Ի՞նչ ազդեցություն է ունենում սնունդը հորմոնային հավասարակշռության վրա

01.09.20159512

Այն, ինչ ուտում ենք, կարգավորում է մեր օրգանիզմի գործունեության մի շարք ոլորտներ, այդ թվում և որոշակի հորմոնների արտադրությունը: Սննդակարգին հետևելով՝ կարելի է պահպանել մարմնի առողջ քաշը և դանդաղեցնել ծերացման գործընթացները:

Ներկայացնում ենք թույլատրելի և արգելվող այն մթերքները, որոնք կօգնեն պահպանել բնականոն հորմոնային հավասարակշռությունը և կօգնեն երիտասարդ աղջիկներին ու կանանց կառավարել տրամադրության փոփոխությունները հատկապես ցիկլի օրերին, ինչպես նաև դաշտանադադարի շրջանում:

Օգտակար մթերքներ

Թռչնամիս և ձկնեղեն: Սպիտակուցի այս աղբյուրներն օգնում են պահպանել մաքուր մկանային զանգվածը, նպաստում են քաշի նվազեցմանը, պաշտպանում են սրտի հիվանդություններից, քաղցկեղից և այլն:

Խաչածաղկավոր բանջարեղեն։ Բրոկոլին, կաղամբը, ծաղկակաղամբն ունեն էստրոգենները չափավորելու հատկություն, իսկ դա օգնում է կանխել կրծքագեղձի քաղցկեղը: Էստրոգենի ավելցուկ դիտվում է հատկապես նախադաշտանադադարի շրջանում, ավելորդ քաշ ունեցող կանանց դեպքում:

B խմբի վիտամիններ: Այս վիտամինի անբավարարությունը նպաստում է դեպրեսիայի առաջացմանը: Օգտագործեք B վիտամինով հարուստ մթերքներ՝ ամբողջական ձավարեղեն և ոչ յուղոտ տավարի միս:

Վնասակար մթերքներ

Շաքարավազ: Բոլոր տեսակի շաքարները որոշակի ազդեցություն են ունենում կանանց հորմոնային համակարգի վրա: Դրանց չարաշահումը հանգեցնում է ավելորդ քաշի կուտակման, դա էլ առաջացնում է հորմոնային խանգարումներ:

Կոֆեին, ալկոհոլ: Թեյը կամ սուրճը կարելի է օգտագործել չափավոր: Կոֆեինը և ալկոհոլը հատկապես խթանում են ջերմային առհոսքի առաջացումը: Եթե ձեզ անհագստացնում է գիշերային ժամերին ավելորդ քրտնարտադրությունը, ապա հարկավոր է նվազեցնել կոֆեինի ընդունումը:

Պետք է խուսափել նաև բարձր յուղայնությամբ մթերքներից, ինչպես նաև կծու համեմունքներից: