Ի՞նչ անել ձմռանը չափից շատ չուտելու համար

Ի՞նչ անել ձմռանը չափից շատ չուտելու համար

Աշնանը և ձմռանը դժվար է հետևողական լինել կազմվածքի նկատմամբ և պահպանել մարզավիճակը. ցուրտը և մթությունը նպաստում են չափից շատ ուտելուն: Հոգեթերապևտ, սննդի խանգարումների մասնագետ Ժերար Ապֆելդորֆերը մի քանի պարզ խորհուրդ է տալիս:

1. Ձեր սիրելի ուտեստին այլ կերպ նայեք. որպես թշնամու չէ, որպես ընկերոջ և համախոհի: Չարժե պայքարել համեղ ուտեստների դեմ, սննդակարգից հանել կարտոֆիլն ու շոկոլադը: Նիհարել հնարավոր է նաև շարունակելով ուտել համեղ ուտեստներ, սակայն ուտել պետք է քիչ: Սովորեք հագենալ նաև փոքր չափաբաժիններով: Ավելի լավ է քիչ, այո, քիչ, սա է գեղեցիկ կազմվածքով մարդկանց նշանաբանը:

2. Փորձեք շոկոլադին վերաբերվել որպես ամենասովորական մթերքի: Նրա հիմնական արժանիքը սննդարարությունն է: Որքան սննդարար է մթերքը, այնքան համեղ է, իսկ որքան համեղ է, այնքան քիչ է պետք հաճույք ստանալու համար, այսինքն՝ հագենալու համար: Նախապատվությունը տվեք որակին, համտեսեք մի փոքր կտոր՝ ինքներդ ձեզ ասելով, որ դրան կհաջորդի ևս մեկը ... միայն թե վաղը:

3. Ճարպը դանդաղ է կուտակվում և դանդաղ էլ հեռանում է: Չարժե դիետա պահել, եթե մեկ շաբաթվա ընթացքում գիրացել եք 3 կգ-ով. քաշի այդպիսի ավելացումը բացատրվում է միայն հեղուկի կուտակմամբ:

4. Պետք չէ ժամանակ և ուժ վատնել կատարյալ քաշ ունենալու համար: Ավելի լավ է գտնել սեփական կայուն քաշը, որը հաճախ անվանում են նաև բնական քաշ: Մենք կարող ենք երկարատև և առանց ջանքերի պահպանել այն՝ ականջ դնելով մեր մարմնական և սննդային զգացումներին:

5. Սնվելու 2 տեսակ կա՝ ինքնակառավարվել կամ էլ լսել ինքներդ ձեզ: Կշեռքը մեզ մղում է վերահսկման՝ մարմինը վերածելով վտանգավոր օբյեկտի, իսկ եթե ենթարկվենք մեր մարմնական և սննդային պահանջներին, ապա մարմինը կդառնա համախոհ և ոչ թե հակառակորդ:

6. Գրեթե բոլորն էլ ունեն իրենց սննդային տաբուն: Արգելված ասելով՝ նկատի են առնվում այն մթերքները, որոնցից ամեն կերպ փորձում ենք խուսափել առօրյայում, բայց որոնք սկսում ենք ուտել մեծ քանակությամբ, երբ կորցնում ենք վերահսկողությունը: Այսպես արատավոր շրջան է սկսվում. Որքան խիստ է արգելքը, այնքան անխուսափելի են դրա խախտման հետևանքները: Որքան ուժեղ է տաբուն, այնքան ուժեղ ենք կախված նրանից: Ոչ մի մթերք ինքնին չի առաջացնում քաշի կտրուկ աճ. ամեն բան կախված է դրա նկատմամբ մեր վերաբերմունքից:

7. Անհրաժեշտ է կրկին սկսել ուտել ներքին պահանջմունքների թելադրանքով. ենթարկվել ախորժակին, քաղցի և հագեցածության զգացմանը, համերին: Մեր խնդիրը սննդի ֆիզիոլոգիական վերաբերմունքին վերադառնալն է՝ հեռանալով հուզականից: Լինելով սեփական հույզերի գերին՝ մեզնից շատերն ուտում են տագնապի, սթրեսի, վախի կամ զայրույթի թելադրանքով: Սովորեք հուզական լարվածությունն այլ կերպ թոթափել (սպորտ, զվարճանք), իսկ ուտելիքը թող ձեզ համար զգայական հաճույքի աղբյուր դառնա:

8. Ի՞նչ անել, երբ երեխան շոկոլադ կամ չիփս է պահանջում: Սկզբում ավելի լավ է պարզել երեխան քաղցած է, թե ոչ: Եթե քաղցած չէ, ապա հնարավոր է, որ մի բան այն չէ: Մղումը դեպի քաղցրը և յուղալի սնունդը (այսպիսի սնունդն իսկապես հանգստացնող ազդեցություն է թողնում) սովորաբար առաջանում է, երբ երեխան ջերմության, հոգատարության, քնքշության և ուշադրության կարիք է ունենում: Չի կարելի թույլ տալ, որ նա ուտի խոսելու փոխարեն: Առաջարկեք նրա պատմել իր զգացմունքների ու խնդիրների մասին, փորձեք անկեղծ խոսել: Թույլ տվեք նրան շոկոլադն ուտել և քննարկեք, թե ինչու էր այդքան շատ ուզում ուտել այն: «Եկ, նստիր կողքիս, արի մի լավ գրկեմ քեզ, դու էլ պատմիր, թե ինչ կա չկա, լավ, վատ ... Հետո, եթե ուզես, կարող ես մեկ հատ էլ շոկոլադ վերցնել»:

Ձկան յուղ․ օգտակար և վնասակար կողմերն օրգանիզմի համար

Ձկան յուղ․ օգտակար և վնասակար կողմերն օրգանիզմի համար

Ձկան յուղը հայտնի է արդեն շատ տասնամյակներ և բացի հեղուկ ձևից թողարկվում է նաև հարմար պարկուճներով։

Լուծել թրոմբը (արյան մակարդուկներ)․ ո՞ր մթերքներն են բարելավում արյան որակը

Լուծել թրոմբը (արյան մակարդուկներ)․ ո՞ր մթերքներն են բարելավում արյան որակը

Եթե ունես խնդիրներ արյան հետ կապված՝ ուրեմն առողջ չես։ Մի խոսքով՝ արյունը չափազանց կարևոր է։

Մեր կաբինետը համալրվել է 3D/4D վերջին սերնդի ուլտրաձայնային սարքավորումով

Մեր կաբինետը համալրվել է 3D/4D վերջին սերնդի ուլտրաձայնային սարքավորումով

Շտապումենք տեղեկացնել մեր կաբինետը համալրվել է General Electric VOLUSON E10 3D/4D վերջին սերնդի ուլտրաձայնային սարքավորումով:

Համբուրիր նրա ականջը. տղամարդկանց  7 էրոգեն զոնաներ

Համբուրիր նրա ականջը. տղամարդկանց  7 էրոգեն զոնաներ

Էրոգեն գոտիների գաղափարն այսօր մի փոքր հնացած է, քանի որ բառացիորեն մարմնի ցանկացած քառակուսի սանտիմետր կարող է լինել այդպիսի գոտի: