Արդյոք վտանգավո՞ր է ռենտգեն հետազոտությունը

Արդյոք վտանգավո՞ր է ռենտգեն հետազոտությունը

Մարդկանց մեջ վախ է տարածված ճառագայթումներից՝ ճառագայթող կենցաղային տեխնիկայից մինչև ռենտգեն հետազոտություն: Հղի կանայք երբեմն պատրաստ են հրաժարվելու ռենտգենյան ճառագայթներից անգամ կոտրվածքների դեպքում՝ վախենալով երեխայի համար վատ հետևանքներից, իսկ ստոմատոլոգիական կենտրոններում կերակրող կանանց խորհուրդ են տալիս մոտ մի քանի ժամ չկերակրել երեխային։

Ճառագայթումներից խուսափելու համար գյուղ տեղափոխվելն էլ իմաստ չունի, քանի որ ճառագայթների 80 %-ը մենք ստանում ենք բնական աղբյուրներից (ջրից, հողից և տիեզերքից), և ոչ թե կենցաղային տեխնիկայից:

Չարժե վախենալ բնական ճառագայթահարման ֆոնից. 20-րդ դարի վերջին սովետական ռադիոբիոլոգ Ալեքսանդր Կուզինն ապացուցեց, որ կենդանի օրգանիզմները նույնիսկ պետք է ստանան ճառագայթման չափաբաժին: Եթե այն արհեստականորեն կրճատվի, ապա կհանգեցնի կենդանի օրգանիզմների աճի և զարգացման դանդաղեցման:

Իսկ ինչ վերաբերում է ռենտգենյան ճառագայթներին և ֆլյուրոգրաֆիային, ու թե որքանով են վտանգավոր դրանք, կպարզենք հիմա:

Սովորաբար, մեկ ռադիոգրաֆիայի ընթացակարգի համար մարդը ստանում է մոտ 0,11 ՄԶՎ: (Միլիզիվերտ), ֆլյուրոգրաֆիայի ժամանակ` 0.08 ՄԶՎ: Վերջին տարիներին թվային սարքերի առաջացման շնորհիվ չափաբաժինը կրճատվել է 0,04 ՄԶՎ: Համեմատության համար. Միացյալ Նահանգներից Եվրոպա ինքնաթիռում գտնվող ուղևորը 8-ժամյա թռիչքի դեպքում ստանում է ճառագայթման չափով մոտ 0,05 ՄԶՎ: Այսպիսով, դեպի ԱՄՆ ետադարձով թռիչքը համարժեք է երկու թվային ֆլյուրոգրաֆիայի:

Ճառագայթահարման ամենամեծ չափաբաժինը, ի թիվս այլ ախտորոշման ընթացակարգերի, ստանում են ՀՏ-ի (КТ) ենթարկվողները. մոտ 4 ՄԶՎ, որը 30-40 անգամ ավելի է ռենտգենյան ճառագայթների չափաբաժնից: Այնպես որ, առանց ցուցումների ՀՏ (КТ) անել խորհուրդ չի տրվում։ Ճառագայթային հիվանդության զարգացում կարող է դիտվել այս ընթացակարգերի իրական չափաբաժնից հազարավոր անգամ ավելի չափաբաժնի դեպքում։

Տարեկան քանի՞ անգամ է կարելի կատարել ռենտգեն հետազոտություն

Անվտանգության հիմնական սկզբունքներից է այն, որ օգուտը պետք է գերազանցի հնարավոր վնասին: Բժշկության մեջ «լավ» չափաբաժինը չկա. եթե ընթացակարգը անհրաժեշտ է, ապա այն պետք է իրականացվի: Ճիշտ է, առաջարկվում է որոշակի մակարդակ. համաձայն սանիտարական կանոնների և նորմերի՝ տարեկան բժշկական ախտորոշիչ հետազոտությունների միջին արդյունավետ չափաբաժինը չպետք է գերազանցի 1 ՄԶՎ-ը: Այն կազմում է 10 ռենտգենոգրաֆիա կամ 20 թվային ֆլյուրոգրաֆիա: Կարևոր է նշել, որ այստեղ խոսքը ոչ թե պրոֆիլակտիկ ախտորոշման, այլ բուժման մասին է:

Միացյալ Նահանգներում բժշկական ախտորոշման ընթացակարգերի արդյունավետ չափաբաժինները զգալիորեն ավելի են՝ մոտ 3 ՄԶՎ:

Այսպիսով, ռենտգենն անվտա՞նգ է հղի կանանց համար

Պետք է հաշվի առնել, թե որքանով է անհրաժեշտ ընթացակարգը: Եթե հղի հիվանդի մոտ կասկածվում է ձեռքի կոտրվածք, ապա ռադիոգրաֆիան պետք է արվի: Ապացույցներ կան, որ հղի հիվանդը ստանում է պտղի համար վնասակար չափաբաժնից ավելի քիչ ճառագայթահարում. վնասակարը 50 ՄԶՎ-ից բարձր է: Հետևաբար, ռենտգենից հրաժարվելու կարիք չկա նաև ապագայում հղիանալ ցանկացողների համար: Կարող եք քննարկել ռիսկերը բժշկի հետ․ նա կօգնի որոշելու, թե արդյոք անհրաժեշտ է իրականացնել ընթացակարգը:

Արդյոք արժե՞ կրծքով կերակրել ռենտգենյան ճառագայթներից հետո

Իոնացնող ճառագայթման աղբյուրները լակտացիայի ընթացքում ռիսկ չեն պարունակում, հետևաբար կերակրող կանայք չպետք է դադարեցնեն կրծքով կերակրումը ռենտգենյան հետազոտությունից հետո:

Իմ երեխայի մոտ կասկածվում է թոքերի բորբոքում, և ուղարկել են ռենտգենի: Արդյոք ռենտգենը վնասակա՞ր է երեխայի համար:

Վերջին տասնամյակների ուսումնասիրությունների համաձայն՝ երեխաների մոտ չարորակ բջիջների զարգացման խթանման ռիսկերը մեծանում են 50-100 ՄԶՎ չափաբաժինը ստանալիս: Սա ավելին է, քան 12 համակարգչային տոմոգրաֆիան և կրծքավանդակի շրջանի 500 ռենտգենոգրաֆիան միասին, ուստի ծնողները չպետք է հրաժարվեն անհրաժեշտ հետազոտությունից:

 

Աղբյուրը
 
 Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին

Եթե ՈՒՁՀ-ի ժամանակ հայտնաբերվել են անոթային հյուսակի կիստաներ

Եթե ՈՒՁՀ-ի ժամանակ հայտնաբերվել են անոթային հյուսակի կիստաներ

Անոթային հյուսակները առաջինն են հայտնվում պտղի ուղեղում

Ինչ է լիպոման 

Ինչ է լիպոման 

Լիպոման ճարպային հյուսվածքի բարորակ գոյացություն է, որը տեղակայված է մաշկի և մկանների միջև

Փորլուծությունը մեծահասակների մոտ 

Փորլուծությունը մեծահասակների մոտ 

Մեծահասակների մոտ լուծը կարող է ունենալ նաև ոչ վարակիչ բնույթ՝ հաճախ լինելով հիվանդության միակ ախտանիշը:

Ինչպե՞ս բուժել փսորիազը հղիության ընթացքում

Ինչպե՞ս բուժել փսորիազը հղիության ընթացքում

Ի՞նչ անել, եթե հղիության ընթացքում փսորիազ է սկսվել: