Լյուտեինացնող հորմոն․ անցում աղջնակից կնոջ

Լյուտեինացնող հորմոն․ անցում աղջնակից կնոջ

Լյուտեինացնող հորմոնն արտադրում է հիպոֆիզը։ Այն պատասխանատու է իգական սեռական հորմոնների արտադրման համար, կարգավորում է դաշտանային ցիկլը և նպաստում է արգանդի ու ձվարանների զարգացմանը։

Անցում աղջնակի կարգավիճակից կնոջ կարգավիճակի

Մինչև դեռահասության տարիքը լյուտեինացնող հորմոնի մակարդակը ցածր է։ Սեռահասունացմանը զուգընթաց օրգանիզմն ազդակ է տալիս հիպոֆիզին, և լյուտեինացնող հորմոնն սկսում է ակտիվորեն արտազատվել արյան մեջ։ Սկսում են զարգանալ իգական սեռական օրգանները, խթանվում է էստրոգենների և պրոգեստերոնի սինթեզը։

Կարդացեք՝ Պրոգեստերոն․ մայրական բնազդի հորմոն

Լյուտեինացնող հորմոնի խտությունը փոփոխվում է դաշտանային ցիկլի ընթացքում, արյան մեջ արտազատվող ակտիվ մասն առաջացնում է ձվազատում։ Հղիության ընթացքում լյուտեինացնող հորմոնն իր տեղը զիջում է էստրոգեններին։ Դաշտանադադարից հետո այս հորմոնի մակարդակը կնոջ օրգանիզմում բարձրանում է։ Անպտղության դեպքում նկատվում է լյուտեինիզացնող հորմոնի խտության մեծացում և ստերոիդների ցածր մակարդակ։

Կարդացեք՝ Էստրոգեն․ կարևորագույն հորմոն կնոջ օրգանիզմում

Սովորաբար լյուտեինացնող հորմոնի հետազոտություն է անցկացվում սեռական գեղձերի աշխատանքի խանգարման, անպտղության, սեռական ցանկության նվազման, սպասվելիք ձվազատման օրը որոշելու դեպքում եւ այլն։

Ինչո՞ւ է անհրաժեշտ հետևել լյուտեինացնող հորմոնի մակարդակին

Հնարավոր է, որ լյուտեինացնող հորմոնի մակարդակը դեռահասության տարիքում բարձր լինի։ Վախենալու ոչինչ չկա։ Դա կոչվում է հիպոֆիզի վաղժամ հասունացում։ Արդեն իսկ հասուն տարիքի կանանց օրգանիզմում էլ այն կարող է բարձրանալ, ինչը կվկայի ձվարանների պոլիկիստոզային համախտանիշի մասին, սակայն ճշգրիտ ախտորոշման համար անհրաժեշտ կլինի մի շարք հավելյալ հետազոտություններ անցկացնել, քանի որ լյուտեինացնող հորմոնն այդ պարագայում միանշանակ ցուցիչ չէ։

Կարդացեք՝ Ի՞նչ է իրենից ներկայացնում ձվարանների պոլիկիստոզային համախտանիշը

Ինչ վերաբերում է լյուտեինացնող հորմոնի կտրուկ բարձրացմանը, ապա նշենք, որ դրա պատճառները բազմազան են։ Պատճառների շարքում գլխավորը դաշտանադադարն է, իսկ եթե հորմոնի մակարդակը բարձր է վերարտադրողական տարիքի կնոջ օրգանիզմում, ապա դա կարող է վկայել վաղ դաշտանադադարի մասին, և դաշտանային ցիկլը վերականգնելու նպատակով սովորաբար հորմոնային թերապիա է պահանջվում։ Լյուտեինացնող հորմոնի բարձրացման պատճառ կարող են լինել նաև սեռական գեղձերի առաջնային դիսֆունկցիան և հորմոնային դեղամիջոցների օգտագործումը։

Լյուտեինացնող հորմոնի մակարդակի նվազումը կարող է վկայել ճարպակալման, հիպերպրոլակտինեմիայի, հիպոֆիզային նանիզմի, Սիմոնդսի հիվանդության մասին։ Հորմոնի մակարդակը կարող է նվազել նաև վիրահատությունից, ուժգին սթրեսից, ինչպես նաև այնպիսի դեղամիջոցների օգտագործումից հետո, ինպիսիք են անաբոլիական ստերոիդները, հակակոնվուլսանտները, պերօրալային բեղմնականխիչները։

Լյուտեինացնող հորմոնի խնդիրը կնոջ վերարտադրողական օրգանների՝ արգանդի և ձվարանների բնականոն աշխատանքը պահպանելն է։ Քանի դեռ լյուտեինացնող հորմոնի մակարդակը նորմայի սահմաններում է, կինը կարող է հղիանալ, եթե չկան խանգարող այլ գործոններ։

 

Աղբյուրը

Լորձային արտադրություն հեշտոցից

Լորձային արտադրություն հեշտոցից

Հեշտոցից արտահոսող լորձային արտադրությունը, եթե նորմալ բնույթի է, բնական երևույթ է։ Վերարտադրողական տարիքի բոլոր կանայք էլ ունենում են...

Տրամադրությունը պայմանավորող հորմոնները

Տրամադրությունը պայմանավորող հորմոնները

Պատասխանատու են մեր հոգեհուզական վիճակի համար։ Ահա այն հիմնական հորմոնները, որոնք պայմանավորում են մեր լավ տրամադրությունը․․․

Գեղեցկության և առողջության երաշխիքները

Գեղեցկության և առողջության երաշխիքները

Տարիքին համընթաց օրգանիզմում բազմաթիվ փոփոխություններ են կատարվում, ոմանք, այնուամենայնիվ, շարունակում են պահպանել իրենց գեղեցիկ տեսքն ու առողջությունը․․․

Ե՞րբ պլանավորել հղիությունը վիժումից հետո

Ե՞րբ պլանավորել հղիությունը վիժումից հետո

Հաճախ է պատահում, որ կանայք, որոնց դեպքում վիժումը եղել է հղիության վաղ ժամկետում, ցանկանում են հղինալ վիժումից անմիջապես հետո․․․․