ՈւՁՀ-ն հղիության ընթացքում

ՈւՁՀ-ն հղիության ընթացքում
ՈւՁՀ-ն հղիության ընթացքում
 
ՈւՁՀ-ն տեղեկատվության առումով բարձր, անվտանգ, անվնաս եղանակ է, ինչը հնարավորություն է ընձեռում հսկելու պտղի զարգացումը նրա աճի տարբեր փուլերում:
 
Ինչո՞ւ է պետք ՈւՁՀ-ն հղիության ժամանակ
ՈւՁՀ-ն հղիության ժամանակ պետք է հետևյալ նպատակների համար՝
․ հղիության փաստը պարզելու, արտարգանդային հղիությունը հերքելու,
․ պտղաձվերի քանակը որոշելու, պտղի բնածին հնարավոր շեղումներն ախտորոշելու:
 
Ուլտրաձայնային հետազոտությունը հղիության ժամանակ ներառում է ապագա երեխայի անատոմիայի, ինչպես նաև ընկերքի, պորտալարի, պտղաջրերի, արգանդի ու հավելումների ուսումնասիրությունը: Հղի կինը պետք է ուլտրաձայնային երեք պլանային (սկրինինգային) հետազոտություն անցնի:
 
Պլանային ՈւՁՀ-ն պետք է հղիության հետևյալ ժամկետներում՝
․ 10-14 շաբաթական,
․ 20-24 շաբաթական,
․ 32-34 շաբաթական:
 
Ըստ բժշկի նշանակման՝ արտապլանային ՈւՁՀ կարելի է կատարել հղիության ցանկացած ժամկետում:
 
Ինչպե՞ս է կատարվում
ՈւՁՀ-ն կատարվում է ինչպես որովայնային (որովայնի առաջնային պատով), այնպես էլ հեշտոցային (հեշտոցով) ճանապարհով: Այս եղանակներից ամեն մեկն իր ախտորոշիչ նշանակությունն ունի:
 
Պլանային ՈւՁՀ-ն հղիության 10-14 շաբաթականում։
Հղի կանանց առաջին ՈւՁՀ-ն թույլ է տալիս ճշտել հղիության ժամկետը (եթե վերջին դաշտանի ամսաթիվն անհայտ է), պտղի դիրքն արգանդում, ընկերքի վիճակը: Բժիշկը
չափում է սաղմը, համեմատում այն հղիության ժամկետին համապատասխանող
նորմայի հետ: 10-14 շաբաթականում կատարված ՈւՁՀ-ի ժամանակ բժիշկը
գնահատում է պտղի օձիքային տարածության հաստությունը (սույն
հետազոտությունը թույլ է տալիս բացառել պտղի զարգացման արատները վաղ
փուլերում): Այդ ժամկետում օձիքային տարածության 3 մմ-ից ավելի հաստության
դեպքում լրացուցիչ հետազոտություն է նշանակվում: Այդ ժամկետում, կնոջ
ցանկությամբ, բժիշկը կարող է հայտնել նաև պտղի սեռը:
 
Պլանային ՈւՁՀ-ն հղիության 20-24 շաբաթականում նույնպես ներառում
է պտղի չափումը, ընկերքի վիճակը և պտղաջրերի քանակը: Զննման ժամանակ բժիշկը համոզվում է պտղի քրոմոսոմային հիվանդությունների նշանների բացակայության մեջ: Այդ ժամկետում է կատարվում նաև ստուգիչ դոպլերագրաֆիա, ինչը հնարավորություն է ընձեռում գնահատելու արգանդային արյան հոսքը, պտղի, պորտալարի արյան շրջանառության վիճակը և այլն:
 
Դոպլերոգրաֆիան հնարավորություն է տալիս ախտորոշելու պտղի հիպօքսիայի և/կամ սկսվող գեստոզի վաղ նշանները:
Պլանային ՈւՁՀ-ն հղիության 32-34 շաբաթականում։ Պլանային երրորդ ՈՒՁՀ-ի գլխավոր նպատակը ծննդաբերությունից առաջ պտղի վիճակի ու դիրքի ճշտումն է: Բժիշկը կնայի, թե որն է ձեր պտղի առաջատար մասը՝ գլո՞ւխը, թե՞ կոնքը, կհամոզվի՝ պորտալարը փաթաթվա՞ծ չէ արդյոք: Այդ ՈՒՁՀ-ի ժամանակ են բացահայտվում հղիության ուշ շրջաններում ի հայտ եկող զարգացման արատները:
Էկրանի վրա կարող եք տեսնել ձեր ապագա բալիկի դեմքը, որն արդեն գրեթե նորածնի տեսք ունի:
Արտապլանային ՈՒՁՀ-ներ
Հղիության ցանկացած ժամկետում բժիշկը կարող է նշանակել արտապլանային ՈւՁՀ:
Արտապլանային ՈՒՁՀ-ների թիվը կարող է շատ տարբեր լինել: Հաճախ առաջի ՈՒՁՀ-ն արվում է հղիության առաջին շաբաթներում՝ հղիության ժամկետը հստակեցնելու և դրա` արգանդային տեղակայման մեջ համոզվելու համար: Լրացուցիչ ՈՒՁՀ նշանակվում է արյունահոսության, հղիության սպառնացող ընդհատման, արտարգանդային հղիության կասկածի (վաղ ժամկետներում) և այլ դեպքերում:
Եղեք բժշկի հսկողության տակ, հետևեք ձեր առողջությանը, իսկ գանգատների դեպքում անհապաղ դիմեք բժշկի:
 
Աղբյուրը
  
 Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին
Ինչ է էպիզիոտոմիան և ինչպես վերականգնվել դրանից հետո

Ինչ է էպիզիոտոմիան և ինչպես վերականգնվել դրանից հետո

Ծննդաբերության ժամանակ հեշտոցը լայնանում է, բայց երբեմն դա կարող է բավարար չլինել երեխայի գլուխը տեղավորելու համար

Ի՞նչ անել, եթե առանց որևէ պատճառի կապտուկներ են առաջանում

Ի՞նչ անել, եթե առանց որևէ պատճառի կապտուկներ են առաջանում

Կապտուկը անոթների վնասվածքի պատճառով մաշկի վրա առաջացած արյունազեղումն է

Ստամոքսի քաղցկեղ

Ստամոքսի քաղցկեղ

Ընթացակարգի ժամանակ ստամոքսի մեջ մտցվում է հատուկ սարք, որի միջոցով բժիշկն ուսումնասիրում է ստամոքսի բոլոր հատվածները, ինչպես նաև 12-մատնյա աղին։

Ինչպե՞ս է գործում հղի կանանց դիմադրողականությունը

Ինչպե՞ս է գործում հղի կանանց դիմադրողականությունը

Գենի և դիմադրողականության տեսանկյունից՝ պտուղը օտար օրգանիզմ է կնոջ համար