նախաճաշը, ճաշը և ընթրիքը: Կրկնապատկեք ընդունվող սննդի քանակը, քանի որ որքան էլ պարզ հնչի, բայց առանց շատ ուտելու քաշն ավելացնել չի ստացվի: Եթե ունեք ախորժակի խնդիր, ապա կարելի է ուտելուց առաջ դուրս գալ քայլելու: Սա կնպաստի ախորժակի բարձրացմանը: Ուտելու ընթացքում պետք չէ ջուր խմել, քանի որ այն հագեցվածության զգացողություն կառաջացնի: Ավելի լավ է ջուր խմել ուտելուց 30 րոպե առաջ, կամ երկու ժամ անց, որպեսզի մարսողությանը չխանգարի:

Ձկան յուղ․ օգտակար և վնասակար կողմերն օրգանիզմի համար

Ձկան յուղ․ օգտակար և վնասակար կողմերն օրգանիզմի համար

Ձկան յուղը հայտնի է արդեն շատ տասնամյակներ և բացի հեղուկ ձևից թողարկվում է նաև հարմար պարկուճներով։

Լուծել թրոմբը (արյան մակարդուկներ)․ ո՞ր մթերքներն են բարելավում արյան որակը

Լուծել թրոմբը (արյան մակարդուկներ)․ ո՞ր մթերքներն են բարելավում արյան որակը

Եթե ունես խնդիրներ արյան հետ կապված՝ ուրեմն առողջ չես։ Մի խոսքով՝ արյունը չափազանց կարևոր է։

Սխտոր․ օգտակարությունն ու վնասակարությունն օրգանիզմի համար

Սխտոր․ օգտակարությունն ու վնասակարությունն օրգանիզմի համար

Սխտորը՝ բազմամյա խոտաբույսային բույս է Միջին Ասիայի Ամարիլիս ընտանիքից, օժտված սուր համով և ուժեղ առանձնահատուկ հոտով։

Լիմոնադ․ օգտակար և վնասակար հատկությունները

Լիմոնադ․ օգտակար և վնասակար հատկությունները

Ոչ ալկոհոլային ըմպելիքի տարբերակիչ զովացուցիչ առանձնահատկությունն ու, ինչպես նաև, լիմոնադի օգտակարությունը վաղուց է հայտնի մարդկությանը։