Ոլոռ․ օգտակար հատկությունները

Ոլոռը մեր խոհանոցում լայն տարածում ունեցող սննդամթերք է։ Այն ուտում են ինչպես թարմ, այնպես էլ չորացրած և պահածոյացված վիճակում։

Ոոլոռն օժտված է ոչ միայն համային լավ հատկանիշներով, այլև օգտակար բազում հատկություններով։ Պարունակում է բազմաթիվ վիտամիններ և հանքանյութեր, այդ թվում այնպիսի նյութեր, որոնք հազվադեպ են հանդիպում բուսական սննդի մեջ։

Ոլոռը բանջարեղենին գերազանցում է սպիտակուցների պարունակությամբ, որոնք անփոխարինելի ամինաթթուներ են պարունակում՝ մեթիոնին, լիզին, ցիստին և տրիպտոֆան։

Ոլոռը պարունակում է С, А, Е, Н, РР և B խմբի վիտամիններ, շաքար, կրախմալ, ծծումբ, ֆոսֆոր, սելեն, ֆտոր, բոր, քրոմ, մոլիբդեն, կոբալտ, վանադիում, տիտան և այլ հանքանյութեր։

Կալորիականությունը

100 գրամ ոլոռը 300 կկալ է։

Օգտակար հատկությունները

Թարմ ոլոռը նպաստում է իմունիտետի բարձրացմանը։

Օրգանիզմը հարստացնում է էներգիայով, բարձրացնում է աշխատունակությունը, օրգանիզմին օգնում է ավելի թեթև տանել ֆիզիկական ծանրաբեռնվածությունը։

Նվազեցնում է օնկոլոգիական հիվանդությունների առաջացման վտանգը։

Ամրացնում է սրտանոթային համակարգը, օգնում է նվազեցնել խոլեստերինի մակարդակը, պաշտպանում է հիպերտոնիայից և ինֆարկտից։

Կանոնավոր օգտագործման դեպքում բարենպաստ ազդեցություն է ունենում մարսողական համակարգի օրգանների աշխատանքի վրա, կարգավորում է նյութափոխանակությունը, օգնում հաղթահարել այրոցը։

Խորհուրդ է տրվում օգտագործել շաքարային դիաբետ ունեցող մարդկանց։

Ոլոռն օգտակար է նաև տուբերկուլյոզի ժամանակ։

Օգնում է խթանել ճարպային փոխանակությունը, ուստի խորհուրդ է տրվում նաև ավելորդ քաշ ունեցող մարդկանց։

Նպաստում է մաշկի, մազերի և եղունգների որակի լավացմանը։

Հակացուցումները

Հակացուցված է սուր նեֆրիտի, ստամոքսաղիքային բորբոքային հիվանդությունների սրացման, ինչպես նաև թրոմբոֆլեբիտի և արյան բարձր մակարդելիության դեպքում։