Կարտոֆիլ․ օգտակար հատկություններն ու հակացուցումները

Կարտոֆիլը պարունակում է ածխաջրեր, սպիտակուցներ, մոտ 80% ջուր և փոքր քանակությամբ ճարպեր։ Կարտոֆիլի սպիտակուցները պարունակում են ամինաթթուներ, այդ թվում՝ անփոխարինելի։

Պարունակում է նաև վիտամիններ А, С, Е, К, D, РР, ինչպես նաև B խմբի վիտամիններ։ Հարուստ է մակրոտարրերով և միկրոտարրերով՝ կալիում, կալցիում, մագնիում, երկաթ, ֆոսֆոր, քրոմ և այլն։ Կարտոֆիլը պարունակում է նաև բջջանյութ, կրախմալ, շաքար, օրգանական թթուներ և այլ նյութեր։

Կարտոֆիլի կալորիականությունը

100 գրամ կարտոֆիլի կալորիականությունը 80 կկալ է։ Տապակած կարտոֆիլի կալորիականությունը կրկնակի մեծ է։

Կարտոֆիլի օգտակար հատկությունները

Նպաստում է իմունիտետի բարձրացմանը։

Դրական ազդեցություն է թողնում սրտանոթային համակարգի վրա, արյան մեջ նվազեցնում է խոլեստերինի մակարդակը, ամրացնում է անոթների պատերը, պաշտպանում աթերոսկլերոզից, նվազեցնում է այտուցվածությունը։

Օգտակար է հիպերտոնիա ունեցող անձանց, քանի որ կալիումի մեծ քանակությունը նպաստում է ջրաղային հավասարակշռության կարգավորմանը։

Ցուցված է երիկամային հիվանդություն ունեցող անձանց, օժտված է միզամուղ թույլ ազդեցությամբ։

Բարենպաստ ազդեցություն է թողնում նաև մարսողական համակարգի վրա, խաշած ձևով կարելի է ուտել անգամ գաստրտի և խոցային հիվանդության ժամանակ, քանի որ բջջանյութը չի գրգռում ստամոքսի լորձաթաղանթը։

Օգնում է պաշտպանվել վաղաժամ ծերացումից։

Հակացուցումները

Գերհասուն կամ կանաչած կարտոֆիլը թունավոր նյութեր է պարունակում և կարող է ուժեղ թունավորում առաջացնել։ Շաքարային դիաբետի դեպքում հարկավոր է խորհրդակցել բժշկի հետ։