Ինչպես ճանաչել դեպրեսիան

Ինչպես ճանաչել դեպրեսիան

Մեզնից յուրաքանչյուր ութերորդը կյանքում գոնե մեկ անգամ հայտնվել է այս վիճակում, և առհասարակ բոլորն էլ ժամանակ առ ժամանակ զգում են թեթև դեպրեսիվային վիճակի նշաններ: Ինչպե՞ս ճանաչել, ե՞րբ անհանգստանալ, հնարավո՞ր է ազատվել դեպրեսիայից:

Դեպրեսիան դանդաղեցնում է մտքերն ու գործողությունները, խլում է երազանքները, ամեն բան ներկում մուգ գույներով: Կյանքն անհույս է թվում: Անսահման մենակության զգացում է առաջանում, կարծես հայտնվել եք անմարդաբնակ կղզում, որտեղ ոչ ոք չի կարող ձեզ լսել և առավել ևս օգնել: Մեկուսացած եք ընկերներից, աշխատանքի հանդեպ հետաքրքրությունը հօդս է ցնդել, ձեզ այլևս չեն ուրախացնում նախկինում հաճույք պատճառող հոբիներն ու զբաղմունքները: Եթե ձեզ ծանոթ է այս վիճակը, ապա ամենայն հավանականությամբ բախվել եք 21-րդ դարի ամենատարածված խնդրին: Ահա մի քանի նախանշան, որոնք կօգնեն բացահայտել դեպրեսիան և տարբերել այն դեպրեսիվային ապրումներից՝ կարճատև մի վիճակից, որը հնարավոր է հաղթահարել ինքնուրույն, առանց մասնագետի աջակցության:

Ապատիա՝ անտարբերություն և անզորություն

Ուժերի բացակայությունը դեպրեսիայի ախտանշաններից մեկն է: Մարդիկ, ովքեր չեն անցել դրա միջով, դժվարությամբ են հավատում, որ երբեմն ապատիան այնպիսի մաշտաբների է հասնում, որ անգամ սովորական հագնվելը, ատամները լվանալը և իրեն կարգի բերելը մարդուց ահռելի ջանք են պահանջում: Դեպրեսիան սարսափելի հոգնածություն և էներգիայի պակաս է իր հետ բերում:

Բացասական մտքեր

Ճանաչողական-վարքաբանական հետազոտությունները ցույց են տվել, որ դեպրեսիյի հիմքում ընկած են սեփական անձի կամ այլ մարդկանց հետ հարաբերությունների վերաբերյալ կայուն բացասական դիրքորոշումները: Վերջիններս հաճախ ներառում են մեղքի և սեփական անպետքության, անարժեք լինելու զգացումներ: Շատերը խոսում են սեփական անձի մասին անիրական, բացասական համոզմունքների մասին, մեղքի զգացում են ունենում կամ սկսում են անհանգստանալ անցյալում տեղի ունեցած իրադարձությունների պատճառով, անդադար մտորում են գործած սխալների և վրիպումների շուրջ:

Քնի և ախորժակի խանգարում

Դեպրեսիան ներխուժում է բոլոր ոլորտներ՝ քայքայելով կյանքի հիմքերը, այդ պատճառով էլ սնվելու, քնի և հանգստի ռեժիմի ցանկացած փոփոխություն կարող է օգնել ախտորոշման հարցում: Անքնությունը կամ վաղ արթնանալը անհանգստություն պատճառող, բայց և միակ նախանշանը չէ: Ախորժակի բացակայությունը և սննդից հրաժարվելը հաճախ կյանքից հրաժարվելու խորհրդնշական արտահայտություններն են, նույն կերպ էլ չափազանց քնկոտությունը երբեմն կարող է արտահայտվել որպես բավարարություն չպատճառող իրականությունից հեռանալու միջոց:

Ուշադրության կորուստ

Դեպրեսիան նվազեցնում է կենտրոնանալու կարողությունը: Ոմանց համար գրքերի ընթերցանությունը անիրագործելի խնդիր է դառնում. Նրանք վայրկենապես կորցնում են կատարվող իրադարձությունների թելը՝ հաճախ խորասուզվելով իրենց բացասական մտքերի մեջ: Շատերը գանգատվում են, որ դժվարանում են անգամ պարզագույն որոշումներ կայացնել:

Ինքնասպանության մասին մտքեր

Մենք բոլորս էլ ժամանակ առ ժամանակ մտորում ենք, թե ինչպես կավարտվի մեր կյանքը, և ինքնասպանության մասին մտքեր բոլորս էլ գոնե մեկ անգամ ունեցել ենք: Վերջիններս, սակայն, եթե ուղեկցվում են ապատիայով, անկողնուց վեր կենալու և բակ դուրս գալու դժկամությամբ կամ կյանքից հեռանալու գործողությունների հստակ ծրագիր եք մշակում, ապա աջակցության դիմելու լրջագույն առիթ ունեք:

Եթե բացահայտեցիք, որ ունեք վերոնշյալ նախանշաններից երկուսը և ավելին, ապա ամենայն հավանականությամբ ձեզ մասնագետի աջակցություն է հարկավոր: Դեպրեսիան հաջողությամբ է ենթարկվում թերապիայի, եթե ժամանակին են դիմում հոգեբանի:

Բացի այս արժե հիշել՝ որքան էլ որ միայնակ և ինքներդ ձեզ կորցրած զգաք, միևնույն է դուք միայնակ չեք: Ունեք ընկերներ, ընտանիք, մտերիմ մարդիկ, ովքեր կարող են օգնել և ձեր կողքին լինել դժվարին պահերին, առավել արժեքավոր մի բան ևս ունեք՝ ձեր առողջ, ուժեղ և կայտառ մասը, որին դեպրեսիան չի դիպչել: Եթե անգամ այս պահին դժվար է դա գիտակցելը, ձեր խնդիրը նրա մասին հիշելն է, թույլ տվեք նրան դրսևորվել: Որքան հաճախ նա զգալ տա իրեն, այնքան արագ կօգնի ձեզ հաղթահարել դեպրեսիան:

Ինչպես ճիշտ հագնել սեղմող գուլպաներ

Ինչպես ճիշտ հագնել սեղմող գուլպաներ

Կոմպրեսիոն գուլպաներն առաձգական են՝ հատուկ ամուր տրիկոտաժից կարված

Ինչու է անհրաժեշտ բողկը ներառել սննդակարգում

Ինչու է անհրաժեշտ բողկը ներառել սննդակարգում

Բողկը C վիտամինի հարուստ աղբյուր է (մեկ բաժակ հում բողկը պարունակում է օրական նորմայի մոտ 30 %-ը), որն անհրաժեշտ է օրգանիզմին մի շարք նպատակներով

Ինչպե՞ս ջուրը հաճույքով խմել. վիտամիններով հարուստ ջրի երեք բաղադրատոմս աշնան համար

Ինչպե՞ս ջուրը հաճույքով խմել. վիտամիններով հարուստ ջրի երեք բաղադրատոմս աշնան համար

Ջրի առավելությունների և օրգանիզմի բնականոն գործունեության համար նրա անհրաժեշտության մասինբոլորիս է հայտնի

Կարելի՞ է արդյոք զբաղվել անալ, ապա անմիջապես հեշտոցային սեքսով

Կարելի՞ է արդյոք զբաղվել անալ, ապա անմիջապես հեշտոցային սեքսով

Անալ սեքսով զբաղվելու մեջ որևէ վատ բան չկա, պարզապես յուրաքանչյուր մարդ ունի իր նախասիրությունը