Հոդվածի աղբյուրը՝ babycenter.com Թարգմանությունը՝ sotskiy.am

Ի՞նչ մթերքներից խուսափել կրծքով կերակրման շրջանում

18.08.201529974

Լինում են դեպքեր, երբ կերակրող մայրերը նկատում են, որ երբեմն փոքրիկը շփոթված կամ անհարմար է զգում կաթ ուտելիս։ Հնարավոր է, որ պատճառը լինի մայրիկի կերած որոշակի մթերքները: Անհրաժեշտ է որոշ ժամանակ հրաժարվել այն մթերքից, որոնք ձեր կարծիքով աաջացնում են այդ ռեակցիան: Սովորաբար զգուշություն են պահանջում հետևյալները՝

  • շոկոլադ,
  • համեմունքներ (դարչին, սխտոր, կծու պղպեղ),
  • ցիտրուսային մրգեր և հյութեր՝ նարինջ, կիտրոն, լայմ, թուրինջ,
  • ելակ, կիվի, անանաս,
  • սոխ, կաղամբ, ծաղկակաղամբ, բրոկոլի,վարունգ, պղպեղներ,
  • լաքսատիվ ազդեցությամբ մրգեր՝ սալոր, բալ:

Կոֆեին

Օրական մեկ բաժակ սուրճ խմելը խնդիր չէ, սակայն կոֆեինի չարաշահումն առաջացնում է երեխայի անհանգստություն և քնի խանգարում: Հիշեք, որ կոֆեին պարունակվում է որոշ ըմպելիքներում, թեյերում և դեղահաբերում:

Եթե երեխան ունի ալերգիկ ռեակցիաներ (էկզեմա, փորլուծություն և այլն), դրանք հնարավոր է լինեն ինչպես իր կերած հավելյալ սնունդից, կամ մայրիկի կերած սննդից, այնպես էլ օճառից, հիգիենիկ այլ պարագաներից: Բացահայտելու համար հարկավոր է խիստ ուշադիր լինել և բացառման կարգով գտնել պատճառը:

Խորհուրդ չի տրվում կասկածի դեպքում շատ մթերքներ կտրուկ հեռացնել սննդակարգից, քանի որ հնարավոր է այդ դեպքում չստանաք անհրաժեշտ սննդանյութերը, և երեխան էլ զրկվի դրանցից: Այդ դեպքում դիմեք սննդաբանի խորհրդատվության: