Միգրենը և հղիությունը
9928
Գրեթե յուրաքանչյուր 4-րդ կին կյանքում գոնե մեկ անգամ բախվել է միգրենի խնդրին: Տղամարդիկ մոտ երեք անգամ ավելի քիչ են հակված այս հիվանդությանը: Բարեբախտաբար հաճախ հղիության ընթացքում նկատվում է բարելավում, բայց, դժբախտաբար, ծննդաբերությունից հետո միգրենը վերադառնում է: Ոչ բոլոր գլխացավերն են (նույնիսկ շատ ուժգին) համարվում միգրեն: Եթե ունեցել եք պարբերաբար կրկնվող գլխացավեր, ապա հղիությունից առաջ խորհրդակցեք բժշկի հետ, որպեսզի պարզեք դրանց առաջացման պատճառները:
Եթե ընդունում եք միգրենի կամ սրտխառնոցի դեմ դեղամիջոցներ, խոսեք բժշկի հետ մինչև հղիությունը, որովհետև հնարավոր է՝ անհրաժետ լինի բուժման մեջ փոփոխություններ մտցնել: Եթե բուժման սխեմայում ընդգրկված են նաև դեղամիջոցներ, որոնք ներարկման եղանակով եք ընդունում, ապա դրանցից ստիպված եք հրաժարվել, քանի որ չկան հղիության ընթացքում դրանց կիրառման անվտանգության մասին տվյալներ: Միգրենի կանխարգելիչ դեղամիջոցները, կրկին բժշկի հսկողությամբ, անրաժեշտ է դադարեցնել նախքան հղիանալը: Ընդհանուր առմամբ որպես ցավազրկող նախընտրելի է օգտագործել պարացետամոլը: Կարող եք նաև իբուպրոֆեն օգտագործել, եթե պարացետամոլը չօգնի, բայց 30 շաբաթական հղիությունից ոչ ուշ:
Փորձեք հեռու մնալ այնպիսի գործոններից, ինչպիսիք են սթրեսը, քնի կամ որոշակի սննդային ռեժիմի խախտումը, որոնք կարող են առնչվել միգրենի հետ: Նաև կօգնի արյան մեջ շաքարի մակարդակի վերահսկումը: Դրա համար անհրաժեշտ է կարճ ընդմիջումներով ընդունել բարդ ածխաջրատներ, որոնք պարունակվում են մակարոնեղենի, կարտոֆիլի և հացի մեջ (քաղցր մթերքների փոխարեն):
Ոչ դեղորայքային բուժման այլ մեթոդները ներառում են՝
- հաճախակի տաք վաննաները,
- ցավի օջախում սառույց տեղադրելը,
- պառկած դիրքի փոխարեն կանգնած դիրքում մնալը,
- ֆիզիկական ծանրաբեռնվածությունից խուսափելը,
- աչքերի և ականջների բորբոքումից խուսափելը:
