15 սովորություն, որոնք վնասում են երիկամներին

Գիտե՞ք, որ հնարավոր է նորմալ ապրել, եթե անգամ գործում է երիկամների ընդհամենը 20 տոկոսը: Դա է պատճառը, որ երիկամների աշխատանքի վատացումը և աստիճանաբար հասցվող վտանգը կարող են երկար ժամանակ աննկատ ընթանալ: Երբեմն նույնիսկ ամենատարածված սովորությունները կարող են վնասել երիկամներին, և երբ խնդիրները վերջիվերջո բացահայտվեն, կարող է շատ ուշ լինել:

Երիկամները կարևորագույն օրգաններ են: Նրանք արտադրում են հորմոններ, մաքրում են արյունը, յուրացնում են հանքային նյութերը, արտադրում են մեզը և օգնում են պահպանել առողջ թթվահիմնային միջավայրը: Առանց երիկամների կյանք չի կարող լինել, իսկ չինացիներն այս օրգանին վերաբերվում են որպես կյանքի էներգիայի կարևորագույն աղբյուրի:

Եթե հոգ եք տանում ձեր երիկամների մասին, նշանակում է հոգ եք տանում նաև ձեր առողջության ու բարեկեցության մասին: Ստորև ներկայացնում ենք այն սովորությունները, որոնցից պետք է հրաժարվել, և այն իրավիճակները, որոնք պետք է շտկել առողջ երիկամներ ունենալու համար:

1. Գազավորված (սոդայով և շաքարով հագեցած) ըմպելիքների օգտագործում։ Ճապոնիայի Օսակա համալսարանում անցկացված հետազոտությունը ցույց է տվել, որ մարդիկ, ովքեր ընդունում են օրական 2 կամ ավել գազավորված ըմպելիք, հակված են երիկամների հիվանդությունների: Այդ հետազոտությունը կատարվել է 12.000 մարդու մասնակցությամբ։ Նրանք, ովքեր մեծ քանակությամբ գազավորված ըմպելիք էին ընդունել, ավելի շատ էին հավակնում մեզում սպիտակուցի առկայությանը, իսկ մեզում սպիտակուցի առկայությունը երիկամների վնասման առաջին նախանշաններից է, սակայն, եթե հայտնաբերվում է վաղ շրջանում, հիվանդությունը դեռ կարող է բուժելի լինել:

2. Ծխելու սովորություն: Ենթադրվում է, որ ծխելն առընչություն ունի աթերոսկլերոզի հետ: Երբ արյան անոթները խցանվում են և նեղանում, արյունը լավ չի մատակարարվում կենսական օրգաններին՝ այդ թվում երիկամներին: Համաձայն «Կլինիկական դեղագիտություն և թերապիա» բժշկական ամսագրում հրապարակված մի հետազոտության արդյունքերի՝ օրական երկու ծխախոտը բավական է, որպեսզի կրկնապատկվի արյան մեջ առկա էնդոթելային բջիջների քանակը: Դա զարկերակների վնասման նշան է: Մեկ այլ կլինիկական ամսագիր նշում է, որ 2003 թվականից սկսած հազարավոր հետազոտություններ են անցկացվել, որոնք բոլորը վկայում են ծխելու և երիկամների ֆունկցիայի նվազման միջև կապի մասին:

3. Վիտամին B6-ի անբավարարություն։ Երիկամների ֆունկցիայի համար կարևոր դեր ունի առողջ սնունդը: Համաձայն Մերիլենդ բժշկական կենտրոնի համալսարանում կատարված հետազոտությունների՝ վիտամին B6-ի անբավարարությունը բարձրացնում է երիկամային քարերի առաջացման վտանգը: Երիկամների բնականոն աշխատանքի համար անհրաժեշտ է ընդունել օրական նվազագույնը 1.3 մգ վիտամին B6: Այս վիտամինի լավ աղբյուրներ են ձկնեղենը, սիսեռը, տավարի լյարդը, կարտոֆիլը, օսլա պարունակող բանջարեղենը և ոչ ցիտրուսային մրգերը:

4. Ֆիզիկական ակտիվության պակաս։ Երիկամների աշխատանքը պահպանելու լավ տարբերակ է ֆիզիկական ակտիվությունը: 2013-ին Նեֆրոլոգիայի ամերիկյան կազմակերպության ամսագրում հրապարակվել է մի լայնածավալ հետազոտություն, որի արդյունքները ենթադրում էին, որ հետկլիմաքսային շրջանում գտնվող կանայք, ովքեր ֆիզիկական վարժություններ են կատարում, 31%-ով նվազեցնում են երիկամային քարերի զարգացման հավանականությունը: Ընդհանուր առմամբ առողջ մարմնի քաշ պահպանելով՝   կնվազեցնեք երիկամային հիվանդությունների զարգացման վտանգը, այնպես որ շարժվե՛ք:

5. Մագնեզիումի անբավարարություն։ Եթե ձեր օրգանիզմը բավարար քանակով մագնեզիում չի ստանում, ապա այն չի կարող լավ յուրացնել կալցիումը, ինչն էլ կհանգեցնի երիկամներում կալցիումի գերկուտակման և հետևաբար՝ քարերի ձևավորման: Դա կանխելու համար անհրաժեշտ է ընդունել կանաչ տերևավոր բանջարեղեն, լոբեղեն, սերմեր և ընկուզեղեն: 

6. Քնի հաճախակի խանգարումներ։ ՄԵնք սիրում ենք գիշերային լավ քունը: Մեր երիկամները՝ նույնպես: Քնի քրոնիկական խանգարումները կարող են առաջացնել երիկամային հիվանդություն: Ըստ բժիշկ Միշել Սոլի (սրտաբան)՝ երիկամների հյուսվածքը վերականգնվում է գիշերը, այնպես որ քնի խանգարումները կարող են անմիջական վնաս հասցնել այս օրգաններին:

7. Ջրի անբավարարություն։ Մեր երիկամները պետք է լավ հիդրատացվեն, որպեսզի կարողանան կատարել իրենց ֆունկցիան: Եթե մենք բավարար քանակությամբ ջուր չընդունենք, վնասակար նյութերը կսկսեն կուտակվել արյան մեջ: Խորհուրդ է տրվում խմել օրական նվազագույնը 12 բաժակ ջուր: Ջրի բավարար կամ անբավարար քանակը կարելի է պարզել մեզի ստուգման միջոցով:

Կարդացեք՝   Ինչպես վարժվել ավելի շատ ջուր խմելուն

8. Միզապարկն անմիջապես չդատարկելու սովորություն։ Երբ բնությունը ձայն է տալիս, պետք է լսել: Մեզը երիկամներում պահելը վատ է: Եթե պարբերաբար այդպես անեք, մեզի ճնշումը երիկամների վրա կմեծանա, և կհանգեցնի երիկամային անբավարարության կամ անմիզապահության:

9. Մեծ քանակությամբ աղի օգտագործում։ Օրգանիզմի համար կարևոր դեր ունի աղը, սակայն պետք է սահմանափակել դրա քանակը: Օրական 5.8 գրամից ավել աղ պետք չէ օգտագործել, այնպես որ սննդին աղ ավելացնելիս ուշադիր եղեք:

10. Կոֆեինի չարաշահում։ Հաճախ մենք ավելի շատ կոֆեին ենք ընդունում, քան մեզ թվում է: Խնդիրն այն է, որ դա պարունակվում է ոչ ոգելից, գազավորված խմիչքների մեջ, և մինչ մենք կիմանանք դրա մասին բաղադրությունը կարդալով, մեր արյան ճնշումը կհասնի գագաթնակետին, և մեր երիկամները կսկսեն տուժել:

11. Ցավազրկող միջոցների չարաշահում։ Ցավոք, մենք շատ հաճախ ենք դիմում դեղորայքային լուծումների՝ առանց չափաբաժինը կամ ընդունման ճիշտ եղանակը հաշվի առնելու: Երբ ցավ ենք զգում, շատ հեշտ տարբերակ է թվում դեղահաբի ընդունումը: Այնինչ պետք չէ մոռանալ, որ բոլոր դեղամիջոցներն ունեն կողմնակի ազդեցություններ, և դրանց մեծ մասը վնասում է երիկամներին: Պետք է դեղահաբ խմելուց առաջ կրկին մտածել, եթե տվյալ իրավիճակը չի պահանջում դեղորայքային բուժում:

12. Հրաժարում անհրաժեշտ դեղորայքից։ Արյան բարձր ճնշումը և 2-րդ տիպի դիաբետը երկու շատ տարածված խնդիրներ են, որոնք առաջանում են մեր ապրելակերպի և անառողջ սննդի հետևանքով: Եթե ունեք այդ խնդիրները, պետք է հիշել, որ դրանք կարող են վնասել ձեր երիկամներին, այնպես որ ընդունեք այդ հիվանդությունների բուժման համար նախատեսված դեղորայքը, որպեսզի պաշտպանեք ձեր երիկամները:

13. Սպիտակուցի ավելցուկ։ Սպիտակուցի ավելցուկը կարող է վնասել երիկամներին: Սպիտակուցի մարսման հավելյալ արտադրանքն ամոնիակն է՝ թույն, որն աշխատասեր երիկամները պետք է չեզոքացնեն: Ավելի մեծ քանակությամբ սպիտակուցի դեպքում երիկամներն ավելի մեծ ջանք պետք է գործադրեն, իսկ դա ժամանակի ընթացքում հանգեցնում է դրանց ֆունկցիայի նվազման:

14. Տարածված վարակներն արագ և ճիշտ չբուժելը։ Մենք բոլորս մեղավոր ենք, որ երբեմն չենք բուժել հասարակ մրսածությունն ու գրիպը, իսկ դրանով մեր օրգանիզմին հասցնում ենք գերհոգնածության: Դա նույնես կարող է երիկամներին վնասել: Հետազոտությունները ցույց են տվել, որ մարդիկ, ովքեր աչքաթող են անում հանգստանալն ու լավ ապաքինվելը, հաճախ ձեռք են բերում երիկամային հիվանդություն:

15. Ալկոհոլի չարաշահում։ Ալկոհոլի մեջ պարունակվող թույները ոչ միայն վնասում են լյարդին, այլև երիկամներին: Այնպես որ երիկամները պաշտպանելու համար անհրաժեշտ է չափավորել ալկոհոլի քանակը: