Սնվելու տիբեթյան համակարգը լավ ինքնազգացողության գրավական

Սնվելու տիբեթյան համակարգը լավ ինքնազգացողության գրավական

Ըստ տիբեթյան փիլիսոփայության՝ ձմռանն օրգանիզմում մեծանում է լորձի քանակը։ Այս նյութը, կուտակվելով, առաջացնում է ծուլություն և անտարբերություն, անոթային հիվանդություններ, արագացնում է ճարպերի կուտակումը։ Հուզական և ֆիզիկական վիճակը բարելավելու համար պետք է պահպանել, անգամ մեծացնել ֆիզիկական ակտիվությունը և ձմռանը համապատասխան սնվելու համակարգի հետևել։ Այդ նպատակով հարկավոր է ճաշացանկում ներառել տաք, թեթև ուտեստներ` կծու և դառը համերով, նվազեցնել քաղցրը, թթուն և աղին։

Ճաշացանկի հիմնական բաղադրիչ դարձրեք խաշած և թխած բանջարեղենը։ Բրոկոլի, դդմիկ, սունկ, կոլրաբի, բրյուսելյան կաղամբ, սպանախ, գազար, դդում, բողկ, ընտրանին մեծ է։ Վերջիններիս տաքացնող ազդեցությունն ուժգնացնելու և մարսողությունը լավացնելու համար ավելացրեք սոխ կամ սխտոր։ Միսը ևս պետք է տաքացնող հատկություններով օժտված լինի։ Այդպիսի տեսակներից են հավի միսը, գառան միսը, բադինը և ծովամթերքները։ Ցանկալի է խոզի և տավարի միս շատ չուտել, քանի որ դրանք սառեցնում են օրգանիզմը։

Քաղցրեղենի բոլոր տեսակները, բացառությամբ մեղրի, նպաստում են լորձի արտադրմանը։ Այնպես որ՝ ավելի լավ է տորթերը և թխվածքաբլիթները փոխարինել չրեղենով։ Դրանք օգտակար են հատկապես թրջած կամ եփած վիճակում, իսկ այ մեծ քանակությամբ թարմ մրգերը, ընդհակառակը, միայն ուժեղացնում են ցուրտը և անհավասարակշռությունը։ Այնպես որ՝ հարկավոր է քիչ ուտել դրանցից՝ ընտրելով ամենաքաղցր պտուղները, օրինակ՝ կարմիր նարինջ։

Սովորություն դարձրեք բոլոր ուտեստների մեջ տաքացնող համեմունքներ ավելացնելը, օրինակ՝ զիրա, իմբիր, մեխակ, դարչին, սև պղպեղ, շաֆրան, կոճապղպեղ, կորիանդր, սխտորի փոշի և այլն։ Այն առանձնահատուկ կարևոր է մսեղենն ու լոբեղենն ավելի լավ յուրացնելու համար։ Ի դեպ, ավելի լավ է բոլոր այս մթերքներն ուտել ընթրիքին՝ ժամը 12-ից 16-ի սահմաններում, երբ մարսողական հուրն ամենաուժեղն է։

Խմեք միայն տաք ըմպելիքներ։ Անգամ ջուրը պետք է գրեթե տաք լինի։ Լորձի դուրսբերմանը լավագույն կերպով նպաստում է իմբիրի թուրմը։ Այն հեշտ է պատրաստվում․ բարակ կտրատեք իմբիրի արմատը, ավելացրեք հիլ, դարչին և տասը րոպե եռացրեք թույլ կրակի վրա։ Քամեք թանզիֆով, ավելացրեք մեղր և կիտրոն։ Եթե ժամանակը քիչ է, ապա քերեք իմբիրը և թրմեք եռացրած ջրով կամ էլ ուտելուց հետո ամեն անգամ իմբիրի մի կտոր ծամեք և տաք ջրից մի կում արեք։

Ոչ միշտ է հնարավոր լինում հետևել այս համակարգին, պարադիր էլ չէ։ Շաբաթական չորս օրն էլ լիովին բավական է առողջությունն ամրացնելու և ինքնազգացողությունը լավացնելու համար։

Ի՞նչ կպատահի, եթե թթված կաթ կամ ժամկետանց կեֆիր խմեք

Ի՞նչ կպատահի, եթե թթված կաթ կամ ժամկետանց կեֆիր խմեք

Թարմ կաթը գործնականում զերծ է բակտերիաներից

Աղիքների համար օգտակար 10 մթերքներ

Աղիքների համար օգտակար 10 մթերքներ

Նստակյաց ապրելակերպը և ոչ ճիշտ սննդակարգը հաճախ բացասաբար են անդրադառնում մարսողական համակարգի վրա: Կարող եք բարելավել իրավիճակը՝ փոփոխելով ձեր սննդակարգը

Սննդակարգը փորկապության դեպքում. օգտակար և վնասակար մթերքները

Սննդակարգը փորկապության դեպքում. օգտակար և վնասակար մթերքները

Փորկապությունը տարածված խանգարում է, որը նկատվում է բոլոր տարիքային խմբերի տղամարդկանց ու կանանց մոտ

Ինչո՞ւ և որքա՞ն ուտել հացահատիկի թեփ

Ինչո՞ւ և որքա՞ն ուտել հացահատիկի թեփ

Թեփը ստանալու համար մանրացնում են հացահատիկը։ Այն ներառում է վիտամիններ՝ PP, B1, B2, E, երկաթ, մագնեզիում, ցինկ, կալիում և այլ օգտակար հանքային տարրեր: